skol
Kigali
startimes

Uganda yafunguye ikibuga cy’indege n’ingendo byari bimaze amezi asaga 6 bifunze

Amakuru   Yanditswe na: Dusingizimana Remy 1 October 2020 Yasuwe: 1115

Muri Uganda, ikibuga cy’indenge mpuzamahanga cya Entebbe cyasubukuye imirimo nyuma yamezi 6 gifunze mu rwego rwo kwirinda ikiza cya COVID 19.


Amabwiriza ya Perezida Yoweri Museveni wa Uganda avuga ko abemerewe kwinjira mu gihugu ari ba mukerarugendo abacuruzi n’abaturage batahuka bava mu mahanga.

Ikibuga cy’indege cya Entebbe n’imipaka yose ya Uganda uyu musi byongeye gufungurira inzira abanyamahanga bagana iki gihugu.

Ubuyobozi bukuru bw’ikibuga cya Entebbe buvuga ko bwafashe ingamba zihagije zo kwirinda ubwandu bw’icyorezo cya COVID 19. Mu biteganijwe harimo ibyuma bihita bisiga abinjira mu kibuga umuti wo kwica iyo Virusi ya Covid, imashini zishoboye gufata igipimo cy’ubushyuhe bw’umubiri ku bagenzi bakiri kure nko kuri metero 30 mbere yuko bazigeraho, hamwe n’andi mabwiriza nkuko minisitiri w’ubuzima Jane Ruth Acheng yabitangaje.

Perezida Yoweri Museveni mu kwezi gushize yategetse ko ikibuga cya Entebbe n’imipaka yo ku butaka bifungurwa kuva uyu musi ku bagenzi bamwe na bamwe cyane cyane ba mukerarugendo n’abacuruzi. Yavuze ko bigamije kuzahura ubukungu bw’igihugu bwari bwifashe nabi kubera ihagarikwa ry’ibikorwa by’ubukerarugendo n’ubucuruzi mpunzamahanga.

Uyu munsi kompanyi z’indege zirimo Uganda Airlines, Ethiopian Airlines, Fly Dubai, Turkishi Airline, Emirates hamwe na RwandaAir ni zimwe mu zakoze ingendo zinjira no gusohoka mu gihugu.

Akazi ku kibuga cya Entebbe kahagaritswe mu rwego rwo kwirinda icyorezo cya COVID 19 mu kwezi kwa gatatu, ariko indege z’ubutabazi, izitwara imizigo, iz’imiryango mpuzamahanga n’izacyuraga abaturage ba Uganda bafatiwe hanze n’iki cyorezo ndetse n’abanyamahanga iki kiza cyasanze muri Uganda, zakomeje akazi.

Kuri ubu, imibare mishya y’abanduye Virusi ya Corona itangazwa na minisiteri ishinzwe ubuzima igaragaza ko bamaze kurenga 8,000. Muri abo, 4,439 baravuwe barakira. Abamaze gupfa bishwe n’iki kiza bagera kuri 75. Abaturage ba Uganda basaga ibihumbi 482 ni bo bamaze gupimwa ubwandu bwa Covid-19.

IJWI RY’AMERIKA

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Uganda yafunguye ikibuga cy’indege n’ingendo byari bimaze amezi asaga 6...

Muri Uganda, ikibuga cy’indenge mpuzamahanga cya Entebbe cyasubukuye imirimo...
1 October 2020 Yasuwe: 1115 0

NASA yerekanye gahunda yo kugeza umugore wa mbere ku kwezi bitarenze...

Ikigo cy’iby’isanzure cya Amerika, NASA, cyatangaje mu buryo bwemewe umugambi...
22 September 2020 Yasuwe: 462 1

Abatunze za Miliyari z’amafaranga basabwe kugoboka abakomeje kwibasirwa...

Ku wa Kane tariki ya 17 Nzeri 2020, Umuyobozi w’ishami rya ONU rishinzwe...
19 September 2020 Yasuwe: 428 0

Kenya yakemuye amakimbirane yari ifitanye na Tanzania yari ashingiye kuri...

Leta ya Kenya yaraye yongereye Tanzania ku rutonde rw’ibihugu abagenzi...
16 September 2020 Yasuwe: 627 0

Tanzania na Uganda bumvikanye ku muyoboro utwara ibitoro wa miliyari...

Abategetsi ba Tanzania na Uganda bumvikanye ku masezerano yo kubaka...
14 September 2020 Yasuwe: 1202 0

Akon yavuze igihe umujyi wa ’Akon City’ uzatangira kubakwa

Akon, umuhanzi w’injyana ya R&B wo muri Amerika, kuva mu 2018 yavugaga...
2 September 2020 Yasuwe: 869 0