startimes
Kigali
startimes

Birangiye u Burundi bugiye kwitabira inama ya 20 y’abakuru b’ibihugu bigize umuryango wa Afurika y’Uburasirazuba ’EAC’

Amakuru   Yanditswe na: Martin Munezero 16 December 2018 Yasuwe: 10109

Leta y’u Burundi yemeye ko izitabira Inama ya 20 y’Abakurub’Ibihugu bigize Umuryango wa Afurika y’Uburasirazuba, EAC, yaherukaga gusubikwa kubera kubura kw’iki gihugu. Iyi nama yagombaga kubera i Arusha muriTanzania ku wa 30 Ugushyingo 2018.


Sponsored Ad


Iyi nama yaje gusubikwa ku munota wa nyuma Perezida Yoweri Museveni uyobora EAC mu 2018, Perezida Uhuru Muigai Kenyatta wa Kenya, John Magufuli wa Tanzania na ba minisitiri bahagarariye u Rwanda na Sudani y’Epfo,bahageze ariko babura abahagarariye u Burundi.

Yimuriwe ku wa 27 Ukuboza 2018 kuko umwe mu banyamuryango atayitabiriye, kandi biteganywa ko umuryango ufata imyanzuro iyo ibihugu byose bihari.

Umuvugizi wa Perezida w’u Burundi, Karerwa Jean Claude, yatangaje ko igihugu cye kizitabira inama ihuza abakuru b’ibihugu bya EAC.

Perezida Nkurunziza yari yandikiye Perezida Museveni uyoboye EAC amusaba igihe cyo kwitegura kwitabira inama iheruka gusubikwa.

Yavuze ko ibaruwa ibatumira mu nama yabagezeho ku wa 21 Ugushyingo 2018 mu gihe amategeko ateganya ko inama y’abakuru b’ibihugu isanzwe igena nibura ibyumweru bine byo kwitegura.

Karerwa yatangarije mu kiganiro cy’abavugizi b’ibigo bya leta mu Burundi ko ubu igihugu cyabonye umwanya uhagije.

Yanavuze ko Perezida Nkurunziza Pierre ashobora kwitabira iyi nama cyangwa akohereza indi ntumwa ya Guverinoma izamuhagararira.

Iyi nama y’Abakuru b’Ibihugu bya EAC izasuzumirwamo uko Somalia yakinjizwa muri uyu muryango.

Ishobora kuzashimangirirwamo imishinga y’amategeko yemejwe n’Inteko Ishinga Amategeko y’Umuryango w’Ibihugu bya Afurika y’Iburasirazuba (EALA) irimo uwo gucunga ibikoresho bikozwe muri pulasitiki, ushyiraho Urukiko rumwe, uw’Ifaranga rimwe n’Isoko rimwe ndetse n’Akarere kamwe ka Gasutamo muri EAC.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Yoweri Kaguta Museveni yakoze impinduka zikomeye mu miyoborere...

Gen. Yoweri Kaguta Museveni, Umugaba w’Ikirenga w’Ingabo za Uganda akaba na...
3 August 2020 Yasuwe: 1245 0

Kenya yahakanye ko itahagaritse indege za Tanzania bivugwa ko bari kurebana...

Minisitiri ushinzwe gutwara abantu n’ibintu wa Kenya, James Macharia,...
2 August 2020 Yasuwe: 982 0

Ibyemezo by’Inama y’Abaminisitiri yo ku wa 29 Nyakanga 2020

Ku wa Gatatu, tariki ya 29 Nyakanga 2020, Inama y’Abaminisitiri yateraniye...
30 July 2020 Yasuwe: 3079 0

Gereza Nkuru ya Gitega mu Burundi yamaze kwakira Abanyarwanda 2 bavugwaho...

Inzego z’umutekano z’u Burundi muri Gashyantare 2020 zataye muri yombi...
27 July 2020 Yasuwe: 3738 0

Ibiro bya US mu Bushinwa byafunzwe mbere y’igihe ntarengwa

Abadipolomate ba Amerika bavuye mu biro bihagarariye iki gihugu mu mujyi wa...
27 July 2020 Yasuwe: 859 1

Umutwe w’inyeshyamba wa M23 wari waraburiwe irengero wongeye kwigaragaza...

Muri Repubulika Iharanira Demukarasi ya Congo muri Teritwari ya Rutshuru mu...
24 July 2020 Yasuwe: 9273 0