skol
Kigali
startimes

U Burundi bwabeshyuje ibyo guhiga abantu bose bavuga ururimi rw’Ikinyarwanda babarizwa muri iki gihugu

Amakuru   Yanditswe na: Martin Munezero 18 October 2020 Yasuwe: 1594

Minisiteri y’Umutekano mu Burundi, yahakanye ibiherutse gutangazwa ko umuvugizi wayo Pierre Nkurikiye yavuze ko Leta igiye gutangira ibikorwa byo guhiga abantu bose bavuga ururimi rw’Ikinyrwanda babarizwa muri iki gihugu.


Mu kiganiro umuvugizi wa Minisieri y’Umutekano mu Burundi Pierre Nkurikiye yagiranye n’itangazamakuru imbonankubone ku wa 8 Ukwakira 2020 mu Mujyi wa Gitega, yavuze ko abavuga ururimi rw’Ikinyarwanda ari bo bagomba gushakwamo abanzi b’igihugu cy’u Burundi, aho ku isonga herekwanwe Abanyamulenge 60 bivugwa ko bafatiwe hanze y’inkambi bacumbikiwemo mu masaha atagenwe.

Nkurikiye yavuze ko kuba abo Banyamulenge basanzwe hanze y’inkambi bifitanye isano n’uko bavuga ururimi rw’Ikinyarwanda, aho abihuza n’uko abaregwa guhungabanya umutekano w’u Burundi baturuka mu bice bihana imbibi n’u Rwanda. Mu ijambo rye yagize ati:

Aba bantu bose b’abanyamahanga bagenda bagaragara cyane cyane muri iyi minsi mu mijyi cyangwa ahandi, ntibigoye no kubamenya kuko usanga benshi bavuga Ikinyarwanda, igihe mwumvise uvuga Ikinyarwanda mujye muhita murya akara ubuyobozi n’abashinzwe umutekano, kugira ngo bamubaze ikimugenza.

Radiyo Mpuzamahanga y’Abafaransa RFI ivuga ko nyuma y’ijambo rya Nkurikiye hamaze gutabwa muri yombi Abanyamulenge bavuga Ikinyarwanda basaga 150 .

Mu itangazo ryashyizwe hanze na Minisiteri y’umutekano mu Burundi kuwa 16 Ukwakira 2020, yavuze ko umuvugizi wayo atigeze ahamagarira abaturage guhiga abavuga Ikinyarwanda. Ibinyujije ku rukuta rwayo rwa Twitter yagize iti:

Kubyeshyuza: Minisiteri y’Umutekano mu Burundi ntabwo yigeze ihamagarira abaturage guhiga abantu bavuga Ikinyarwanda mu Burundi. Yasabye abaturage kwamagana abanyamahanga bahari binyuranyije n’amategeko kugira ngo amategeko yubahirizwe.

Iyo Minisiteri yahakanye guhiga abavuga Ikinyarwanda, mu gihe atari bwo bwa mbere u Burundi bwari bugaragaje ko u Rwanda ari ikibazo kuri bwo.

Perezida w’u Burundi Evariste Ndayishimiye, yakunze kugaragaza u Rwanda nk’ikibazo, aho arushinja gucumbikira abashatse guhirika ubutegetsi bw’u Burundi mu myaka itanu ishize.

Ni ibyatumye ashimangira ko igihugu cye kidashobora kubana n’u Rwanda yita igihugu cy’ikiyorobetsi, mu gihe cyose rutarashyikiriza u Burundi bene abo bantu yise inkozi z’ibibi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Perezida Trump yemeye ko guhererekanya ubutegetsi na Biden bitangira

Itsinda rya Joe Biden ryakiriye neza itangira ry’igikorwa cyo guhererekanya...
24 November 2020 Yasuwe: 1799 0

Inshuti ya Trump yamushishikarije kwemera ko yatsinzwe amatora ya...

Inshuti ikomeye ya Donald Trump yamushishikarije kureka umuhate we wo...
23 November 2020 Yasuwe: 1560 0

Burundi: Perezida Ndayishimiye yashyizeho ibihano bikarishye ku bakozi...

Perezida Evariste Ndayishimiye w’u Burundi yatangaje ko umukozi wa leta...
22 November 2020 Yasuwe: 1019 0

Amatora muri US: Urukiko rwatesheje agaciro ibyifuzo bya Trump muri...

Umucamanza muri leta ya Pennsylvania yanze ibirego byari byatanzwe...
22 November 2020 Yasuwe: 1221 1

“Muri gukina n’umuriro”-Perezida Museveni abwira Bobi Wine n’abarwanashyaka...

Perezida wa Uganda ,Yoweli Kaguta Museveni yabwiye mugenzi we Bobi Wine...
20 November 2020 Yasuwe: 6789 0

Ibintu by’ingenzi 10 utamenye kuri Joe Biden Perezida wa 46 muri...

Joe Biden wari uhagarariye ishyaka ryaba Democrat yatsinze Donald Trump mu...
19 November 2020 Yasuwe: 4183 1