Ishami ry’umuryango w’abibumbye ryita ku buzima ku Isi OMS ryemeje urundi rukingo rufite ubushobozi bwo gukingira indwara ya Marariya.

Sponsored Ad

Hri ikizere ko urwo rukingo rwa kabiri ruzatangira gutangwa mu bihugu bimwe na bimwe ku mugabane w’Afurika mu mezi ari imbere.

Uru rukingo rushya rwiswe R21 rwakozwe na kaminuza ya Oxford ifatanije n’ikigoSerum Insitute of India ubu rukoreshwa muri Ghana na Burkina Faso.

Umuyobozi mukuru wa OMS, Tedrod Adhanom Ghebreyesus, yatangaje ko mu bice byazahajwe cyane na malariya urwo rukingo rwagabanije bifatika ubwandu bushya bwa Malariya .

Mu mezi 12 gusa hakwirakwijwe doze eshatu , doze ya kane yo yatanzwe nyuma y’umwaka iya gatatu itanzwe bigaragara ko abantu bitabiriye ku bwinshi kwikingiza.

OMS yemeje urukingo rwa mbere rwa malariya mu mwaka 2021.urwo rukingo rwiswe RTS, S.

Urukingo ruhendutse rwa malariya rushobora gukorwa ku bwinshi, rwemerewe gutangwa n’ishami rya ONU rishinzwe ubuzima ku isi, OMS.

Urukingo rwakozwe na Kaminuza ya Oxford (University of Oxford) kandi ni urwa kabiri rwa malariya rutunganyijwe.

Malariya yica cyane cyane impinja n’abana bato, kandi ni kimwe mu byorezo bimaze igihe byugarije inyokomuntu.

Hari amasezerano yo gukora izindi nkingo zirenga miliyoni 100 buri mwaka.

Kugeza ubu hari inkingo miliyoni 18 za RTS,S gusa.

OMS yavuze ko urukingo rushya rwa R21 ruzaba "inyongera y’ingenzi cyane". Buri rukingo rugura hagati y’amadolari ya Amerika 2 na 4 ($2-$4) kandi buri muntu akenera inkingo enye. Icyo kiguzi ni hafi kimwe cya kabiri cy’urukingo rwa RTS,S.

Izo nkingo ebyiri zikoresha ikoranabuhanga risa kandi zibasira urwego rumwe rw’ubuzima busa bw’udukoko dutera malariya. Cyakora, urukingo rushya rworoshye gukora kubera ko rusaba ingano nto kandi rugakoresha imiti yo mu rwego rw’ubutabire yoroshye.

Mu mwaka wa 2021, habonetse ubwandu bwa malariya miliyoni 247 kandi abantu ibihumbi 619 barapfuye, benshi ni abana bari munsi y’imyaka itanu. 95% by’uburwayi bwa malariya buba ku mugabane wa Afurika.