Kigali

Uganda:Umunyamakuru Andrew Mwenda ashinja Lt. Gen. Tumukunde kurangwa n’indimi zitandukanye ku nyungu ze za politiki kugera n’aho agonganisha ubuyobozi bw’igihugu cye n’u Rwanda

Amakuru   Yanditswe na: Martin Munezero 9 March 2020 Yasuwe: 1314

Umunyamakuru Andrew Mwenda ashinja (Rtd) Lt. Gen. Henry Tumukunde kurangwa n’indimi zitandukanye ku nyungu ze za politiki, bikagera n’aho agonganisha ubuyobozi bw’igihugu cye n’amahanga. ndetse no guhohotera abatavuga rumwe n’ubutegetsi buriho atibagiwe n’itangazamakuru.



Kuri we, Andrew Mwenda abona ko iki ari cyo gihe cyo kubyibuka byose mu gihe Gen. Henry Tumukunde ashaka guhatana n’abarimo Yoweri Museveni ku mwanya w’Umukuru w’Igihugu cya Uganda.

Inkuru ya PM Daily ivuga ko Andrew Mwenda ashingira ku cyo yise ikinyoma cy’uko ubwo Gen. Tumukunde yari Minisitiri w’Umutekano, yabeshye Museveni ko Gen. Kale Kayihura wahoze ari umuyobozi wa polisi akorana n’u Rwanda mu mugambi wo kurushyikiriza abanyabyaha rukurikiranye.

Gen. Tumukunde ngo yavuze ko abo Banyarwanda bahungiye mu gihugu cya Uganda bibasirwaga na Gen. Kayihura abifashijwemo n’abandi bari mu rwego yari ayoboye.



Gen. Tumukunde uherutse gutangaza ko aziyamamariza umwanya w’Umukuru w’Igihugu mu gihe yari Minisitiri w’Umutekano, yari inshuti ya Gen. Kayihura.

Bivigwa ko yahaga amabwiriza abasirikare ngo bagatera ubwoba abatavuga rumwe n’uyu muyobozi, atibagiwe n’abanyamakuru nk’uko Mwenda abitangaza. Ati: “Yateraga ubwoba ibitangazamakuru n’abanyamakuru! Ubu arabona agaciro k’itangazamakuru rifite ubwisanzure, rimuha urubuga rwo kugaragarizaho ibyiyumviro bye. Ariko se aribuka ibyo yakoze?”

Mu 2018 ni bwo Perezida Museveni yakuye Gen.Tumunde ku mwanya wa Minisitiri w’Umutekano. Ni nacyo gihe kandi Gen. Kayihura yakuriwe ku buyobozi bwa Polisi ya Uganda, gusa we yahise atabwa muri yombi ashinjwa koherereza u Rwanda abanyabyaha bari mu buhungiro nka Lt. Joel Mutabazi.



Hashize iminsi mike Gen. Tumukunde atangaje ko azahatana na Museveni mu matora, uyu Mukuru w’Igihugu yamwambuye abamurinda ariko ntibizwi niba bifite aho bihuriye.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Ronald Rutarindwa yatawe muri yombi n’urwego rushinzwe Ubutasi mu Gisirikare...

Umunyarwanda, Ronald Rutarindwa, yatawe muri yombi n’Urwego rushinzwe...
26 March 2020 Yasuwe: 4218 0

Iran yanze inkunga ya USA yo kuyifasha kurwanya Coronavirus kubera ko ikeka...

Umuyobozi w’Ikirenga wa Irani Ayatollah Ali Khamenei yatangarije kuri...
23 March 2020 Yasuwe: 1392 1

Donald Trump yahagaritse inama yagombaga guzahuza ibihugu 7 by’ ibihangange...

Perezida wa Leta zuzne ubumwe za Amerika Donald Trump yahagaritse inama...
20 March 2020 Yasuwe: 1120 0

Impunzi z’Abarundi zivuga ko Congo ari ubutaka bwazo bw’isezerano

Nyuma yuko Repubulika Iharanira Demukarasi ya Congo yiyemeje gusubiza...
18 March 2020 Yasuwe: 2320 0

Perezida Museveni ngo agiye kurekura abanyarwanda bose bafungiye muri...

Umuyobozi Nshingwabikorwa w’Ishami rya Loni rishinzwe kurwanya SIDA...
18 March 2020 Yasuwe: 12583 1

Uburundi bwafunze umupaka wabwo n’u Rwanda bwangira abantu basaga 51...

Biravugwa ko igihugu cy’Uburundi cyategetse ko umupaka wacyo n’u Rwanda...
16 March 2020 Yasuwe: 2714 2