addresiya
Kigali
startimes

Ingabo za Korea y’Epfo n’iya ruguru zakozanyijeho

Amakuru   Yanditswe na: Martin Munezero 4 May 2020 Yasuwe: 1636

Leta ya Koreya y’Epfo yatangaje ko ingabo zayo zakozanyijeho n’iza Korea ya Ruguru ku mupaka uhuza ibihugu byombi, mu gitondo cyo kuri iki Cyumweru tariki ya 03 Gicurasi 2020, ku bw’amahirwe nta wakomeretse.



Itsinda ry’Abagaba Bakuru b’Ingabo zirwanira ku butaka mu Mujyi wa Seoul ryavuze ko ungabo za Koreya ya Ruguru zashotoye ibirindiro by’ingabo za Korera y’Epfo zihamisha urufaya rw’amasasu muri iki gitondo ahagana saa 7:41.

Koreya y’Epfo yo ivuga ko yarashe inshuro ebyiri mu gusubiza inaburira ko nibakomeza byubura imirwano. Itangazo ry’Ingabo zo muri Korea ryasshimangiye ko nta wakomeretse nk’uko bitangazwa na Aljazeera.

Itangazo riragira riti: “Dukomeje kugira icyo tubikoraho dukoresha imirongo y’itumanaho ihuza ibihugu byombi, kugira ngo hamenyekane icyabiteye ndetse hanirindwa ko byasubira. Ikindi kandi twiteguye bihagije guhangana n’icyadutera cyose.”

Uru rusaku rw’amasasu rwumvikanye ku mupaka uhuza ibihugu byombi nyuma y’umunsi umwe gusa Perezida wa Koreya ya Ruguru Kim Jong Un yongeye kugaragara mu ruhame nyuma y’iminsi igera kuri 20 ndetse hari n’ibihuha byakwijswe ku buzima bwe, bamwe bamubika ko yapfuye.

Ibinyamakuru bitandukanye byizewe muri Korea ya Ruguru byatangaje amafoto ya Perezida Kim ku wa Gatandatu, bivuga ko yitabiriye ibirori byo gutaha uruganda rw’ifumbire, akaba ari bwo bwa mbere yari agaragaye mu ruhame guhera tariki 11 Mata.

Korea zombi zitandukanywa n’agace kitwa “Demilitarized Zone/DMZ” (bishatse kuvuga ko nta ngabo ziharangwa), kangana n’intera ya kirometero 248 z’uburebure n’ibirometero 4 by’ubugari, kakaba karashyiriweho kugabanya ubushyamirane hagati y’ibihugu byombi.

Ariko nubwo hitiriwe izina gusa, ako gace ni ko karangwamo ingabo n’ibikorwa byinshi bya gisirikare ku mpande zombi. Bivugwa ko gatezemo mine n’ibindi bisasu bibarirwa muri miriyoni 2, ndetse kanarinzwe n’insinga zicometsemo amashanyarazi, ingabo zihora zigendagenda n’ibindi.

Mu mpera z’umwaka wa 2018, Koreya zombi zatangiye gusenya bimwe mu birindiro no gutegura bimwe mu bisasu muri DMZ nk’indi ntambwe yo kugabanya ubushyamirane.

Ubushake bwose bakendejwe n’amakuru yumvikanye ko Perezida Kim yaba arimo gukorana amasezerano na Perezida Donal J. Trump wa Leta Zunze Ubumwe z’Amerika (USA), wasabye Korea ya Ruguru kureka gukora ibitwaro bya kirimbuzi maze agahagarikirwa ibihano by’ubukungu yashyiriweho.

Urusaku rw’amasasu rweruye ruheruka kumvikana muri ako gace mu mwaka wa 2017, ubwo Korea ya Ruguru yamishaga amasasu ku musirikare wayo wahungiraga muri Korea y’Epfo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Burundi: Haratangazwa amajwi y’ibanze y’ibyavuye mu matora adateye amatsiko...

Uyu munsi saa Munani z’amanywa, komisiyo ishinzwe amatora mu Burundi...
25 May 2020 Yasuwe: 1412 1

Burundi: Evariste Ndayishimiye yatangiye kwigaranzura abandi mu majwi...

Ibyavuye mu matora by’agateganyo byari bitegerejwe kuwa mbere cyangwa kuwa...
22 May 2020 Yasuwe: 6846 0

Burundi:Perezida Nkurunziza yagiye gutora uzamusimbura agenda ku igare...

Perezida Pierre Nkurunziza w’u Burundi yakoze udushya ku munsi w’ejo ubwo...
21 May 2020 Yasuwe: 7660 0

Abarundi baramukiye mu matora yo gushaka umusimbura wa Nkurunziza Pierre...

Kuri uyu wa 20 Gicurasi 2020,Abarundi bari imbere mu gihugu babyukiye mu...
20 May 2020 Yasuwe: 2050 0

Burundi: Gen Ndayishimiye Evariste natorwa azihakana P. Nkurunziza ahindure...

Ese Gen Evariste Ndayishimiye natorerwa kuyobora u Burundi azabasha...
17 May 2020 Yasuwe: 7796 0

Barack Obama yongeye kunenga perezida Donald Trump mu ruhame

Barack Obama wahoze ari Perezida wa Leta Zunze Ubumwe z’Amerika yongeye...
17 May 2020 Yasuwe: 2037 0