skol
Kigali
startimes

Gen. Muhoozi umuhungu wa Perezida Museveni ati ’bitwaye iki kuba Museveni yaba ari Umunyarwanda’

Amakuru   Yanditswe na: Martin Munezero 10 August 2020 Yasuwe: 6805

Lt. Gen. Muhoozi Kainerugaba, umuhungu wa Yoweri Museveni uyoboye Uganda, yagarutse ku butumwa bwa se mu 1986 ubwo yari amaze gufata ubutegetsi, aho yibaza icyo byaba bitwaye aramutse ari Umunyarwanda.


Ku butegetsi bwa Milton Obote, Yoweri Museveni washinze umutwe wigometse wa NRA (National Resistance Army) yitwaga Umunyarwanda. Muri iyi videwo, yibajije ati:

Obote buri gihe kuri radiyo yaravugaga ati Museveni ni Umunyarwanda, Museveni ni Umunyarwanda, Museveni ni Umunyarwanda. Bitwaye iki kuba Museveni yaba ari Umunyarwanda.

Yatangaje ubu butumwa mu rurimi rw’Icyongereza, ashaka kugaragaza uburyo amoko n’inkomoko nta cyo bimaze, ndetse bigira ingaruka mbi. Abona ko ari ikibazo gikomeye Obote yahiritse ku butegetsi yari afite.

Gen. Kainerugaba yashyizeho ku rubuga Twitter ubutumwa buherekeje iyi videwo, ati:

Umuyobozi w’impinduramatwara muri Uganda, Gen. Museveni, avuga ku bubi bw’ivanguramoko nyuma gato y’aho Kampala yari imaze gufatwa mu 1986.

Ubwicanyi bushingiye ku moko nk’ingaruka y’ivanguramoko n’inkomoko buri mu byatumye Yoweri Museveni n’abandi barwanyi ba NRA batangiza urugamba mu 1980, rwarangiye mu 1986 Obote ahiritswe ku butegetsi.

Obote kandi yashinjwaga kunanirwa guteza imbere imibereho y’Abagande no kumungwa na ruswa.

Museveni uri ku butegetsi kugeza ubu, ubwe ahamya ko hari impinduka nyinshi n’iterambere yagejeje ku Bagande mu myaka 34 amaze abayoboye, gusa akemeza ko hari intego yihaye atarageraho, ikaba ari impamvu nyamukuru yatumye yemeza ko aziyamamariza manda ya gatandatu mu 2021, cyane ko ishyaka rye (NRM) ryamaze kumwemeza nk’uzariharararira mu matora.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Prime Niyongabo na Pontien Baritonda bahoze bafite ipeti rya Colonel mu...

Ku wa Gatanu w’iki cyumweru, (Rtd) Col. Prime Niyongabo wahoze ayobora...
19 September 2020 Yasuwe: 1987 0

Burundi: Imbonerakure zagabweho igitero zimwe ziricwa izindi...

Mu ijoro ryakeye ahitwa Kiganza muri zone ya Maramvya muri Komini Burambi...
16 September 2020 Yasuwe: 2359 0

RDC: Kabila wahoze ari perezida yagarutse muri Politiki nk’umusenateri

Joseph Kabila Kabange wahoze ari perezida wa Repubulika ya Demokarasi ya...
15 September 2020 Yasuwe: 1878 0

Inama perezida Tshisekedi yari yatumiyemo bagenzi be bo muri aka karere...

Minisitiri w’Ububanyi n’Amahanga wa Repubulika ya Demokarasi ya Congo,...
13 September 2020 Yasuwe: 2927 0

U Burundi bwanze kwitabira inama y’abakuru b’ibihugu byo muri aka karere...

Uburundi bwatangaje ko butazitabira inama iteganyijwe mu minsi iri imbere...
12 September 2020 Yasuwe: 5900 0

Microsoft ivuga ko aba ’hackers’ b’Uburusiya, Ubushinwa na Iran bibasiye Trump...

Abinjira mu mabanga yo kuri mudasobwa (hackers) bafitanye isano n’Uburusiya,...
11 September 2020 Yasuwe: 697 0