skol
fortebet

Uganda: Abashinwa barashinjwa ubwambuzi n’ ihohoterwa rishingiye ku gitsina

Yanditswe: Tuesday 03, Jan 2017

Sponsored Ad

Abakozi bakorera Kampani y’ Abashinwa yubaka umuhanda muri Uganda kuri uyu wa kabiri tariki 3 Mutarama 2017 bakoze igisa n’ imyigaragarambyo imbere y’ ibiro by’ abakoresha babo. Aba bakozi banze kujya mu kazi basaba Kampani ibakoresha kubanza gukemura ibibazo by’ imibereho bafite.
Ni abakozi bagera kuri 400 bashinja abakoresha babo ihohoterwa rishingiye ku gitsina, kudahembwa neza ndetse n’ ubusumbane mu mishahara.
Aba bakozi bavuga ko bamaze amezi 3 badahembwa, basobanuriye Itangazamakuru ko (...)

Sponsored Ad

Abakozi bakorera Kampani y’ Abashinwa yubaka umuhanda muri Uganda kuri uyu wa kabiri tariki 3 Mutarama 2017 bakoze igisa n’ imyigaragarambyo imbere y’ ibiro by’ abakoresha babo. Aba bakozi banze kujya mu kazi basaba Kampani ibakoresha kubanza gukemura ibibazo by’ imibereho bafite.

Ni abakozi bagera kuri 400 bashinja abakoresha babo ihohoterwa rishingiye ku gitsina, kudahembwa neza ndetse n’ ubusumbane mu mishahara.

Aba bakozi bavuga ko bamaze amezi 3 badahembwa, basobanuriye Itangazamakuru ko abakoresha babo bahemba umukozi ubemereye ko barasambana. Ngo umukozi ubyanze aratotezwa bya narimba akirukanwa.

Ni ubwa kane mu mezi atatu ashize abakozi bigaragambije bakanga akazi, gusa abakoresha babo bisa naho ntacyo bibabwiye.

Umuyobozi w’ Umujyi wa Kampala Erias Lukwago mu kiganiro yagiranye n’ aba bashinwa kuri uyu wa 3 Mutarama 2017, yasabye ko bagomba gukemura ibibazo bafitanye n’ abakozi babo bitaba ibyo bagahagarikwa.

Ubuyobozi bw’ iyi kampani ntacyo buravuga kubyo bushinjwa n’ abakozi bayo. Ikinyamakuru Dail monitor dukesha iyi nkuru kivuga ko ubwo cyandikaga iyi nkuru Ubuyobozi bw’ Umujyi wa Kampala bwari bukiri mu biganiro n’ ubuyobozi bw’ iyi Kampani.

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa