Kuri uyu wa Gatanu, itariki 04 Ukuboza 2020, abantu bataramenyekana bari bitwaje intwari bacengeye mu giturage cya Munganga, muri Gurupoma ya Tondabo, muri Teritwari ya Irumu bahica abaturage bagera kuri 11 babatemaguye.

Sponsored Ad

Umuhuzabikorwa w’umuryango uharanira uburenganzira bwa muntu, Convention pour le Respect des Droits Humains (CRDH), Mumbere Munyaderu, yabwiye urubuga rwa 7SUR7.CD dukesha iyi nkuru, ko hapfuye abantu ndetse ibintu byinshi byangijwe.

Mumbere Munyaderu ati: “Hari abasivili 11 bishwe bugwari n’abantu bitwaje intwaro bashobora kuba ari inyeshyamba za ADF zikoresheje imihoro. Ni imibare y’agateganyo kuko abandi basivili baburiwe irengero nyuma yo kuhaca kw’abo bagizi ba nabi.”

Izi mpirimbanyi z’uburenganzira bwa muntu zirahamagarira igisirikare cya Congo gukurikirana izo nyeshyamba mu ishyamba ryo muri iyi teritwari aho bikekwa ko zihisha.