Peter Nyombi wigeze kuba Intumwa nkuru ya Leta ya Uganda yitabye Imana ku myaka 64 y’ amavuko kuri iki cyumweru tariki 7 Ukwakira 2018.

Sponsored Ad

Umuvugizi w’ ubucamanza bwa Uganda Solomon Muyita yabwiye Chimpreports ko nyakwigendera yazize umuvuduko ukabije w’ amaraso.

Uyu munyategeko akaba n’ umunyapolitiki Nyombi tariki 27 Gicurasi 2011 nibwo yagizwe intumwa nkuru ya Leta ya Uganda.

Yasimbuye Kiddu Makubuya wagizwe Minisitiri ushinzwe imirimo rusange mu biro bya Minisitiri w’ Intebe.

Mu mavugururwa yakozwe muri guverinoma tariki 1 Werurwe 2015 nibwo uyu munyamategeko yatakaje yatakaje uyu mwanya asimburwa na Fred Ruhindi.

Peter Nyombi yigeze no gutorerwa kuba umudepite uhagarariye agace ka Buruuli mu karere ka Nakasongola.