skol
Kigali
startimes

RDC: Kabila wahoze ari perezida yagarutse muri Politiki nk’umusenateri

Amakuru   Yanditswe na: Dusingizimana Remy 15 September 2020 Yasuwe: 1896

Joseph Kabila Kabange wahoze ari perezida wa Repubulika ya Demokarasi ya Congo (2001 - 2019) yatangiye imirimo muri sena y’iki gihugu uyu munsi kuwa kabiri, ubwo iyi nteko yatangiraga imirimo yayo isanzwe.


Umunyamakuru wa BBC i Kinshasa avuga ko uyu mwanya awuhabwa n’itegekoshinga ryemerera uwahoze ari umukuru w’igihugu cya DR Congo kuba umusenateri ubuzima bwose.

Nubwo yari abyemerewe n’itegeko ariko kuva yava ku butegetsi mu kwezi kwa mbere 2019, Bwana Kabila ntiyigeze ajya gufata izo nshingano zo kuba senateri.

Muri DR Congo hamaze iminsi hari guhanganira ubutegetsi hagati y’uruhande rwa Joseph Kabila na Perezida wamusimbuye Felix Tshisekedi.

Mu kwezi kwa karindwi, inteko ishingamategeko yagennye Ronsard Malonda - wo ku ruhande rwa Kabila - nka perezida wa komisiyo y’amatora, ibi byateye imyigaragambyo.

Perezida wa Repubulika wagombaga kumwemeza Ronsard Malonda kuri uwo mwanya, nawe ntarabikora.

Kuki ubu aribwo Kabila aje?

Ku cyumweru, ihuriro ry’amashyaka Front Commun pour le Congo (FCC) rya Joseph Kabila, ryakoze inama idasanzwe kuri ibi bibazo, inama yitabiriwe na Kabila ubwe.

Umunyamakuru wa BBC Mbelechi Msoshi uri i Kinshasa avuga ko kuba Bwana Kabila yahise aza muri sena uyu munsi bivuze byinshi ku kibazo cya perezida wa komisiyo y’amatora n’impaka ziriho z’uburyo perezida wa Repubulika akwiye gutorwa muri DR Congo.

Inteko ishingamategeko ya DR Congo, muri uku kwezi kwa cyenda iratangira kwiga ingingo zitandukanye zirimo n’itegeko ry’amatora rusange azaba mu 2023.

FCC ifite benshi mu bagize inteko ishingamategeko (imitwe yombi) na guverinoma z’intara, irifuza ko perezida wa repubulika azajya atorwa n’abahagarariye abaturage.

Uruhande rwa Perezida Felix Tshisekedi rwo si uko rubyifuza. Kuko ibi bishobora no guha Joseph Kabila amahirwe yo kugaruka ku butegetsi.

Mbelechi agira ati: "Kuba Kabila aje muri sena, kandi yari abyemerewe kuva yavaho ntabikore, ni nko kubwira Tshisekedi ati ’ndagurutse ngo duhangane’".

Nyuma yo gutorwa kwa Perezida Tshisekedi, uruhande rwe n’uruhande rwa FCC bamaze amezi arenga atandatu batarumvikana ku bagize guverinoma kugeza mu kwezi kwa kwirindwi 2019.

Izi mpande n’ubu ntiziri kumvikana ku buryo umukuru w’igihugu azatorwa, no ku ukuriye komisiyo y’iyihugu y’amatora wagenwe n’inteko ishingamategeko.

Umunyamakuru wa BBC avuga ko izi ari zimwe mu mpamvu zishobora kuba zigaruye Joseph Kabila "mu ruhando rwa politiki y’ahabona".

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Guinea: Cellou Dalein Diallo utavuga rumwe n’ubutegetsi yitangaje ko...

Cellou Dalein Diallo utavuga rumwe n’ubutegetsi muri Guinea yitangaje ko ari...
20 October 2020 Yasuwe: 317 0

U Burundi bwabeshyuje ibyo guhiga abantu bose bavuga ururimi rw’Ikinyarwanda...

Minisiteri y’Umutekano mu Burundi, yahakanye ibiherutse gutangazwa ko...
18 October 2020 Yasuwe: 1448 0

Abaturage bo mu Burundi batashywe n’ubwoba nyuma y’imbunda zahawe...

Mu Ntara ya Cibitoke iri mu majyaruguru ashyira Uburengerazuba bw’u...
17 October 2020 Yasuwe: 2588 0

Perezida Trump yivuguruje ku mwanzuro yaherukaga gufata mu kiganiro mpaka...

Perezida Donald Trump wa Amerika n’uwo bagiye guhatana mu matora Joe Biden...
16 October 2020 Yasuwe: 1520 0

Bobi Wine yashinje Leta ya Museveni kumutwarira impapuro yari kuzatanga...

Umudepite akaba n’Umuhanzi ukomeye Robert Kyagulanyi, uzwi ku izina rya Bobi...
15 October 2020 Yasuwe: 837 0

Imyanzuro yafatiwe mu nama y’abakuru b’ibihugu byo mu karere yitabiriwe...

Mu nama yahuje abakuru b’ibihugu mu karere k’ibiyaga bigari kuri uyu wa...
7 October 2020 Yasuwe: 9845 0