addresiya
Kigali
startimes

Boris Johnson warwaye coronavirus yaburiye Abongereza kwitega ’ibihe bibi kurushaho’

Amakuru   Yanditswe na: Dusingizimana Remy 29 March 2020 Yasuwe: 3046

Mu ibaruwa yoherereje buri rugo rwo muri iki gihugu, Minisitiri w’intebe w’Ubwongereza yaburiye abaturage ko icyorezo cya coronavirus kizabamerera nabi kurushaho mbere yuko gicisha macye.



Muri iyo baruwa, Boris Johnson, wishyize mu kato guhera ku wa gatanu w’iki cyumweru nyuma yo gusanga yaranduye Covid-19, avuga ko ingamba zikaze kurushaho zishobora gufatwa bibaye ngombwa.

Abongereza kandi barahabwa inyandiko ikubiyemo amabwiriza ya leta ajyanye no kuva mu rugo ndetse irimo n’andi makuru ajyanye n’ubuzima.

Ibyo bibaye nyuma yaho leta y’Ubwongereza inengewe ko nta nama yumvikana neza yagiriye abaturage bayo kuri iyi ndwara y’ubuhumekero ya Covid-19 iterwa n’ubu bwoko bushya bwa coronavirus.

Umubare w’abamaze kwicwa na coronavirus mu Bwongereza waraye ugeze ku 1,019, nyuma yaho abandi bantu bashya 260 yishe batangajwe kuri uwo munsi w’ejo.

Ubu mu Bwongereza hari abarwayi 17,089 bemejwe ko banduye coronavirus.

Muri iyo baruwa iri kohererezwa ingo miliyoni 30 ku giciro bivugwa ko kizagera kuri miliyoni 5.8 z’amapawundi (arenga miliyari 6 mu mafaranga y’u Rwanda), Bwana Johnson agira ati:

"Kuva mu ntangiriro, twashatse gushyiraho ingamba zikwiye mu gihe gikwiye".

Ntabwo tuzashidikanya kurenzaho [mu ngamba dufata] niba ari yo nama abahanga muri bumenyi bwa siyansi no mu buvuzi batugiriye ko tugomba gufata".

Ingamba zikaze zo guhangana n’ikwirakwira rya coronavirus muri iki gihugu - zirimo guca gutera kw’abantu barenze babiri no gufunga amaduka acuruza ibitari ingenzi cyane - zashyizweho mu cyumweru gishize.

Inkunga y’ingoboka ku baturage

Muri iyo baruwa, Bwana Johnson akomeza agira ati: "Ni ingenzi kubabwiza ukuri - tuzi ko ibintu bizaba bibi kurushaho mbere yuko bimera neza kurushaho".

Ariko turimo gukora imyiteguro ikwiye, kandi uko twese turushaho gukurikiza amabwiriza, ni ko abantu bapfa bazakomeza kugabanuka kandi ni nako bizihuta ko dusubira mu buzima busanzwe".

Impuguke zavuze ko ziteze ko umubare w’abanduye coronavirus n’uw’abo yica ukomeza kwiyongera mu byumweru biri hagati ya bibiri na bitatu biri imbere, mbere yuko umusaruro w’ingamba zo kutegerana no guhagarika byinshi mu buzima busanzwe utangira kwigaragaza.

Mu ibaruwa ye, Johnson avuga ko iki cyorezo ari "igihe kidasanzwe ku gihugu", ndetse yongera kwibutsa amabwiriza ya leta yo kuguma mu rugo mu kwirinda kongerera akazi urwego rw’ubuzima mu gihugu ruzwi nka NHS, no kugira ngo ubuzima burokorwe.

Minisitiri w’intebe w’Ubwongereza yemera ko izo ngamba za leta ayoboye zizagira ingaruka ku mibereho y’abaturage.

Ariko, muri iyo baruwa yanditse nyuma yaho abaminisitiri batangaje gahunda y’ingoboka ifite agaciro ka za miliyari z’amapawundi, Bwana Johnson yagize ati:

"Leta izakora ibishoboka byose mu gufasha ngo imibereho ikomeze no mu kubona ifunguro rya buri munsi".

Bwana Johnson kandi yashimagije akazi k’abaganga, abaforomo n’abandi bita ku barwayi ndetse n’abandi babarirwa mu bihumbi amagana bitanze nk’abakorerabushake mu gufasha ab’intege nke cyane.

Inyandiko ya leta iherekeje iyo baruwa, ikubiyemo amabwiriza ku gukaraba intoki, igisobanuro ku bimenyetso bya coronavirus, amategeko ajyanye no kuva mu rugo ndetse n’inama ku gukingira ab’intege nke.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 1399 0

US: Umwirabura washinzwe ivi ku ijosi n’umupolisi w’umuzungu bikamuviramo...

Abapolisi bane bo muri leta ya Minnesota muri Amerika birukanywe nyuma...
27 May 2020 Yasuwe: 3069 1

Kenya: Barashaka abantu 400 bo kugeragerezaho urukingo rwa Coronavirus

Abashakashatsi muri Kenya barashaka abantu 400 bafite ubushake bo gufasha...
27 May 2020 Yasuwe: 304 0

Afurika y’Epfo:Perezida Ramaphosa yabwiye inkuru mbi abaturage ku cyorezo...

Perezida wa Afurika y’Epfo yavuze ko icyorezo cya coronavirus muri iki...
25 May 2020 Yasuwe: 3494 1

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1550 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2629 0