skol
Kigali
startimes

Perezida Trump yashimiye Abanyeshuri bo muri Iran bigaragambije batuka ubuyobozi bwabo

Amakuru   Yanditswe na: Dusingizimana Remy 12 January 2020 Yasuwe: 3253

Amagana y’abanya Irani biriwe mu mihanda ku munsi w’ejo mu murwa mukuru Tehran, bigaragambya mu rwego rwo kwerekana umujinya bafitiye abayobozi babo bise abanyabinyoma nyuma yo guhakana ko ari bo barashe indege ya Ukraine.


Iyi myigaragambyo yabereye ku muri kaminuza ebyiri, aho abari bayirimo batewe ibyuka bijyana mu maso.

Perezida wa Leta Zunze Ubumwe za Amerika, Donald Trump, yanditse ubutumwa ku rubuga rwa Twitter abatera akanyabugabo.

Aba banyeshuri bo muri izi kaminuza ebyiri barakajwe n’amakosa ya Iran yo kurasa indege ya Ukraine yari itwaye abantu 176, bose bakahatakariza ubuzima.

Perezida wa Iran, Hassani Rouhani yemeje kuwa Gatanu ko ingabo z’igihugu zibeshye zikayirasa.

Perezida Trump abinyujije kuri Twitter yashimiye aba banyeshuri bo muri Iran ababwira ko America ibari inyuma kandi ko ari intwari.

Perezida Trump yanditse ubutumwa bwiwe kuri Twitter, mu cyongereza no mu gi Farsi (cyangwa igi Perse, ururimi ruvugwa muri Irani) ati:

"Ku ntwari z’abanya Irani bababaye. Nahoze ndi kumwe namwe kuva ngeze ku butegetsi kandi leta nyoboye izabagwa inyuma.

Turi gukurikiranira hafi iyo myigaragambyo yanyu. Ubutwari bwanyu buratanga icyizere".

Amakuru aravuga ko aba banyeshuli basaba abayobozi ba Iran kwegura barimo n’umuyobozi w’ikirenga Ayatollah Khamenei.

Uyu Khamenei yavuze ko ibyabaye byo kurasa iriya ndege ari ukwibeshya ku ikiremwamuntu, mu gihe Perezida Hassan Rouhani avuga ko "Irani ibabajwe cyane n’iryo kosa".

Minisitiri w’Ububanyi n’amahanga wa Irani, Javad Zarif, ashinja Amerika ko ariyo yatumye iyi ndege iraswa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida w’u Burundi yiyamye ibihugu birimo n’ibyagerageje guhirika...

U Burundi bwiyamye za Guverinoma z’ibihugu by’amahanga birimo n’ibyagerageje...
25 September 2020 Yasuwe: 2653 0

Kim Jong-un yasabye imbabazi ku iyicwa ry’umutegetsi wa Korea...

Perezida wa Koreya ya ruguru Kim Jong-un mu buryo butamenyerewe ubwe...
25 September 2020 Yasuwe: 1126 0

Ruswa n’amafaranga ya Kadhafi mu bigiye guhagama Nicholas Sarkozy

Kuri uyu wa Kane tariki ya 24 Nzeri 2020, Urukiko rw’ubujurire rwa Paris...
25 September 2020 Yasuwe: 979 0

Perezida Trump yavuze ko atazatanga ubutegetsi mu mahoro natsindwa na...

Perezida Donald Trump wa Leta Zunze Ubumwe z’Amerika yanze kwiyemeza...
24 September 2020 Yasuwe: 1405 0

Perezida Trump yateranye amagambo na perezida Xi Jinping mu nama ya...

Ubushyamirane hagati y’Amerika n’Ubushinwa bwigaragaje mu nama rusange...
23 September 2020 Yasuwe: 1563 0

Amerika yahakanye ibyo gushinga ibirindiro bya gisirikare mu...

Nk’uko byakomeje guhwihwiswa ku mbuga nkoranyambaga mu mpera z’icyumweru...
22 September 2020 Yasuwe: 5630 0