addresiya
startimes

Afurika y’Epfo: Polisi yataye muri yombi umugabo wari utwaye umukunzi we muri boot y’imodoka kubera COVID-19

Amakuru   Yanditswe na: Dusingizimana Remy 20 April 2020 Yasuwe: 3484

Polisi y’Afurika y’epfo yataye muri yombi umugabo ishinja kugerageza gusohora umukunzi we mu buryo butemewe mu mujyi wa Guateng yamushyize ahabikwa imizigo hazwi nko muri "Boot’’ .



Uyu mugabo yafashwe yarenze ku mategeko igihugu cya Afurika y’epfo cyashyizeho y’ibihe bidasanzwe yo kuguma mu rugo kubera Coronavirus aho nta ngendo zambukiranya imijyi n’uturere zemewe.

Nkuko amakuru dukesha BBC abitangaza,Umutegetsi wo mu ntara ya Gauteng iri mu majyaruguru ashyira uburasirazuba bw’igihugu avuga ko uwo mugabo yari atwaye umukunzi we ahajya imizigo inyuma mu modoka.

Faith Mazibuko yanditse kuri Twitter ko uwo mugore yasanzwe muri ’boot’ y’iyo modoka ubwo yari ihagaritswe kuri bariyeri (barrière) ku wa gatanu.

Yongeyeho ko umushoferi w’iyi modoka utari ufite uruhushya rwo gutwara imodoka, yerekezaga mu ntara ya Mpumalanga mu burasirazuba bw’igihugu.

Kuri Twitter, Madamu Mazibuko yanavuze ko uwo mugore na we yatawe muri yombi ashinjwa "kwemera gusohorwa magendu".

Uwo mugabo n’umukunzi we ntacyo baratangaza ku byo bashinjwa.

Ku itariki ya 24 y’ukwa gatatu, Afurika y’epfo yashyizeho ibihe bidasanzwe by’akato bimara ibyumweru bitatu, ariko abategetsi bongereye icyo gihe kugera mu mpera y’uku kwa kane.

Ingendo z’imbere mu gihugu zaragabanyijwe bikomeye, aho abemerewe gusa kugira aho bajya ari abari ku rutonde rw’abatanga serivisi za nkenerwa cyane mu buzima busanzwe.

Kugeza kuri uyu wa mbere, muri iki gihugu habarurwa abantu 3,158 bemejwe ko banduye coronavirus, bakaba ari bo ba mbere benshi banduye muri Afurika.

Muri abo, 54 imaze kubica, nkuko imibare ya Kaminuza ya Johns Hopkins yo muri Amerika ibigaragaza.

Igihugu cya Afurika y’Epfo kiri mu byafashe ingamba zidasanzwe zo gutegeka abaturage kuguma mu rugo mu rwego rwo kwirinda ikwirakwira rya Coronavirus aho byatumye n’inyamaswa zo muri pariki zisanzura.

Intare zo muri Afurika y’Epfo muri pariki ya Kruger zimaze kubona ko abantu bose bubahirije gahunda yo ku guma mu rugo zavuye mu bwihisho bwazo ziza kwiryamira mu mihanda yambukiranya pariki itagikoreshwa n’imodoka.

Kuwa Gatatu w’icyumweru gishize nibwo uyobora ba mukerarugendo muri iyi pariki witwa Richard Sowry yarimo atembera,agwa ku muganda w’intare nyinshi ziryamiye mu muhanda niko kuzifotora amafoto yakwirakwiriye hirya no hino ku isi.

Kruger kimwe n’izindi pariki z’igihugu zarafunzwe kubera Coronavirus ariyo mpamvu imihanda yerekeza muri iyi pariki y’igihugu yahise yibera nk’isenga ry’intare.

Ubwo Richard yarimo yerekeza kuri Orpen Rest Camp atwaye imodoka ye,yabonye izi ntare nyinshi ziryamye mu muhanda hasigaye metero 5.5 ngo azigereho niko kuzegera azifata amafoto akoresheje telefoni ye.

Nubwo yafashe umwanya munini afotora izi ntare,ntizigeze zihungabana ndetse ngo inyinshi zari zasinziriye ku buryo zitamenye ibiri kuba.

Yagize ati “Intare zimenyereye ko abantu bagenda mu modoka.Inyamaswa zose zitinya abantu iyo bari kugenda n’amaguru ariyo mpamvu iyo nkomeza kuzegera zitari gutuma nzegera.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kabuga Félicien aramenyeshwa aho agomba gufungirwa kuri uyu wa...

Urukiko rw’i Paris mu Bufaransa uyu munsi ku gicamunsi ruratangaza umwanzuro...
3 June 2020 Yasuwe: 326 0

Burundi: Abarimu 2 batawe muri yombi bazira gusambanya abana bigisha barimo...

Abarimu babiri bo mu mujyi wa Bujumbura batawe muri yombi na polisi ku wa...
31 May 2020 Yasuwe: 1935 0

Abana ba Kabuga Félicien babwiye urukiko ko kumufunga bishobora kumuviramo...

Abana ba Félicien Kabuga uherutse gutabwa muri yombi mu Bufaransa ashinjwa...
30 May 2020 Yasuwe: 5758 1

Kabuga Félicien yabwiye urukiko ko ibyo aregwa byose ari ibinyoma...

Umunyarwanda Félicien Kabuga ushinjwa kugira uruhare muri jenoside yakorewe...
27 May 2020 Yasuwe: 3300 0

Hahishuwe uko Kabuga Felicien yafashwe bitewe n’umuhungu we wahoraga ajya...

Hari byinshi bigitangazwa ku buryo Félicien Kabuga yafashwe, Koloneri Eric...
25 May 2020 Yasuwe: 6353 0

Burundi: Abarwanashyaka ba CNL barenga 200 bafunzwe bashinjwa kudobya...

Umuvugizi w’ishyaka CNL avuga ko ejo kuwa gatatu mu ntara zose z’u Burundi...
21 May 2020 Yasuwe: 1426 0