skol
Kigali
startimes

Banki y’ Isi yisubiyeho ku cyemezo yari yafatiye Tanzania kijyanye n’ ubukungu

Amakuru   Yanditswe na: Nsanzimana Ernest 17 November 2018 Yasuwe: 400

Banki y’isi yatangaje ko izaguriza Tanzania miliyoni 300 z’amadolari y’Amerika, mu gihe hari ubushyamirane bushingiye ku banyeshuri b’abakobwa batwara inda.
Byatangajwe ku wa gatanu nyuma y’inama yabereye i Dar es Salaam yahuje Perezida John Magufuli wa Tanzania na Hafez Ghanem, Visi-Perezida wa Banki y’isi, ishami ryayo ry’Afurika.


Ni inguzanyo yari yabaye ihagaritswe mu ntangiriro y’iki cyumweru kubera gahunda ya Tanzania itavugwaho rumwe ibuza abakobwa b’abangavu b’abanyeshuri babyaye kongera gusubira mu ishuri nyuma yo kubyara.

Ariko ku wa gatatu, umukozi mukuru wo muri Banki y’isi yari yabwiye BBC ko iyi banki ihaye ikaze ibiganiro. Ibyaganiriweho muri iyo nama yo ku wa gatanu ntibiratangazwa, ariko Bwana Magufuli yashimangiye ko iyo nkunga itigeze ihagarikwa "nkuko abatatwifuriza ineza babivugaga".
Yongeyeho ko uruzinduko rwa Bwana Ghanem rwahamije ko iyi banki "itatererana Tanzania".

Kuri ubu, Tanzania ikomeje kotswa igitutu n’amahanga kubera impungenge ku iyubahiriza ry’uburenganzira bwa muntu. Umuryango w’ubumwe bw’Uburayi wavuze ko uwari uwuhagarariye muri Tanzania yahatiwe kuva muri iki gihugu mu ntangiriro y’uku kwezi nyuma yo kotswa igitutu n’abategetsi kubera ko yagaragazaga impungenge yari afite ku bikorwa byari biteganyijwe byo kwibasira abahuza ibitsina b’igitsina kimwe.

Itangazo ry’umuryango w’ubumwe bw’Uburayi ryasohotse nyuma gato yuko Denmark - igihugu cya kabiri mu bitera inkunga nyinshi Tanzania - itangarije ko ibaye ifatiriye inkunga ya miliyoni 9 n’ibihumbi 800 by’amadolari y’Amerika yari igenewe Tanzania.

Denmark yavuze ko ari ukubera "amagambo atemewe yibasira abahuza ibitsina b’igitsina kimwe" ivuga ko yavuzwe n’umunyapolitiki wo hejuru ushyigikiye Perezida Magufuli. Tanzania ntacyo iratangaza ku mugaragaro ku byavuzwe na Denmark.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda yafunguye ikibuga cy’indege n’ingendo byari bimaze amezi asaga 6...

Muri Uganda, ikibuga cy’indenge mpuzamahanga cya Entebbe cyasubukuye imirimo...
1 October 2020 Yasuwe: 1115 0

NASA yerekanye gahunda yo kugeza umugore wa mbere ku kwezi bitarenze...

Ikigo cy’iby’isanzure cya Amerika, NASA, cyatangaje mu buryo bwemewe umugambi...
22 September 2020 Yasuwe: 462 1

Abatunze za Miliyari z’amafaranga basabwe kugoboka abakomeje kwibasirwa...

Ku wa Kane tariki ya 17 Nzeri 2020, Umuyobozi w’ishami rya ONU rishinzwe...
19 September 2020 Yasuwe: 428 0

Kenya yakemuye amakimbirane yari ifitanye na Tanzania yari ashingiye kuri...

Leta ya Kenya yaraye yongereye Tanzania ku rutonde rw’ibihugu abagenzi...
16 September 2020 Yasuwe: 628 0

Tanzania na Uganda bumvikanye ku muyoboro utwara ibitoro wa miliyari...

Abategetsi ba Tanzania na Uganda bumvikanye ku masezerano yo kubaka...
14 September 2020 Yasuwe: 1202 0

Akon yavuze igihe umujyi wa ’Akon City’ uzatangira kubakwa

Akon, umuhanzi w’injyana ya R&B wo muri Amerika, kuva mu 2018 yavugaga...
2 September 2020 Yasuwe: 871 0