addresiya
Kigali
startimes

Burundi: CNDD FDD yigaruriye abayoboke 4260 bo mu yandi mashyaka mu ntara ya Ngozi

Amakuru   Yanditswe na: Dusingizimana Remy 18 April 2020 Yasuwe: 1570

Kuri uyu wa 18 Mata 2020,Ishyaka riri ku butegetsi mu Burundi,CNDD FDD ryerekanye ingufu zidasanzwe mu ntara ya Ngozi aho ryarahije abarwanashyaka [abanywanyi] bashya 4260 biyomoye ku mashyaka bari basanzwemo.



Ubwinshi bw’abarwanashyaka bashya ba CNDD FDD barahiye uyu munsi muri Komini Ngozi bwatumye ibikorwa hafi ya byose muri ako gace bihagarara.

Abari bateganyijwe kwinjira muri CNDD-FDD mu ntara ya Ngozi kuri wa gatandatu tariki ya 18 Mata 2020 bose hamwe ni 4260 nkuko byatangajw na kimwe mu binyamakuru mu Burundi

Aba bantu batandukanye baturutse mu mashyaka atandukanye nka:

CNL : 2897
Frodebu: 23
UPRONA: 378
FRODEBU Nyakuri: 44
MSD: 10
UPD: 27
FNL: 62
PALIPE AGAKIZA: 1
PP: 1
SANS: 795

Aba barwabashyaka bose bakiriwe n’icyegera cy’umunyamabanga mukuru w’ishyaka CNDD-FDD Hon. Joseph Ntakarutimana.

CNDD FDD ikomeje kugwiza imbaraga muri iyi minsi kugira ngo izatsinde amatora y’umukuru w’igihugu ateganyijwe kuwa 20 Gicurasi 2020.

Kuwa 11 Werurwe 2020,nibwo Komisiyo ishinzwe amatora mu Burundi yatangaje abakandida batandatu bemerewe kwiyamamariza kuyobora Uburundi mu matora ateganyijwe kuwa 20 Gicurasi 2020 mu gihe abandi bane barimo n’uwigeze kuyobora iki gihugu Domitien Ndayizeye bangiwe kwiyamamaza gusa nyuma yaje kwmererwa n’urukiko rw’ikirenga

Iyi komisiyo ishinzwe gutegura amatora mu Burundi [CENI] yavuze ko Abakandida bane mu icumi bari batanze inzandiko zisaba kwiyamamaza,batemerewe kwiyamamariza kuba perezida kubera ko bagonzwe n’amategeko agenga abiyamamaza ku mwanya w’umukuru w’igihugu gusa Domitien Ndayizeye yaje kwemerwa kwiyamamaza nyuma n’urukiko.

Abo 3 bangiwe kwiyamamaza ni Jacques Bigirimana,,Valentin Kavakure na Anicet Niyonkuru.

Abakandida 7 bemerewe guhangana mu mwanya wo gusimbura Perezida Nkurunziza umaze imyaka 15 ku butegetsi barimo:

Abakandida bazahatana muri aya matora barimo General Evariste Ndayishimiye uhagarariye ishyaka CNDD FDD rya Perezida Nkurunziza, Agathon Rwasa wa CNL, Gaston Sindimwo wo mu Ishyaka Uprona, Léonce Ngendakumana w’ishyaka Sahwanya Frodebu, abakandida bigenga Francis Rohero na mugenzi we Dieudonné Nahimana ndetse na Domitien Ndayizeye wayoboye u Burundi kuva mu 2003 kugeza 2005.

Amatora y’umukuru w’igihugu mu Burundi yitezwe na benshi aho abahabwa amahirwe menshi ari Gen.Evariste Ndayishimiye wa CNDD FDD na Agathon Rwasa wa CNL.

Kuwa 16 Mata 2020 Minisiteri y’Ububanyi n’Amahanga mu Burundi yatangaje ko Komisiyo y’Amatora mu gihugu, CENI, idafite ubushobozi bwo kuzategura amatora ateganyijwe ku Barundi batuye mu mahanga kubera icyorezo cya Coronavirus.

Itangazo ryashyizweho umukono na Minisitiri w’Ububanyi n’Amahanga w’u Burundi, Ezechiel Nibigira, rigira riti “Kubera ibibazo byatewe n’ingamba zo guhangana na Coronavirus mu bihugu bitandukanye, ibi ntibyatuma bishoboka ko haba urujya n’uruza rw’abantu ngo babe bagera aho bajya gutorera kuri za ambasade.”

CENI igaragaza ko Abarundi 12,933 aribo bari mu mahanga, bakaba aribo bagombaga kwitabira aya matora y’umukuru w’igihugu ariko bitagikunze.

Komisiyo y’Amatora ivuga ko Abarundi miliyoni eshanu aribo bazitabira aya matora imbere mu gihugu.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abapolisi bishe George Floyd bashinjwe ibindi byaha bishobora kubagiraho...

Hatangajwe ibirego bishya ku bapolisi bane birukanwe bari bahari ubwo...
4 June 2020 Yasuwe: 192 0

Burundi: Ndayishimiye watsinze amatora yise igicucu Agathon Rwasa wanze...

Perezida mushya w’u Burundi Evaritse Ndayishimiye yanenze mugenzi we bari...
1 June 2020 Yasuwe: 3118 1

Burundi: Evariste Ndayishimiye yatsinze amatora ya Perezida mu buryo...

Komisiyo y’igihugu y’amatora mu Burundi yamaze gutangaza ibyavuye mu matora...
25 May 2020 Yasuwe: 2174 0

Burundi: Haratangazwa amajwi y’ibanze y’ibyavuye mu matora adateye amatsiko...

Uyu munsi saa Munani z’amanywa, komisiyo ishinzwe amatora mu Burundi...
25 May 2020 Yasuwe: 1521 1

Burundi: Evariste Ndayishimiye yatangiye kwigaranzura abandi mu majwi...

Ibyavuye mu matora by’agateganyo byari bitegerejwe kuwa mbere cyangwa kuwa...
22 May 2020 Yasuwe: 6977 0

Burundi:Perezida Nkurunziza yagiye gutora uzamusimbura agenda ku igare...

Perezida Pierre Nkurunziza w’u Burundi yakoze udushya ku munsi w’ejo ubwo...
21 May 2020 Yasuwe: 7909 0