skol
Kigali
startimes

Abantu 8 bari mu ikipe ishinzwe kwamamaza Donald Trump basanganwe Covid-19

Amakuru   Yanditswe na: Dusingizimana Remy 23 June 2020 Yasuwe: 812

Abandi bantu babiri bari mu ikipe ifasha Perezida Donald Trump kwiyamamaza basanganwe ubwandu bwa Virusi ya Corona. Baje biyongera ku bandi batandatu bo muri iyo kipe basanganywe ubwandu kuwa gatandatu.


Tim Murtaugh ushinzwe gutanga amakuru muri iyo kipe yemeje iby’ubwo bwandu agira ati: “Ni byo baranduye, ariko ku wa gatandatu ubwo bari muri Leta ya Oklahoma, Trump asubukura ibikorwa byo kwiyamamaza kwe bose bari bambaye udupfukamunwa.”

Tim Murtaugh yemeje ko abo bompi bamaze gushyirwa mu kato.

Kwiyamamaza kwa Trump muri ibi bihe Amerika ikomeje guhangana n’icyorezo cya Virusi ya Corona kwakiriwe nabi n’impande zitandukanye, zivuga ko bishobora gutuma abandura biyongera.

Uruhande rushinzwe ibikorwa byo kwamamaza Perezida Donald Trump ruherutse guhakana ko ubukangurambaga bwo ku rubuga rwa Tik-Tok n’abafana b’itsinda rya muzika K-pop ari bo batumye igikorwa cye cyo kwiyamamaza ku wa gatandatu i Oklahoma kizamo abantu bacyeya.

Urubyiruko rwinshi rutarageza ku myaka 20 rwafasha amatike mbere ariko rudafite gahunda yo kujya muri uko kwiyamamaza, rugamije gusa ko imyanya izaba irimo ubusa.

Gusa uruhande rwa Trump ruvuga ko rwari rwiteguye ibikorwa nk’ibi.

Perezida Trump, mbere yari yatangaje ko igikorwa cye cya mbere cyo kwiyamamaza ku wa gatandatu kizazamo abantu nibura miliyoni.

Aho cyabereye muri stade ijyamo abantu 19,000 iri mu mujyi wa Tulsa, hari hateguwe kuburyo no hanze hajya abantu benshi cyane. Gusa hanze ntihakoreshejwe kuko n’imbere bari bacye.

Urwego rushinzwe kuzimya umuriro muri Tulsa ruvuga ko iki gikorwa cyajemo abantu 6,000 ariko abo ku ruhande rwa Trump bavuga ko haje benshi barenga aba.

Brad Parscale ukuriye ibikorwa byo kwamamaza Trump avuga ko imyigaragambyo n’ibitangazamakuru ari byo byatumye hari benshi batitabira, ko atari abafashe amatike babashuka ko bazaza.

Steve Schmidt wahoze mu ishyaka ry’abarepubulikani ariko ubu unenga Bwana Trump, avuga ko urubyiruko henshi muri Amerika rwasabye amatike rudafite gahunda yo kwitabira.

Avuga ko umukobwa we w’imyaka 16 hamwe n’inshuti ze bafashe amatike abarirwa mu "magana".

Hari abandi babyeyi nabo basubije Bwana Schmidt bavuga ko abana babo nabo bakoze nk’ibi.

Ntabwo bizwi neza umubare w’amatike ibihumbi amagana wafashwe n’abantu batari bwitabire, gusa video yashyizwe kuri Tik-Tok tariki 12 z’uku kwezi isaba abantu gufata amatike y’ubuntu igamije ko hazaba imyanya myinshi irimo ubusa yagize abayikunze barenga 700,000.

Iyi video yashyizwe kuri Tik-Tok hakiri kare kuko itariki y’ukwiyamamaza kwa Trump yari 19 z’uku kwezi.

