skol
startimes

Umutaliyanikazi yafunzwe ashinjwa kunyereza amafaranga ya Vatican

Amakuru   Yanditswe na: Dusingizimana Remy 14 October 2020 Yasuwe: 1226

Polisi y’umujyi wa Milan yafunze umugore w’imyaka 39 wakoreraga Kardinali Angelo Becciu, umwe mu bakomeye i Vatican uherutse kumanurwa mu ntera mu kwezi gushize aregwa kunyereza imari.


Cecilia Marogna avuga ko yishyuwe €500,000 (agera kuri miliyoni 575Frw) na Kardinali Becciu.

Madamu Cecilia yafashwe nyuma y’uko Interpol isohoye impapuro zo kumufata bisabwe na Vatican, nk’uko amakuru abivuga.

Madamu Cecilia na Kardinal Becciu bombi bahakana ko hari ikibi bakoze.

Mu minsi micye ishize mu biganiro n’ibinyamakuru i Milan, Madamu Cecilia yemeye ko yishyuwe €500,000 na Kardinali Becciu biciye muri kompanyi yari akuriye muri Slovenia.

Yavuze ko yakiriye iyo mari mu rwego rwo "gutanga serivisi ya dipolomasi" mu gufasha abavugabutumwa b’ahantu hari amakimbirane.

Umwe mu bantu bakomeye i Vatican yabwiye ibiro ntaramakuru Reuters ko Madamu Cecilia yaketsweho "kunyereza no kwigwizaho bikabije abifashijwemo n’abandi".

Bivugwa ko uriya mu Kardinali yemeje kwishyurwa kwa Madamu Cecilia igihe yari nimero ya kabiri mu biro bishinzwe ububanyi n’amahanga bwa leta ya Vatican, ari nabyo bishinzwe impano za Kiliziya.

Madamu Cecilia yabwiye ikinyamakuru Domani ati: "Nta n’iyero (Euro) na rimwe nibye".

Yahakanye ibivugwa kandi ko ari umusambane w’uriya mu kardinali, abwira ikinyamakuru Corriere della Sera ko ari "umusesenguzi wa politiki n’inzobere mu butasi" ufite "abantu benshi baziranye muri Africa no mu burasirazuba bwo hagati" mu gufasha abahagarariye Vatican mu mahanga.

Kardinali Becciu w’imyaka 72, mu kwezi gushize yeguye ku mirimo mu buryo butunguranye, anahishura ko yabitegetswe na Papa Francis.

Yavuze ko yaketsweho guha amafaranga ya Kiliziya abavandimwe be.

Uyu mukardinali avugwa mu ishoramari ryo kugura inyubako ihenze cyane iri i Londres akoresheje amafaranga ya Kiliziya, ibi byatumye hatangira iperereza.

Becciu yahakanye avuga ko nta kibi na kimwe yakoze, ndetse ahagarara kuri icyo gikorwa cyo kugura inyubako i Londres.

Kwegura kw’abari ku rwego yari ariho i Vatican ni ibintu by’imbonekarimwe.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Bobi Wine yarekuwe by’agateganyo ariko ashobora gufungwa imyaka...

Urukiko rwo mu burasirazuba bwa Uganda rwareze umukandida-perezida Robert...
20 November 2020 Yasuwe: 2910 0

Leta ya Tanzania yajyanwe mu rukiko kubera kubuza kwiga abanyeshuri...

Umuryango Equality Now uharanira uburenganzira bw’abagore, wareze leta ya...
20 November 2020 Yasuwe: 442 0

Uko iburanisha rya mbere rya Kabuga Felicien i La Haye ryagenze

Umwanya munini wafashwe n’umwanditsi w’urukiko asoma ibiregwa Felicien...
11 November 2020 Yasuwe: 2749 0

Felicien Kabuga yaburaniye mu rukiko rw’I La Haye ku nshuro ya...

Ku nshuro ya mbere, Kabuga Félicien ukurikiranweho ibyaha bya jenoside...
11 November 2020 Yasuwe: 1515 0

Umuryango wa Paul Rusesabagina watanze ikirego mu rukiko rw’Africa...

Umuryango wa Paul Rusesabagina uvuga ko abanyamategeko washyizeho ejo ku wa...
28 October 2020 Yasuwe: 1709 0

"Kujya mu Burundi kuburana ninko kwiyahura" –Pierre Buyoya

Pierre Buyoya wahoze ayoboye igihugu cy’U Burundi uherutse gukatirwa...
25 October 2020 Yasuwe: 2644 0