skol
Kigali
startimes

Joseph Kabila ari mu nzira yo gusubirana ubutegetsi – Minisitiri Claude Nyamugabo

Amakuru   Yanditswe na: Martin Munezero 19 September 2020 Yasuwe: 3275

Minisitiri w’Ibidukikije n’Iterambere rirambye muri Repubulika Iharanira Demukarasi ya Congo, Claude Nyamugabo, yahamije ko Joseph Kabila wahoze ayobora iki gihugu ari mu nzira yo gusubirana ubutegetsi.


Minisitiri Nyamugabo yabitangaje kuri uyu wa 18 Nzeri 2020 mu nama y’abagize ishyaka rya PPRD (Parti du Peuple pour la Reconstruction et la Democratie) Joseph Kabila asanzwe abereye umuyoboke.

Nkuko 7 sur 7 dukesha iyi nkuri ibivuga, ngo kuri uyu Minisitiri, ngo PPRD iri gukora ibishoboka byose kugira ngo Joseph Kabila azasubirane ubutegetsi (azongere abe Perezida wa RDC). Minisitiri Nyamugabo yagize ati:

Kugaruka kwa Joseph Kabila si indirimbo, ahubwo ni ukuri. Araje agaruke ku butegetsi kandi turi kubikoraho. Buri muturage abitegereje n’urukumbuzi rwinshi.

Ijambo ry’uyu Minisitiri rikurikiye kugaragara kwa Joseph Kabila bwa mbere mu Nteko Ishinga Amategeko, Umutwe wa Sena tariki ya 15 Nzeri 2020, kwasobanuye ko atangiye inshingano nshya nk’umusenateri uhoraho; umwanya uhabwa uwaragije inshingano z’Umukuru w’Igihugu neza.

Kugaragara muri Sena kwa Joseph Kabila kandi kwakurikiranye n’amakuru yari amaze igihe kirekire avugwa ko yaba ategura kwisubiza ubutegetsi, cyane ko ngo ari ibintu byamworohera bitewe n’uko ihuriro mpuzamashyaka arimo (FCC) rifite imyanya myinshi mu Nteko Ishinga Amategeko muri Guverinoma ugereranyije na CACH ribarizwamo Perezida Felix Tshisekedi.

Ubushobozi bwa Felix Tshisekedi kandi burakemangwa kuva yajya ku butegetsi muri Mutarama 2019, ahanini bitewe no kuba yaremeye kuganzwa na FCC muri iyi myanya ikomeye mu butegetsi bw’igihihugu, abatemera ubutegetsi bwe barimo abari mu ihuriro rya LAMUKA bagaragaza ko bifuza undi uta Mukuru w’Igihugu.

Joseph Kabila yayoboye Repubulika Iharanira Demukarasi ya Congo manda ebyiri kuva mu 2001 asimbuye se Laurent Kabila, ava ku butegetsi mu 2019 asimbuwe na Felix Tshisekedi.

Ibyo kongera gusubirana ubutegetsi amaze igihe avugwaho, Joseph Kabila nta jambo na rimwe yigeze abivugaho ndetse mbere y’uko agaragara mu Nteko, ibya politiki yabigenzaga gake ahubwo ashishikajwe n’ubuzima bwe bwite n’umuryango we.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Mbabazi

    Ndabarahiye nkurikije uko nyakubahwa Felix yitwaye kuva yagera kubuyobozi sinifuza igaruka rya Kabila , ntekereza ko naburi wese uzirikana yashyigikira ko Felix aguma kubutegetsi.

    1 month ago

Inzindi nkuru

FBI irashinja Iran n’Uburusiya koherereza ubutumwa bw’iterabwoba bamwe mu...

Abakuriye ubutasi muri Amerika batangaje ko Iran ari yo yoherereje ubutumwa...
22 October 2020 Yasuwe: 667 0

Umunyamabanga wa leta muri Minisiteri y’ubutabera, Amb Solina Nyirahabimana...

Umunyamabanga wa leta muri Minisiteri y’ubutabera, Amb Solina Nyirahabimana...
21 October 2020 Yasuwe: 2758 1

Perezida Trump na Joe Biden babwiwe ko bazajya bazimirizwa mikoro igihe...

Mu kiganiro mpaka giteganyijwe kuwa kane hagati y’abakandida Donald Trump na...
20 October 2020 Yasuwe: 825 0

Guinea: Cellou Dalein Diallo utavuga rumwe n’ubutegetsi yitangaje ko...

Cellou Dalein Diallo utavuga rumwe n’ubutegetsi muri Guinea yitangaje ko ari...
20 October 2020 Yasuwe: 363 0

U Burundi bwabeshyuje ibyo guhiga abantu bose bavuga ururimi rw’Ikinyarwanda...

Minisiteri y’Umutekano mu Burundi, yahakanye ibiherutse gutangazwa ko...
18 October 2020 Yasuwe: 1574 0

Abaturage bo mu Burundi batashywe n’ubwoba nyuma y’imbunda zahawe...

Mu Ntara ya Cibitoke iri mu majyaruguru ashyira Uburengerazuba bw’u...
17 October 2020 Yasuwe: 2690 0