Iyi tariki yari yateye benshi uburakari kuko ihura n’umunsi wa Juneteenth abirabura muri Amerika bizihizaho kurangira kw’ibinyejana by’ubucakara.

Aho byabereye naho, Tulsa, hakaba ahantu habereye ubwicanyi bukomeye ku birabura mu mateka ya Amerika.

Abafana ba K-pop, itsinda rya muzika rikunzwe cyane ryo muri Koreya y’Epfo, bamaze iminsi bakoresha imbuga nkoranyambaga mu kwibasira abadashyigikiye imyigaragambyo ya ’Black Lives Matter’.

Umunyamakuru wa BBC Anthony Zurcher wari i Tulsa aho Trump yiyamamarije avuga ko abategura ibi bikorwa buri gihe bitegura abantu nk’aba bafata amatike ariko batazaza, bityo bagategura amatike menshi cyane kurushaho.

Ubusanzwe abakoze ibikorwa nk’ibi ntibabuza abari bafite gahunda yo kuza kuba benshi iyo baguze amatike yabo.

Gusa uko byagaragaye ni uko ababeshye babaye benshi cyane kuko mu gihe abategura uku kwiyamamaza bari bavuze ko biteze abantu hafi miliyoni, kubera abafashe amatike mbere, kuri stade babonye ibihumbi bicyeya.

Trump yavuze iki yiyamamaza?

Agitangira, Bwana Trump yavuze ko "hanze hari abantu babi cyane, bari gukora ibintu bibi" gusa ntiyavuze abo ari bo.

Hanze hari abantu bigaragambya bamagana kwiyamamaza kwe mu ntero ya ’Black Lives Matter’, bahageze mbere y’uko kwiyamamaza bitangira.

Avuga k’uwo bazaba bahanganye mu matora, Joe Biden, Bwana Trump yamwise "igikoresho cy’abahezanguni bo mu ishyaka rye".

Yanavuganye ijwi rikakaye asubiza ku myigaragambyo yamagana ivanguramoko no kumanura amashusho y’ibibumbano, byatangiye nyuma y’iyicwa rya George Floyd i Minneapolis mu kwezi gushize.

Yagize ati: "Abasazi bo mu rindi shyaka bari kugerageza gusenya amateka yacu, bangiza amashusho yacu - amashusho yacu meza - bakibasira buri wese udashaka ibyo barimo. Ariko ntabwo tuzakora nkabo."

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Melania Trump yavuze ko umuhungu wabo Barron yari afite Coronavirus

Barron, umuhungu w’imyaka 14 wa Perezida Donald Trump w’Amerika, yanduye...
15 October 2020 Yasuwe: 1171 0

Umupfumu yafashe ku ngufu umwana w’imyaka 14 yari agiye kuvura akubitwa...

Umupfumu witwa P Shivaprasad wari umaze amezi 3 afata ku ngufu umwana...
14 October 2020 Yasuwe: 3961 0

Thailand: Gari ya Moshi yagwiriye bisi yari iparitse abantu 20 bahita...

Gari ya moshi yo mu gihugu cya Thailand yakoze impanuka igwira Bisi...
11 October 2020 Yasuwe: 1444 0

Burundi: Ikamyo yari yuzuyemo abantu bari bavuye mu bukwe yaguye mu mugezi...

Abantu 13 n’umwana mutoya baraye bahitanywe n’impanuka y’imodoka ku kiraro cya...
11 October 2020 Yasuwe: 9235 1

Indege 2 zagonganiye mu kirere abantu 05 bahita bahasiga ubuzima

Indege ebyiri ntoya zagonganiye mu kirere mu burengerazuba bw’Ubufaransa,...
11 October 2020 Yasuwe: 4035 0

Abagore muri Algeria bamaganye ifatwa ku ngufu ry’umukobwa wanishwe...

Imyigaragambyo yaraye ibaye mu mijyi myinshi yo muri Algeria basaba ko...
9 October 2020 Yasuwe: 799 0