Igihugu cya Republika ya Demokrasi ya Congo ni cyo cya mbere kibi ku isi mu kubamo umwana kandi ibintu bigenda bizamuka.

Sponsored Ad

Sheema Sen Gupta,ushinzwe guharanira uburenganzira bw’abana mu ishami rya Onu rishinzwe abana, Unicef, agira ati: "Ugereranyije imibare yo mu mwaka ushize n’iy’ uyu mwaka,ihohoterwa rishingiye ku gitsina ryiyongereye ku kigero cya 47%. Iyi n’imibare irenze urugero."

Gupta yavuganye na BBC nyuma yo gusura inkambi y’abavuye mu byabo mu burasirazuba bwa Congo mu mpera z’ukwezi kwa cyenda.

Yagize ati: "Ufatiye gusa ku burasirazuba bwa Congo, Kivu ya Ruguru n’iy’ Epfo gusa, abana b’abakobwa bane kuri batanu bamaze gukorerwa ihohoterwa rishingiye ku gitsina.

Mu 2022, Unicef yegeranyije imibare igera ku 3.400 by’abana "bahohotewe bikomeye" muri Congo, harimo abagera 1.600 binjijwe mu gisirikare, 700 bishwe n’abandi bagera kuri 290 bafashwe ku ngufu.

Gupta agira ati: "Kuba ndi mu barinda abana, nzi ibirimo kuba. Ariko iyo ugiyeyo ugahura n’abana n’urubyiruko, bigukora ku mutima. Nababajwe n’ihohoterwa rikomeye abo bana bakorerwa".

Kuva mu ntangiriro za 2023, abantu barenga miliyoni basubiye guta ingo zabo muri Congo, bituma umubare w’abahunze urenga miliyoni 6.1.

BBC