Kuri uyu wa Gatandatu tariki 29 Mata 2017, abaturage b’ u Burusiya bakomeje imyigarambyo yamagana Perezida w’ icyo gihugu Valadmir Putine.
Muri iyo myigaragambyo yabereye mu mijyi 30 y’ u Burusiya abayikoze basaba Perezida Putin kutazayimamariza manda ya Kane.
I Moscow mu murwa mukuru w’ u Burusiya abarirwa mu majana bakoze iyo myigaragambyo berekeza kuri Perezidansi bahageze bashyikiriza Putin urwandiko rumubuza kuziyayamariza intebe y’ umukuru w’ igihugu mu matora y’ umukuru w’ igihugu (...)

Sponsored Ad

Kuri uyu wa Gatandatu tariki 29 Mata 2017, abaturage b’ u Burusiya bakomeje imyigarambyo yamagana Perezida w’ icyo gihugu Valadmir Putine.

Muri iyo myigaragambyo yabereye mu mijyi 30 y’ u Burusiya abayikoze basaba Perezida Putin kutazayimamariza manda ya Kane.

I Moscow mu murwa mukuru w’ u Burusiya abarirwa mu majana bakoze iyo myigaragambyo berekeza kuri Perezidansi bahageze bashyikiriza Putin urwandiko rumubuza kuziyayamariza intebe y’ umukuru w’ igihugu mu matora y’ umukuru w’ igihugu ateganyijwe mu mwaka utaha wa 2018.

Mu kwezi kwa gatatu uyu mwaka nabwo imyigaragambyo nk’ iyi yarabaye, isiga abarenga 500 batawe muri yombi. Mu batawe muri yombi icyo gihe harimo n’ umuyobozi w’ ishyaka ritavuga rumwe n’ ubutegetsi Alexei Navalny. CNN yatangaje ko iyo myigaragambyo yo mu kwezi kwa gatatu yari yitabiriwe n’ abarenga ibihumbi umunani.

Mbere y’ uko iyi myigaragambyo yo ku wa Gatandatu itangira igipolisi cyari cyaraye gisatse inyubako y’ umwe mu batavuga rumwe n’ ubutegetsi witwa Maria Galitskaya. Maria yabwiye ijwi ry’ Amerika ko iryo sakwa ryari rishingiye kuri politiki nyamara ngo nta kintu babonye muri iyo nzu.

Muri 2012 nabwo hari habaye imyigaragambyo yamagana manda ya gatatu ya Perezida Putin.

Perezida Putin w’ imyaka 65 y’ amavuko ayoboye u Burusiya kuva mu mwaka w’ 1999 ubwo yari Perezida ayoboye inzibacyuho. Yatowe bwa mbere mu w’ 2000 mnada ye ya mbere, muri 2008 atorerwa manda ya kabiri no muri 2012 atorerwa manda ya gatatu.