Kigali
startimes

Burundi: Agathon Rwasa niwe watorewe kuzahagararira ishyaka CNL mu matora ya perezida

Amakuru   Yanditswe na: Dusingizimana Remy 16 February 2020 Yasuwe: 1671

Uwashinze ishyaka rya CNL,Bwana Agathon Rwasa ninawe wamaze kwemezwa n’inteko rusange idasanzwe y’ishyaka CNL yabaye kuri iki cyumweru kuzarihagararira mu matora ya perezida w’U Burundi ateganyijwe kuwa 20 Gicurasi 2020.



Kuri iki cyumweru taliki ya 16 Gashyantare 2020, nibwo habaye inteko idasanzwe y’ishyaka CNL ryemeje ko umuyobozi w’iri shyaka Agathon Rwasa ariwe uzarihagararira mu matora ya perezida azaba mu kwezi kwa gatanu w’umwaka wa 2020.

Bwana Agathon Rwasa uzwi cyane muri politiki y’u Burundi n’umwe mu bakandida bahabwa amahirwe yo gutsinda aya matora yo muri Gicurasi bitewe n’imbaga nyamwinshi y’abamushyigikiye.

Iri shyaka CNL (Congrès National Pour la Liberté) rya Agathon Rwasa ryemewe na Leta y’u Burundi ku wa Kane tariki ya 14 Gashyantare 2019 binatangazwa na Minisiteri y’Umutekano mu gihugu.

Muri Nzeri 2018 nibwo Hon. Agathon Rwasa utavuga rumwe na Leta ya Nkurunziza, yatangaje ku mugaragaro ko yashinze ishyaka rishya rya FNL-Amizero y’Abarundi, Umuyobozi wa FNL yari isanzweho, Jacques Bigirimana avuga ko iri shyaka rishya rya Rwasa ridakwiye kwemerwa na Leta, ashimangira ko izina n’ibirango byaryo bisa n’iby’ishyaka ryabo ryari risanzwe rya FNL (Front National de Liberation) Leta iryanga ityo biba ngombwa ko ahindura.

Hon.Agathon Rwasa w’imyaka 56 utavuga rumwe na Leta y’u Burundi,n’inararibonye muri Politiki kuko yahawe imyanya itandukanye muri iki gihugu harimo no kuba yari asanzwe ari Visi Perezida wa mbere mu nteko ishingamategeko y’u Burundi.

Agathon Rwasa wabaye umukandida wa 13 wamaze kumenyekana ko aziyamamaza mu matora y’umukuru w’igihugu, yahoze ari umukuru w’ishyaka FNL, ariko riza kumwirukana bivuye ku kutumvikana.

Ishyaka CNL riri mu yafite abayoboke benshi mu Burundi kuko mu mwaka ushize ryagiye rifungura ibiro hirya no hino gusa bimwe byagiye bitwikwa n’abo bivugwa ko ari abanzi b’ishyaka aho hatunzwe agatoki imbonerakure za CNDD FDD.

Mu mashyaka yemewe n’amategeko yifatanyije na CNL muri iyi nteko idasanzwe harimo CNDD-FDD, FRODEBU, na FNL.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umuhungu wa Petero Nkurunziza yahawe amafaranga menshi n’umudari w’intwari...

Umuhungu wa Petero Nkurunziza yashimiwe n’umukuru w’igihugu Evariste...
2 July 2020 Yasuwe: 2045 0

Reba urutonde rw’abakuru b’ibihugu bahoze ari abasirikare impinduka zabo...

Demokarasi muri Afurika n’imwe mu bibazo bivugwa cyane ku bahoze ari...
30 June 2020 Yasuwe: 4673 1

Gen. Mugisha yavuze uburyo Perezida Museveni ngo ageze mu marembera

Perezida w’ ihuriro ry’ amashyaka arwanya ubutegetsi muri Uganda (ANT), Gen....
30 June 2020 Yasuwe: 2417 0

Iran yasabye INTERPOL kubafasha guta muri yombi perezida Trump

Igihugu cya Iran cyashyize hanze impapuro mpuzamahanga zisaba itabwa muri...
29 June 2020 Yasuwe: 878 1

Burundi: Perezida Ndayishimiye yashyizeho guverinoma y’abaminisitiri 16...

Ibiro bya perezida w’u Burundi byatangaje abagize guverinoma nshya,...
29 June 2020 Yasuwe: 1405 1

Burundi: Abayobozi ba mbere bagize Guverinoma ya Evariste Ndayishimiye...

Inteko ishinga amategeko mu Burundi yamaze kwemezwa Alain-Guillaume Bunyoni...
23 June 2020 Yasuwe: 3126 0