skol
Kigali
startimes

Burundi: Ikamyo yari yuzuyemo abantu bari bavuye mu bukwe yaguye mu mugezi abarenga 13 bahasiga ubuzima

Amakuru   Yanditswe na: Dusingizimana Remy 11 October 2020 Yasuwe: 9284

Abantu 13 n’umwana mutoya baraye bahitanywe n’impanuka y’imodoka ku kiraro cya Rukoziri gihuza amakomine ya Makamba na Mabanda mu ntara ya Makamba ubwo bari bavuye mu bukwe.


Amakuru atangwa n’ikinyamakuru Jimbere avuga ko aba bantu bari bavuye mu bukwe bwabereye i Kirare muri Makamba. Bari mu mudoka y’ikamyo (camion) yo mu bwoko bwa ISUZU, maze igeze ku kiraro abantu basaba ko babanza bakayivamo ikambuka yonyine kubera bari benshi.

Umuyobozi wa Komini Mabanda,Bwana David Ndikuriyo,yatanze amakuru kuri iyi mpanuka ati “Impanuka yabaye ahagana saa mbili z’ijoro.Abantu bari mu ikamyo yo mu bwoko bw’ISUZU bavuye mu bukwe.Bageze ku kiraro cya Rukozi gitandukanya Makamba na Mabanda.Umushoferi yananiwe kuyobora impanuka bituma ikamyo yiroha mu mugezi.”

Umushoferi aho kubumva yafashe umwanzuro wo kwambuka ntacyo yikanga. Ikiraro cy’imbaho bari bagiye kwambukiraho nticayshoboye kwakira ubwo buremere, kuko cyacitsemo kabiri,imodoka igwa mu ruzi.

Uretse abapfuye, hari abatari bake bakomeretse bahita bajyanwa mu mavuriro ya Makamba, Mabanda na Nyanza Lac.

Umwana muto wari muri aba bantu ntabwo araboneka kugeza ubu. Bivugwa ko no mu bajyanywe mu bitaro haba hari abamaze Gupfa.

Umushoferi we, kubera ubwoba, yahise ahunga, kugeza ubu ntawe uzi iyo yarengeye. Benshi mu bari muri iyo modoka bari abaririmbyi bo mu rusengero rwa pentekote Kayogoro.

Gutwara abantu barunze mu makamyo yagenewe imizigo biracyakorwa mu gihugu cy’u Burundi ndetse benshi mu baturage b’iki gihugu basaba Leta gusuzuma ubushobozi bw’ibiraro barebye ku buremere bw’imodoka zibicaho.


Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Eddy-fiston

    Ibi bintu il faut ko bihagarara kabisa uravye nkico kiraro kweri niyo ISUZU naho yoba igarahara ntiyokwambuka gusa bisaba ubutegetsi bafate uyo mu chauffeur hama aba uze nabo mugire ukwihangana

    1 month ago

Inzindi nkuru

Umukwe wa Perezida Habyarimana ushinjwa kugira uruhare muri Jenoside...

Ntilivamunda Alphonse, umukwe wa Perezida Juvenal Habyarimana, yapfuye ku...
19 November 2020 Yasuwe: 5447 0

Umudipolomate w’Ubwongereza mu Bushinwa yakoze benshi ku mutima kubera...

Nubwo ari umunyacyubahiro,Bwana Stephen Ellison,uherutse koherezwa...
17 November 2020 Yasuwe: 3809 0

Umusaruro w’urukingo rwa Covid-19 uzatangira kwigaragaza cyane ku mpeshyi...

Umusaruro w’urukingo rwa Covid-19 uzatangira kwigaragaza cyane ku mpeshyi...
17 November 2020 Yasuwe: 494 0

Kenya: Covid-19 yishe abaganga 10 mu minsi 4, none bagiye kwigaragambya

Ihuriro ry’abaganga muri Kenya ryaburiye leta ko mu minsi 21 rizakora...
16 November 2020 Yasuwe: 559 0

Jerry Rawlings wayoboye Ghana yatabarutse azize uburwayi

Jerry John Rawlings wahoze ari perezida wa Ghana yatabarutse afite imyaka...
12 November 2020 Yasuwe: 858 0

Amadou Toumani Touré wabaye perezida wa Mali imyaka 10 yapfuye

Amadou Toumani Touré wahoze ari perezida wa Mali uyu munsi yatabarutse ku...
10 November 2020 Yasuwe: 1898 0