skol
Kigali
startimes

Abatunze za Miliyari z’amafaranga basabwe kugoboka abakomeje kwibasirwa n’inzara

Amakuru   Yanditswe na: Martin Munezero 19 September 2020 Yasuwe: 402

Ku wa Kane tariki ya 17 Nzeri 2020, Umuyobozi w’ishami rya ONU rishinzwe ibiribwa ku Isi (PAM), David Beasley yasabye abaherwe batunze za miliyari kugira umutima utabara abantu miliyoni 30 avuga ko bashobora kwicwa n’inzara mu gihe badahawe inkunga y’ibiribwa.


Beasley yabwiye Inteko Rusange y’Umuryango w’Abibumbye ko ku isi abantu bagera kuri miliyoni 270 bugarijwe n’inzara kandi PAM yizeye kugera kuri miliyoni 138 muri uyu mwaka. Yagize ati:

Dukeneye miliyari $4,9 zo kugaburira abo bantu, ku mwaka umwe, abo miliyoni 30 bashobora gupfa batabonye ubufasha bwacu.

David Beasley yavuze ko ku Isi hari abantu bagera ku 2,000 batunze za miliyari, umutungo wabo ukaba ubarirwa muri tiliyari $8 ndetse barinjije za miliyari muri iki gihe cy’icyorezo. Yongeyeho ati:

Ntabwo ndwanya ko abantu binjiza umutungo, ariko ikiremwamuntu kiri guhura n’akaga katigeze kabonwa n’umuntu n’umwe muri iki gihe cyacu.

Umutungo w’abaherwe bo muri Amerika wiyongereyeho 19% kuva icyorezo cya coronavirus cyahagera nk’uko bigaragazwa na raporo ya Institute for Policy Studies (IPS) yasohotse mu kwezi kwa gatandatu.

David Beasley yatanze urugero rwa Jeff Bezos umuntu ukize kurusha abandi ku Isi washinze ihahiro ryo kuri internet rya Amazon, umutungo we wiyongereyeho miliyari $36.

Naho Mark Zuckerberg nyiri Facebook Inc umutungo we wiyongereyeho miliyari $30. Beasley yagize ati:

Ubu ni igihe ngo abafite kurusha abandi batabare abadafite na kimwe, muri iyi si iri mu bihe bidasanzwe mu mateka yayo.

PAM ivuga ko muri miliyoni 30 zishobora kwica n’inzara umubare munini ari Abanyafurika na Aziya y’Amajyepfo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

NASA yerekanye gahunda yo kugeza umugore wa mbere ku kwezi bitarenze...

Ikigo cy’iby’isanzure cya Amerika, NASA, cyatangaje mu buryo bwemewe umugambi...
22 September 2020 Yasuwe: 449 1

Abatunze za Miliyari z’amafaranga basabwe kugoboka abakomeje kwibasirwa...

Ku wa Kane tariki ya 17 Nzeri 2020, Umuyobozi w’ishami rya ONU rishinzwe...
19 September 2020 Yasuwe: 402 0

Kenya yakemuye amakimbirane yari ifitanye na Tanzania yari ashingiye kuri...

Leta ya Kenya yaraye yongereye Tanzania ku rutonde rw’ibihugu abagenzi...
16 September 2020 Yasuwe: 611 0

Tanzania na Uganda bumvikanye ku muyoboro utwara ibitoro wa miliyari...

Abategetsi ba Tanzania na Uganda bumvikanye ku masezerano yo kubaka...
14 September 2020 Yasuwe: 1194 0

Akon yavuze igihe umujyi wa ’Akon City’ uzatangira kubakwa

Akon, umuhanzi w’injyana ya R&B wo muri Amerika, kuva mu 2018 yavugaga...
2 September 2020 Yasuwe: 845 0

Tanzania: Wa Mucukuzi w’amabuye y’agaciro yaguye ku rindi ry’imbonekarimwe...

Umucukuzi uciriritse wo muri Tanzania, wamenyekanye ubwo bwacyaga abaye...
4 August 2020 Yasuwe: 2231 0