Polisi ya Zimabwe yataye muri yombi Umunyamakuru ukorera ikinyamakuru kigenga azira inkuru yanditse ku nkunga y’ imyambaro y’ imbere ya Grace Mugabe (Umugore wa Perezida wa Zimbabwe Robert Mugabe) bivugwa ko yahaye abarwanashyaka ba ZANU PF.
Abanyamategeko baharanira uburenganzira bwa muntu muri Zimbabwe batangaje ko uyu munyamakuru wa Newsday, Kenneth Nyangani, yatawe muri yombi mu ijoro ryo ku wa Mbere tariki 2 Ukwakira 2017 kubera inkuru yatangaje ku myambaro y’ imbere ya Grace Mugabe. (...)

Sponsored Ad

Polisi ya Zimabwe yataye muri yombi Umunyamakuru ukorera ikinyamakuru kigenga azira inkuru yanditse ku nkunga y’ imyambaro y’ imbere ya Grace Mugabe (Umugore wa Perezida wa Zimbabwe Robert Mugabe) bivugwa ko yahaye abarwanashyaka ba ZANU PF.

Abanyamategeko baharanira uburenganzira bwa muntu muri Zimbabwe batangaje ko uyu munyamakuru wa Newsday, Kenneth Nyangani, yatawe muri yombi mu ijoro ryo ku wa Mbere tariki 2 Ukwakira 2017 kubera inkuru yatangaje ku myambaro y’ imbere ya Grace Mugabe.

Inkuru ya The EasterAfrican ivuga ko uyu munyamakuru ukurikiranyweho gusebya umugore wa Perezida Mugabe ataragezwa imbere y’ urukiko.

Ku wa Mbere Newsday cyatangaje inkuru kivuga ko cyahawe n’ umudepide ukomoka mu ishyaka ZANU PF riri ku butegetsi, Esau Mupfumi.

Depite Mupfumi yatangarije abarwanashyaka ba ZANU PF ko Grace Mugabe yamuhaye imyenda ngo ayibazanire.

Ati “Dufite amakanzu yo kurarana, sandari, n’ imyambaro muze mubifate byavuye kuri Grace Mugabe”

Muri 2015, Zimbabwe yahagaritse caguwa iza kwisubiraho irongera irayikomorera. Iki gihugu cyugarijwe n’ ubukene n’ ibura ry’ imirimo abasesenguzi bavuga ko bifitanye isano n’ itinda ku butegetsi rya Perezida Mugabe umaze imyaka irenge 36 ari Perezida.

Umuryango mpuzamahanga Amnesty international wavuze ko ifungwa rya Nyangani rinyuranyije n’ amategeko, rikaba rigamije gutera ubwoba abanyamakuru, usaba ko Nyangani arekurwa.