skol
Kigali
startimes

Kenya yahakanye ko itahagaritse indege za Tanzania bivugwa ko bari kurebana ay’ingwe

Amakuru   Yanditswe na: Dusingizimana Remy 2 August 2020 Yasuwe: 1082

Minisitiri ushinzwe gutwara abantu n’ibintu wa Kenya, James Macharia, arahakana ko nta mwuka mubi uri hagati ya Tanzania na Kenya nubwo hari amakuru yavugaga ko batameranye neza ndetse bahagaritse n’ingendo z’indege hagati yabo.



Ibi uyu Minisitiri yabitangaje avuga kuri iyi ngingo ya Tanzania yo kubuza indege za kompanyi ya Kenya Airways kwinjira muri icyo gihugu ikoresheje ibibuga by’indege bya Dar es Salaam, Kilimanjaro na Zanzibar guhera kuwa mbere w’uku kwezi.

Bwana Macharia yavuze ko leta ya Kenya nta ndege y’igihugu icyo ari cyo cyose ibujijwe kugera ku butaka bw’igihugu.

Ubwo yari amaze gufungura ikirere cya Kenya ngo indege mpuzamahanga zongere kugwa ku kibuga cy’indege Jomo Kenyatta i Nairobi ejo ku wa gatandatu, Bwana Macharia yavuze ko indege za Tanzania zitabujijwe kwinjira mu gihugu.

Ati: "Nta ndege n’imwe twabujije kwinjira muri Kenya. Ntitwafunzeikirere cyacu, icyo twakoze twafashe ingamba zijyanye no gushyira mu kato (quarantaine) abantu bazaba bavuye mu bihugu runaka tugendeye ku bukana icyorezo cya coronavirus kizaba gifite".

Macharia yavuze ko yashoboye kuvugana na mugenzi we wa Tanzania, Isack Kamwelwe, ku byerekeye umubano hagati y’ibi bihugu byombi.

Yavuze ko ingamba zafashwe na Tanzania zigiye kurebwaho mu minsi ya vuba.

Ati: "Kenya ntiyigeze ibuza indege ziva muri Tanzania. Kenya ntiyigeze yanga kwakira abagenzi bavuye muri Tanzania. Icyo twakoze ni ugufata ingamba zimwe na zimwe zijyanye n’ubuzima bw’abantu ku bazaba bavuye mu bihugu bimwe na bimwe".

Macharia yongeyeho ko indege za Kenya zizongera gukoresha ikirere cya Tanzania mu gihe bazaba bamaze gusinyana amasezerano.

Mu ntangiriro, Kenya yasohoye urutonde rw’ibihugu 11 abagenzi babyo bemerewe kwinjira muri iki gihugu nta ngorane,hanyuma yongeraho ibindi umunani, byose hamwe biba 19.Ivuga ko ibyo bihugu byashoboye kurwanya icyorezo cya Covid-19.

Bwana Macharia yavuze ko urwo rutonde rucyigwaho kandi ko ruzagenda rusubirwamo bigendanye n’uburyo ibihugu bizagenda bihangana n’ikwirakwira rya coronavirus.

Mu ntangiriro Tanzania yabujije indege za kompanyi Kenya Airways kwinjira muri icyo gihugu mu gihe kitazwi, ivuga ko na Kenya yabujije indege zayo.

Itangazo ryasohowe n’ishyirahamwe rishinzwe ingendo z’indege muri icyo gihugu (TCAA) rivuga ko iki gihugu cyahagaritse uruhushya rwari rwahawe kompanyi ya Kenya Airways rwo kongera gukorera ingendo z’indege muri Tanzania.

Iri shyirahamwe ryavuze ko kwari ukwihimura kuri Kenya itarabashyize ku rutonde rw’ibindi bihugu abagenzi babyo bemerewe kwinjira muri iki gihugu.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yahagaritse kwiyamamaza kubera akaga yahuye nako

Umukandida ku mwanya w’umukuru w’igihugu muri Uganda, Robert Kyagulanyi, uzwi...
2 December 2020 Yasuwe: 1642 0

Uzwiho kuba ari inshuti ya Trump yemeje ko nta buriganya bwabaye mu matora...

Umucamanza mukuru w’Amerika William Barr avuga ko ibiro by’ubutabera akuriye...
2 December 2020 Yasuwe: 744 0

Uganda: Bamwe mu bacunga Bobi Wine bakomerekeye mu mvururu zatewe na...

Abantu batari bake bakomerekeye mu karere ka Kayunga, hafi y’umurwa mukuru...
1 December 2020 Yasuwe: 1025 0

Iran yemeje ko umuhanga wayo mu gukora ibitwaro bya Nikleyeri ’yishwe...

Iran yemeza ko Israel ndetse n’umutwe utavuga rumwe na leta ukorera mu...
1 December 2020 Yasuwe: 3480 0

Ambasaderi wa Uganda muri Kenya ’Phibby Otaala’ yanze ko bamusimbura

Ambasaderi wa Uganda muri Kenya, Phibby Otaala, yatangaje ko...
30 November 2020 Yasuwe: 1478 0

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1957 0