Kuri uyu wa Gatatu tariki ya 06 Nzeri uyu mwaka, Ubushinjacyaha muri Suède bwatangaje ko bukurikiranye umugabo w’imyaka 49 y’amavuko ukekwaho kugira uruhare muri Jenoside yakorewe abatutsi mu 1994.
Ikinyamakuru ABC News cyanditse ko Umunyarwanda Théodore Tabaro ukekwaho kugira uruhare muri Jenoside yakorewe Abatutsi azatangira kwitaba urukiko rwa Stockholm muri Suéde 12 Nzeri 2017.
Ubushinjacyaha buvuga ko uwo mugabo ashinjwa ibyaha bikomeye hashingiwe ku bikorwa bitandukanye we ubwe yagizemo (...)

Sponsored Ad

Kuri uyu wa Gatatu tariki ya 06 Nzeri uyu mwaka, Ubushinjacyaha muri Suède bwatangaje ko bukurikiranye umugabo w’imyaka 49 y’amavuko ukekwaho kugira uruhare muri Jenoside yakorewe abatutsi mu 1994.

Ikinyamakuru ABC News cyanditse ko Umunyarwanda Théodore Tabaro ukekwaho kugira uruhare muri Jenoside yakorewe Abatutsi azatangira kwitaba urukiko rwa Stockholm muri Suéde 12 Nzeri 2017.

Ubushinjacyaha buvuga ko uwo mugabo ashinjwa ibyaha bikomeye hashingiwe ku bikorwa bitandukanye we ubwe yagizemo uruhare rukomeye hagati ya Mata na Gicurasi 1994.

Ibiro ntaramakuru by’Abafaransa “AFP” byanditse ko abashinjacyaha bari gukurikirana iki kirego bavuganye baje mu Rwanda bavugana n’abatangabuhamya benshi, mu Burayi no muri America ya ruguru.

Rukeratabaro “Tabaro” w’imyaka 49, ashinjwa ubwicanyi, umugambi wo kwica, gufata ku ngufu ndetse no gushimuta abatutsi hagati y’itariki 09 Mata na 31 Gicurasi mu 1994, mu byari Segiteri za Winteko, Nyakanyinya na Mibirizi ubu ni mu Karere ka Rusizi.

Muri Gicurasi 2016, Suede yakatiye gufungwa burundu, Claver Berinkindi.Umunyarwanda Stanislas Mbanenande na we yakatiwe gufungwa burundu.