Imiryango y’Abanya-Israel 13 barekuwe na Hamas bavuga ko ari umunezero kubona ababo batashye.

Sponsored Ad

Aba barekuwe harimo abana bakiri bato n’abakecuru, ubu bakaba bageze muri Israel babifashijwemo n’ishyirahamwe Croix Rouge ryabacishije mu Misiri.

Nyuma y’aho gato, imfungwa z’Abanya-Paletsina 39 zarekuwe ahitwa Beituniya mu karere ka Cisjordanie/West Bank.

Abanya-Thailand cumi n’umunya-Filipine (Philippines) nabo nbarekuwe na Hamas, mu masezerano atandukanye n’aya yahagarariwe n’igihugu cya Qatar.

Muri aya masezerano yahagarariwe na Qatar, biteganyijwe ko imfungwa za Israel zigera kuri 50 hamwe n’iza Palestina zigera ku 150 zizarekurwa mu mimsi ine y’agahenge kemewe.

Izi mfungwa zarekuwe na Hamas ejo ku wa gatanu zatwawe mu bitaro byo mu Misiri kugira bazipime amagara yazo mbere y’uko bazijyana muri Israel.

Muri aba banya-Israel harimo abana bane - bafite imyaka ibiri, ine, itandatu n’icyenda – hamwe n’umukecuru w’imyaka 85.

Minisitiri w’Intebe wa Israel, Benjamin Netanyahu , agira ati: "Twarangije kurekura imfungwa za mbere. Abana, ba nyina hamwe n’abandi bagore.

Ariko ndashimangira ko mwebwe – imiryango, hamwe namwe – abanyagihugu ba Israel: twiyemeje gucyura imfungwa zacu zose”.

Muri aya masezerano yo guhana imfungwa, Abanya-Paletsina 39 nabo bari bafungiwe mu magereza ya Israel barekuwe.

Abagore 24 n’abana b’abahungu 15 nibo barekuwe ku kigo cya Beituniya mu gace kigaruriwe na Israel mu karere ka Cisjordanie, aho imbaga y’abantu bari babategereje baririmba.

Ikigo cya Israel gishinzwe amagereza kivuga ko bazemererwa gusubira mu miryango yabo.

BBC