skol
Kigali
startimes

Burundi:Imodoka itwara abagenzi yataye umuhanda igwa mu manga [AMAFOTO]

Amakuru   Yanditswe na: Dusingizimana Remy 14 July 2020 Yasuwe: 5927

Imodoka ya Kompanyi itwara abagenzu yitwa Memento yari ivuye i Makamba yakoze impanuka ku gicamunsi cyo kuri uyu wa Kabiri tariki ya 14 Nyakanga 2020 irenga umuhanda igwa mu manga ubwo yari igeze ahitwa Nyamutenderi mu ntara ya Bujumbura. Yahitanye abantu 3 abandi 26 barakomereka.


Iyo modoka yahagurutse i Makamba itwaye abagenzi Saa Mbili za mu gitondo,yataye umuhanda igwa mu Kabande ku manga kubera umuvuduko ukabije yari ifite.

Abari hafi y’aho iyi mpanuka yabereye nibo batangaje ko iyi modoka yari ifite umuvuduko udasazwe basaba ko ababishinzwe bahagarika umuvuduko ukabije ukorwa n’abashoferi batari bake birukansa imodoka cyane batitaye ku buzima bwabo batwaye.

Bimwe mu binyamakuru byo mu Burundi byagaragaje amafoto iyi modoka iri mu kabande yahanutse ku manga ndetse bimwe byemeje ko nta muntu wayirokotse nubwo hari hagikusanywa amakuru.

Minisiteri ishinzwe umutekano mu Burundi yatangarije kuri Twitter yayo ko iyi modoka yahitanye abantu 3 barimo umwe waguye ku bitaro,abandi 26 barakomereka.Abagenzi 9 nibo bakomeretse bikabije ndetse ngo kuri ubu bararembye cyane.

Uretse kuba iyi modoka yari ifite umuvuduko ukabije, hirya no hino mu Burundi havugwa ikibazo cy’imihanda mibi cyane ikunze guteza impanuka.

Muri iki gihe abaturage b’u Burundi ntibasiba gusaba umukuru w’igihugu mushya Evariste Ndayishimiye kugira icyo akora mu gusana imihanda itandukanye yo muri iki gihugu yasenywe n’ibiza indi ikaba yuzuyemo ibinogo kubera gusaza.

Uyu munsi umuyobozi mushya w’umujyi wa Bujumbura yatangaje ko ibyo agiye kwihutira gukora harimo kuziba ibinogo biri mu mihanda yo muri uyu mujyi no gukomeza umubano mwiza mu batuye uyu mujyi.

Andi makuru avuga ko zimwe muri izi modoka za Kompanyi Memento itwara abagenzi zishaje bishobora gutuma zikora impanuka.




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inkangu yarengeye ikigo cya gisirikare muri Vietnam benshi bahasiga...

Muri Vietnam harimo gushakishwa abasirikare 11 bari mu bari mu kigo cyabo...
19 October 2020 Yasuwe: 1382 0

Melania Trump yavuze ko umuhungu wabo Barron yari afite Coronavirus

Barron, umuhungu w’imyaka 14 wa Perezida Donald Trump w’Amerika, yanduye...
15 October 2020 Yasuwe: 1179 0

Umupfumu yafashe ku ngufu umwana w’imyaka 14 yari agiye kuvura akubitwa...

Umupfumu witwa P Shivaprasad wari umaze amezi 3 afata ku ngufu umwana...
14 October 2020 Yasuwe: 3978 0

Thailand: Gari ya Moshi yagwiriye bisi yari iparitse abantu 20 bahita...

Gari ya moshi yo mu gihugu cya Thailand yakoze impanuka igwira Bisi...
11 October 2020 Yasuwe: 1451 0

Burundi: Ikamyo yari yuzuyemo abantu bari bavuye mu bukwe yaguye mu mugezi...

Abantu 13 n’umwana mutoya baraye bahitanywe n’impanuka y’imodoka ku kiraro cya...
11 October 2020 Yasuwe: 9252 1

Indege 2 zagonganiye mu kirere abantu 05 bahita bahasiga ubuzima

Indege ebyiri ntoya zagonganiye mu kirere mu burengerazuba bw’Ubufaransa,...
11 October 2020 Yasuwe: 4036 0