Kigali

Perezida Nkurunziza yasezeranyije Abarundi ko amatora azaba meza kurusha ayandi yose bagize aniyemeza gufungura imfungwa no kongerera ingufu igisirikare

Amakuru   Yanditswe na: Dusingizimana Remy 31 December 2019 Yasuwe: 3728

Perezida w’u Burundi,Pierre Nkurunziza, yasezeranyije Abarundi ko amatora y’umukuru w’igihugu uzamusimbura azaba muri Gicurasi 2020 azagenda neza kurusha ayandi yose yabayeho muri iki gihugu.



Kuri uyu wa Kabiri,Perezida Nkurunziza yagejeje ku Barundi ijambo rye rya nyuma nk’umukuru w’igihugu ribifuriza Umwaka Mushya muhire wa 2020 aho yabijeje iterambere,amatora meza,kongerera imbaraga igisirikare no gufungura imfungwa.

Ku bijyanye n’amatora perezida Nkurunziza yagize ati “ Umwaka wa 2020, n’umwaka udasanzwe mu buzima bw’igihugu c’Uburundi. Kukaba nkako, ni umwaka Abarundi tuzosubira kwitorera indongozi mu Nzego zitandukanye z’igihugu, mu matora tudakekeranya ko azoba meza cane, kandi y’intibagiranwa mu Mateka y’Uburundi.

Turararitse Abarundi bose bakwije ibisabwa n’amategeko kuyitaba atawusigaye inyuma, dutore nk’abitorera nk’uko Icivugo c’uyu mwaka mushasha kibishimangira kiti: “Twitorere indongozi n’imigambi nyayo, ni ryo terambere tunyotewe ridukomokako rikongera rikatugarukako. Turasubiye kuremesha Abarundi n’amakungu ko amatora azogenda neza cane gusumba ayo tumaze gutunganya yose, Imana Mushoboravyose ni yo Cabona[umuhamya].

Perezida Nkurunziza yavuze ko umutekano uhagaze neza muri iki gihugu ariko ngo biteguye kongerera imbaraga igisirikare kugira ngo kirusheho gucunga umutekano wabo n’uwo hanze.



Yagize ati “Tuzobandanya kwitwarararika Inzego zijejwe kwivuna abansi no gucungera umutekano, zibe koko inzego zikwije, zikomeye, zifise ubushobozi bwo guhangana n’uwo wese yohirahira akazihangara, Inzego zirangwa n’ubwenge, ubumenyi, ubuhinga n’ubukerebutsi kandi zijanye n’ibihe.”

Perezida Nkurunziza yavuze ko agiye guha imbabazi abakatiwe gufungwa imyaka itarenze itanu, Abagore barimo n’abonsa, abafite ubumuga bugaragara, abamaze muri gereza ½ cy’igiifungo bakatiwe. Ibi ngo bizajyana n’imyitwarire yabo mu magereza barimo.

Perezida Nkurunziza wasezeranyije ko atazongera kwiyamamaza,yavuze ko mbere y’uko ava ku butegetsi azazamura ubuhinzi burimo ikawa,icyayi,n’ibindi.

Yavuze ko hagiye guterwa ibiti byinshi mu gihugu hose mu rwego rwo kwirinda ko Ibiza biherutse gutera u Burundi bigasenya amazu menshi ndetse bigatwara ubuzima bw’abantu.



Nkurunziza yasezeranyije Abarundi ko azagerageza kongera umuriro w’amashanyarazi muri 2020 mbere yo kuva ku butegetsi,azarwanya ibiyobyabwenge ndetse ngo hazakazwa gucunga umutekano ku mipaka,hanimakazwe ububanyi n’amahanga.Yasezeranyije kandi ko hazafungurwa Banki y’abagore ndetse ngo azafatanya n’amahanga kurwanya imitwe y’iterabwoba.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Aba Mai-Mai basaga 200 n’Umuyobozi wabo bishyikirije igisirikare cya...

Kuri uyu wa Kane, tariki 26 Werurwe 2020, inyeshyamba za Mai-Mai/AFRC...
27 March 2020 Yasuwe: 1900 0

Ronald Rutarindwa yatawe muri yombi n’urwego rushinzwe Ubutasi mu Gisirikare...

Umunyarwanda, Ronald Rutarindwa, yatawe muri yombi n’Urwego rushinzwe...
26 March 2020 Yasuwe: 5455 0

Iran yanze inkunga ya USA yo kuyifasha kurwanya Coronavirus kubera ko ikeka...

Umuyobozi w’Ikirenga wa Irani Ayatollah Ali Khamenei yatangarije kuri...
23 March 2020 Yasuwe: 1392 1

Donald Trump yahagaritse inama yagombaga guzahuza ibihugu 7 by’ ibihangange...

Perezida wa Leta zuzne ubumwe za Amerika Donald Trump yahagaritse inama...
20 March 2020 Yasuwe: 1175 0

Impunzi z’Abarundi zivuga ko Congo ari ubutaka bwazo bw’isezerano

Nyuma yuko Repubulika Iharanira Demukarasi ya Congo yiyemeje gusubiza...
18 March 2020 Yasuwe: 2330 0

Perezida Museveni ngo agiye kurekura abanyarwanda bose bafungiye muri...

Umuyobozi Nshingwabikorwa w’Ishami rya Loni rishinzwe kurwanya SIDA...
18 March 2020 Yasuwe: 12583 1