Kigali

Iran yiyemeje gutera ibisasu I Dubai no muri Israel mu gihe Amerika yagerageza kubatera

Amakuru   Yanditswe na: Dusingizimana Remy 8 January 2020 Yasuwe: 8002

Umwuka mubi ushobora kubyara intambara hagati ya Iran na Leta zunze ubumwe za Amerika ukomeje gututumba aho iki gihugu cya Iran cyatangaje ko Amerika niramuka ibamisheho ibisasu barahita berekeza misile zabo I Dubai no muri Israel.



Iran yaraye iteye misile 22 ku birindi 2 by’ingabo za USA muri Iraq,yavuze ko ishobora no kubyohereza i Dubai no muri Israel igiye cyose Amerika yaba irakaye ikabasubiza.

Agashimi k’igisirikare cya Iran gashinzwe umutekano w’igihugu [The Islamic Revolutionary Guard Corps] kabwiye IRNA news agency kati “Turaburira inshuti zose za Amerika,zahaye ibirindiro igisirikare cyayo ko ubutaka bwose buzaberaho ibikorwa byo gutera Iran buzaraswa.”

Indi Televiziyo yo muri Iran yavuze ko iki gihugu gishaka gutera misile I Dubai [Union Arab Emirates] no muri Israel hasanzwe ari mu nshuti za Amerika.



Iran TV yavuze koi bi bitero bya Misile byatewe ku ngabo za Amerika mu rwego rwo guhorera umusirikare wayo ndetse wari umurinzi wayo w’akataraboneka, Gen. Qassem Soleimani wishwe mu cyumweru gishize na Amerika.

Pentagon yavuze ko ibi bisasu koko byarashwe na Iran ishaka kurimbura ingabo za Amerika muri ibi birindiro byo muri Iraq.

Umuyobozi w’ikirenga wa Iran,Ayatollah Ali Khamenei yavuze ko izi misile barashe ari urushyi bakubise mu maso ya Amerika ndetse ngo ntabwo zihagije hazakorwa ibindi.



Uyu muyobozi yabwiye TV y’igihugu ko ukubaho kw’Amerika mu gace kabo kugomba kugira iherezo ananenga igisirikare cyayo kugira uruhare mu guteza intambara,gucamo ibice no kurimbura.

Hategerejwe ijambo rya Trump gusa hari amakuru avuga ko ingabo za Amerika zatangiye kwerekezwa hirya no hino muri Asia kugira ngo zitegure urugamba.

Icyakora Minisitiri w’Ububanyi n’amahanga wa Iran,Javad Zarif,yavuze ko badashaka intambara na Amerika nubwo bohereje izi misile 22 gusa ngo biteguye kwirwanaho igihe Amerika yabigira birebire.





Ibisasu Iran yateye ku birindiro bya Amerika muri Iraq

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ibihugu byasabwe gufungura imfungwa byihuse kubera Coronavirus

Mu rwego rwo kurinda ko icyorezo cya Coronavirus cyakwirakwira mu magereza,...
29 March 2020 Yasuwe: 9962 1

Aba Mai-Mai basaga 200 n’Umuyobozi wabo bishyikirije igisirikare cya...

Kuri uyu wa Kane, tariki 26 Werurwe 2020, inyeshyamba za Mai-Mai/AFRC...
27 March 2020 Yasuwe: 2181 0

Ronald Rutarindwa yatawe muri yombi n’urwego rushinzwe Ubutasi mu Gisirikare...

Umunyarwanda, Ronald Rutarindwa, yatawe muri yombi n’Urwego rushinzwe...
26 March 2020 Yasuwe: 6191 0

Iran yanze inkunga ya USA yo kuyifasha kurwanya Coronavirus kubera ko ikeka...

Umuyobozi w’Ikirenga wa Irani Ayatollah Ali Khamenei yatangarije kuri...
23 March 2020 Yasuwe: 1430 1

Donald Trump yahagaritse inama yagombaga guzahuza ibihugu 7 by’ ibihangange...

Perezida wa Leta zuzne ubumwe za Amerika Donald Trump yahagaritse inama...
20 March 2020 Yasuwe: 1215 0

Impunzi z’Abarundi zivuga ko Congo ari ubutaka bwazo bw’isezerano

Nyuma yuko Repubulika Iharanira Demukarasi ya Congo yiyemeje gusubiza...
18 March 2020 Yasuwe: 2341 0