skol
fortebet

Yahya Jammeh wayoboye Gambia imyaka 22 ,yatsinzwe amatora y’Umukuru w’Igihugu

Yanditswe: Friday 02, Dec 2016

Sponsored Ad

Yahya Jammeh uyoboye Gambia imyaka 22 ishize, yemeye ko yatsinzwe mu matora y’Umukuru w’Igihugu yabaye kuri uyu wa kane.
Adama Barrow wabaye umusekirite mu Bwongereza, ariko akaba yari ahanganye na Perezida Jammeh yemeye ko yiteguye kwakira telefoni ye (Jammeh) imwifuriza instinzi.
Kugeza ubu amajwi amaze kuva mu murwa mukuru Banjul, agaragaza ko Barrow afite amajwi 50% mu gihe Perezida Jammeh we afite amajwi 43% gusa.
Perezida wa Komisiyo y’amatora muri Gambia, igihugu gituwe n’abaturage (...)

Sponsored Ad

Yahya Jammeh uyoboye Gambia imyaka 22 ishize, yemeye ko yatsinzwe mu matora y’Umukuru w’Igihugu yabaye kuri uyu wa kane.

Adama Barrow wabaye umusekirite mu Bwongereza, ariko akaba yari ahanganye na Perezida Jammeh yemeye ko yiteguye kwakira telefoni ye (Jammeh) imwifuriza instinzi.

Kugeza ubu amajwi amaze kuva mu murwa mukuru Banjul, agaragaza ko Barrow afite amajwi 50% mu gihe Perezida Jammeh we afite amajwi 43% gusa.

Perezida wa Komisiyo y’amatora muri Gambia, igihugu gituwe n’abaturage barenga gato miliyoni imwe, Alieu Momar Njie , yavuze ko bitari byitezwe ko Jammeh yakwemera ko yatsinzwe mbere y’uko ibyavuye mu matora byose bishyirwa ahagaragara.

Kuva mu mwaka wa 1965 ubwo iki gihugu cyabonaga ubwigenge, gusimburana ku butegetsi byakomeje kuzamo imvururu.

Televisiyo ya Leta yabwiye AFP ko Jammeh w’imyaka 51 wafashe ubutegetsi mu mwaka wa 1994 biciye muri coup d’état, yiteguye gutanga itangazo rishimira Barrow.

Jammeh yagiye atsinda amatora mu myaka itandukanye nko mu 1996, 2001, 2006 na 2011. Gusa mu mwaka wa 2002 Itegeko Nshinga ryaravuguruwe rivanaho umubare wa manda z’Umukuru w’Igihugu.

Abatavuga rumwe na Jammeh bagiye bamushinja kwiba amajwi, no kubangamira uburenganzira bwa muntu.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa