skol
Kigali
startimes

Ruswa n’amafaranga ya Kadhafi mu bigiye guhagama Nicholas Sarkozy

Amakuru   Yanditswe na: Martin Munezero 25 September 2020 Yasuwe: 1108

Kuri uyu wa Kane tariki ya 24 Nzeri 2020, Urukiko rw’ubujurire rwa Paris rwateye utwatsi ubusabe bw’uwahoze ari Perezida w’u Bufaransa, Nicholas Sarkozy, bwo guhagarika iperereza ku mafaranga yahawe na Kadhafi mu gihe yiyamamazaga mu 2007.



Mu 2013, Ibiro by’umushinjacyaha wa repubulika i Paris nibwo byatangije iperereza ku byaha bya ruswa, gukoresha nabi umwanya we no gukoresha nabi umutungo wa sosiyete, urukiko rukaba rwatanze uburenganzira bw’uko iryo perereza ryakomezwa ku buryo bidatinze ashobora kujyanwa mu rukiko.

Sarkozy ashinjwa kuba amafaranga yakoresheje mu kwiyamamaza mu 2007 yarayakuye ku ‘munyagitugu’, Mouammar Kadhafi wahoze ategeka Libya wakuwe ku butegetsi ku ngufu ndetse akicwa mu 2011.

Radio Mpuzamahanga y’Abafaransa (RFI) ivuga ko Sarkozy yakunze guhakana ko yakiriye amamiliyoni y’Amayero yahawe n’ubutegetsi bwa Kadhafi.

Yatangiye gukorwaho iperereza nyuma y’inyandiko ikinyamakuru Mediapart cyashyize ahagaragara mu 2012 bivugwa ko yashyizweho umukono n’uwari ukuriye ubutasi bwa Libya, igaragaza ko Kadhafi yemeye gutera inkunga Sarkozy ingana na miliyoni 50 z’Amayero (angana na miliyoni $58 muri iki gihe).

Ibirego bivuga ko Nicholas Sarkozy yakuye amafaranga kwa Kadhafi, yakiriye i Paris nyuma gato yo gutorwa yishimye cyane, ariko nyuma akaza gufasha kumuhirika ku butegetsi, ni byo bikomeye mu bindi bikomeje gushinjwa Sarkozy kuva yava ku butegetsi.

Sarkozy akaba ari gukorwaho n’irindi perereza ku bivugwa n’umucuruzi w’Umunya-Libani ufite ubwenegihugu bw’u Bufaransa, Ziad Takieddine, wavuze ko yahaye Sarkozy amavarisi yuzuyemo miliyoni eshanu z’amayero ndetse n’uwari umuyobozi mukuru ushinzwe abakozi, Gueant muri 2006 na 2007.

Nicholas Sarkozy aregwa kandi mu zindi manza ebyiri, rumwe rujyanye na fagitire mpimbano zagenewe guhisha amafaranga y’umurengera yakoresheje mu kwiyamamaza kwe mu matora yatsinzwe mu mwaka wa 2012, n’urundi aregwamo gukoresha umwanya we binyuranyije n’amategeko.

Kuri iki kirebana n’amafaranga yahawe na Kadhafi aracyafite uburenganzira bwo kujuririra Urukiko Rukuru, mu gihe ategerejwe mu rukiko kuri dosiye ya kabiri ku itariki 05 Ukwakira, aho ashobora kuzaba uwa mbere wayoboye u Bufaransa ufunzwe azira ruswa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yahagaritse kwiyamamaza kubera akaga yahuye nako

Umukandida ku mwanya w’umukuru w’igihugu muri Uganda, Robert Kyagulanyi, uzwi...
2 December 2020 Yasuwe: 1642 0

Uzwiho kuba ari inshuti ya Trump yemeje ko nta buriganya bwabaye mu matora...

Umucamanza mukuru w’Amerika William Barr avuga ko ibiro by’ubutabera akuriye...
2 December 2020 Yasuwe: 744 0

Uganda: Bamwe mu bacunga Bobi Wine bakomerekeye mu mvururu zatewe na...

Abantu batari bake bakomerekeye mu karere ka Kayunga, hafi y’umurwa mukuru...
1 December 2020 Yasuwe: 1025 0

Iran yemeje ko umuhanga wayo mu gukora ibitwaro bya Nikleyeri ’yishwe...

Iran yemeza ko Israel ndetse n’umutwe utavuga rumwe na leta ukorera mu...
1 December 2020 Yasuwe: 3480 0

Ambasaderi wa Uganda muri Kenya ’Phibby Otaala’ yanze ko bamusimbura

Ambasaderi wa Uganda muri Kenya, Phibby Otaala, yatangaje ko...
30 November 2020 Yasuwe: 1478 0

Burundi: Umunsi Nkurunziza yatabarukiyeho wagizwe umunsi mukuru mu...

Leta y’u Burundi yatangaje ko tariki ya 08 Kamena nyakwigendera Pierre...
28 November 2020 Yasuwe: 1957 0