addresiya
Kigali
startimes

Perezida Trump yategetse uruganda rukora imodoka guhindura rugakora ibikoresho byongera umuyaga mu nzu

Amakuru   Yanditswe na: Dusingizimana Remy 28 March 2020 Yasuwe: 5911


Perezida Donald Trump wa Leta Zunze Ubumwe z’Amerika yategetse uruganda rukora imodoka rwa General Motors (GM) gukora ibikoresho byongera ubuhehere n’umuyaga mu nzu (ventilators/ventilateurs) byo gufasha abarwayi ba coronavirus.

Perezida Trump yabitegetse nyuma yo kwibasira umuyobozi mukuru w’urwo ruganda rukora imodoka rwo muri Amerika.

Yafashe icyo cyemezo ashingiye ku itegeko ryagiyeho mu gihe cy’intambara yo muri Koreya rizwi nka ’Defense Production Act’, riha ububasha perezida bwo gutegeka amakompanyi gukora ibikoresho ku bw’umutekano w’igihugu.

Bwana Trump yavuze ko "GM iri guta igihe" muri ibi bihe hacyenewe kugira igikorwa mu kurokora ubuzima bw’Abanyamerika.

Ibikoresho byo mu buvuzi bituma abarwayi ba Covid-19 - indwara y’ubuhumekero iterwa n’ubu bwoko bushya bwa coronavirus - bashobora guhumeka, biri gucyenerwa cyane muri iki gihe muri Amerika.

Ni yo mpamvu hari kwifashishwa na ’ventilateurs’ mu kunganira ibikoresho bisanzwe by’ubuvuzi bw’iyo ndwara yibasira ibihaha.

Kugeza ubu muri Amerika harabarurwa abarwayi 104,000 banduye coronavirus, bakaba ari bo benshi cyane ku isi.

Mu gihe muri iki gihugu abagera hafi ku 1,700 imaze kubica, uwo mubare uracyari inyuma y’abo imaze kwica mu Butaliyani no mu Bushinwa.

Mbere, Bwana Trump yari yaravuze ko kwitabaza iryo tegeko ryo mu gihe cy’intambara yo muri Koreya bishobora kutazaba ngombwa, kubera ko amakompanyi ari kwibwiriza agahindura ibyo yari asanzwe akora, mu gufasha kurwanya ikwirakwira rya coronavirus.

Ariko ku munsi w’ejo ku wa gatanu, Perezida Trump yasohoye itangazo agira ati:

"Iyi virusi irihutirwa cyane ku buryo hatakurikizwa uburyo busanzwe..."

Mbere yaho ku munsi w’ejo ku wa gatanu, Bwana Trump yanditse kuri Twitter ko uruganda rwa GM rwagabanyije umubare wa ’ventilateurs’ rwari rwemeye gukora, uva ku 40,000 ugera ku 6,000 kandi ko rwifuje "igiciro cyo hejuru".

Yananenze Mary Barra, umuyobozi mukuru w’urwo ruganda, avuga ko ibintu "buri gihe biba ari akavuyo" mu buyobozi bwe bw’urwo ruganda rw’imodoka rufite icyicaro mu mujyi wa Detroit.

Uruganda GM ejo ku wa gatanu rwatangaje ko rushobora gukora ’ventilateurs’ zigera ku 10,000 ku kwezi, guhera mu kwezi gutaha kwa kane.

Nkuko bitangazwa na Kaminuza ya Johns Hopkins yo muri Amerika, kugeza ku munsi w’ejo ku wa gatanu, ku isi hari abarwayi barenga 540,000 ba coronavirus, naho abagera ku 24,000 yari imaze kubica. Abandi 124,000 barayikize.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Bwa mbere mu mateka ubukungu bw’Ubushinwa bwaguye mu buryo budasanzwe kubera...

Kuva mu myaka ibarirwa muri mirongo ishize nibwo bwa mbere ubukungu...
17 April 2020 Yasuwe: 1364 0

Leta ya Uganda yahagaritse gutanga ibiribwa ku batishoboye muri ibi bihe...

Kubera gahunda ya Guma mu Rugo yahungabanyije ubuzima bw’abaturage batari...
16 April 2020 Yasuwe: 2900 0

Umuherwe wa Mbere ku isi yungutse miliyari $24 muri iki gihe cya...

Umutungo w’uwashinze akaba n’umuyobozi w’urubuga rw’ubucuruzi bwo kuri internet...
15 April 2020 Yasuwe: 3122 1

Kuki Donald Trump ashaka gucukura iby’agaciro ku kwezi?

Perezida Donald Trump arashaka ko leta zunze ubumwe za Amerika zitangira...
15 April 2020 Yasuwe: 2708 0

Perezida Trump yategetse uruganda rukora imodoka guhindura rugakora...

Perezida Donald Trump wa Leta Zunze Ubumwe z’Amerika yategetse uruganda...
28 March 2020 Yasuwe: 5911 0

Chad yiyemeje kwishyura umwenda ibereyemo Angola itanga amashyo...

Chad iri kwishyura umwenda ifitiye Angola wa miliyoni 100 z’amadorari ya...
18 March 2020 Yasuwe: 1023 0