Canada yafashije umuhinzi gufatira indege ya Air Tanzania

Amakuru   Yanditswe na: Dusingizimana Remy 24 November 2019 Yasuwe: 2077

Canada yafatiriye imwe mu ndege nshya ya Tanzania, mu gihe hakomeje ubushyamirane bushingiye ku guha indishyi umuhinzi wanyazwe ubutaka mu myaka ya 1980.



Ni urubanza rushingiye ku muturage ukomoka muri Namibia leta ya Tanzania irimo miliyoni zibarirwa muri mirongo z’amadolari y’Amerika kubera ubutaka bwe yafatiriye ubwo yabaga muri icyo gihugu.

Minisitiri w’ububanyi n’amahanga wa Tanzania, Palamagamba Kabudi, yavuze ko igikorwa cya Canada ari icya gashakabuhake kigamije gukoma mu nkokora iterambere rya Tanzania.

Hermanus Steyn, uwo muhinzi wavukiye muri Namibia, yatakaje isambu ye ngari yahingagamo imyaka nk’ibishyimbo ubwo leta yari muri gahunda yo gushyira ubutaka mu maboko yayo mu myaka ya 1980.

Usibye iyo sambu ye yatswe,hari kandi ibikoresho by’ubuhinzi, imodoka zibarirwa muri za magana ndetse n’indege nto ze zibarirwa mu macumi.

Nyuma yaje kugana ubucamanza, nuko urukiko rutegeka ko ahabwa indishyi irenga miliyoni 30 z’amadolari y’Amerika.

Indishyi yariyongereye

Leta ya Tanzania ntiyigeze imuha iyo ndishyi yatsindiye yose uko yakabaye, bituma amafaranga yamusigayemo akomeza kugenda yiyongera uko imyaka yagiye ishira kubera inyungu z’ubukerererwe.

Ubu indishyi leta ya Tanzania imurimo igeze kuri miliyoni 33 z’amadolari y’Amerika.

Uyu wahoze ari umuhinzi, kuri ubu yatangajwe ko atemerewe gukandagira ku butaka bwa Tanzania. Ni ko guhitamo rero gukomereza ikibazo cye mu mahanga.

Ku ikubitiro yaganye muri Afurika y’Epfo, none ubu ageze muri Canada. Avuga ko leta z’ibyo bihugu zikwiye gufatira imitungo ya leta ya Tanzania ngo zimufashe kubona amafaranga y’indishyi imurimo.

Mu kwezi kwa munani uyu mwaka, Afurika y’Epfo yafatiriye indi ndege ya Tanzania kubera n’ubundi icyo kibazo, nyuma iza kuyirekura.

Perezida John Magufuli yasezeranyije kongera umubare w’indege za kompanyi y’igihugu ya Air Tanzania, yari ifite indege imwe gusa ubwo yageraga ku butegetsi mu mwaka wa 2015.

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burundi: Umucamanza ukomeye ari mu mazi abira kubera kwicara ku ntebe ya...

Kuri uyu wa Gatanu taliki ya 03 Mutarama 2020,Urukiko rukuru mu Burundi...
4 January 2020 Yasuwe: 3474 0

Pakistan: Umwarimu yakatiwe igihano cy’urupfu azira gutuka intumwa y’Imana...

Umwarimu wo muri kaminuza witwa Junaid Hafeez w’imyaka 33 ukomoka mu gihugu...
23 December 2019 Yasuwe: 1014 1

USA: Abagabo 3 bari bamaze imyaka 36 muri gereza babeshyerwa...

Abagabo batatu bahamijwe icyaha cyo kwica babeshyerwa muri leta ya Maryland...
27 November 2019 Yasuwe: 2925 0

Canada yafashije umuhinzi gufatira indege ya Air Tanzania

Canada yafatiriye imwe mu ndege nshya ya Tanzania, mu gihe hakomeje...
24 November 2019 Yasuwe: 2077 0

Uyu munyamabanga wihariye wa Minisitiri akurikiranyweho kumusambanyiriza...

Uyu mugabo witwa Reuben Kiborek yagejejwe imbere y’urukiko kuri uyu wa Kane....
28 December 2018 Yasuwe: 4847 0

Umugore wa Robert Mugabe ’Grace Mugabe’ ari guhigwa ngo afungwe[AMAFOTO]

Umugore wa Robert Mugabe, Grace Mugabe, yashyiriweho impapuro zimufata...
19 December 2018 Yasuwe: 5638 0