addresiya
Kigali
startimes

Coronavirus:Minisitiri w’intebe w’Ubwongereza arembeye mu bitaro

Amakuru   Yanditswe na: Dusingizimana Remy 7 April 2020 Yasuwe: 1696

Minisitiri w’intebe w’Ubwongereza Boris Johnson yashyizwe mu bitaro by’abarembye cyane nyuma y’aho ibimenyetso bya coronavirus yari afite byiyongereye.



Umuvugizi we yavuze ko yimuriwe muri ibyo bitaro nyuma y’inama z’abaganga kuko ngo aribwo arabona ubuvuzi "bwo ku rwego rwo hejuru".

Minisitiri Johnson yasabye Minisitiri w’Ububanyi n’Amahanga, Dominic Raab ngo amubere aho atari "aho bikenewe", nk’uko uwo muvugizi yakomeje abivuga.
Minisitiri Johnson w’imyaka 55, yajyanwe mu bitaro i London afite "ibimenyetso byoroheje ku Cyumweru.

Urwandiko rwasohowe n’ibiro bye rwagiraga ruti: "Kuva mu ijoro ryo ku cyumweru Minisitiri w’Intebe arimo kuvurwa n’abaganga ku bitaro bya St Thomas, i London, nyuma yo kwakirwa afite ibimenyetso bikomeye bya coronavirus.

Guhera kuri uyu wa mbere nyuma ya saa sita, Minisitiri w’intebe yakomeje kuremba kandi, nyuma y’inama y’ikipe ye y’abaganga, yimuriwe mu cyumba cy’indembe muri ibi bitaro.

Minisitiri w’intebe arimo guhabwa ubuvuzi bwo ku rwego rwo hejuru, kandi arashimira abaganga ba NHS, ku kazi gakomeye barimo gukora no kwitanga kwabo."

Minisitiri w’ubukungu, Rishi Sunak, yavuze ko ibitekerezo bye biri kuri Minisitiri w’Intebe n’umufasha we, Carrie Symonds, kandi ko Bwana Johnson "azava muri ibi bihe bibi arimo akagaruka akomeye kurushaho.

Umukuru w’ishyaka ritavuga rumwe na leta, Labour, Sir Keir Stamer yavuze ko ibiri kuba kuri Minisitiri w’intebe ari "amakuru y’incamugongo."

Minisitiri Johnson yabanje kujyanwa kwa muganga gupimwa bisanzwe nyuma y’iminsi 10 afashwe na coronavirus. Ibimenyetso yari afite byarimo kugira umuriro no gukorora.

Kugeza ubu mu Bwongereza,abantu 51,608 bamaze kwandura Coronavirus mu gihe abo imaze kwica ari ibihumbi 5,373.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Czech Republic: Abatewe icyaka na Coronavirus barahabwa inzoga y’ubuntu yo...

Henshi ku isi kompanyi z’ubucuruzi ziri kurwana no gusubiza ibintu uko...
25 May 2020 Yasuwe: 1157 0

Abakobwa 2 bavukana barashwe n’abagize imiryango yabo barapfa babaziza ko...

Abangavu babiri bo mu gihugu cya Pakistan bababaje benshi kubera ukuntu...
24 May 2020 Yasuwe: 2447 0

Umuyobozi wa Dar Es Salam yatangaje ko Covid-19 yashize asaba abaturage...

Umuyobozi w’umujyi wa Dar es Salaam muri Tanzania, Paul Makonda, yasabye...
23 May 2020 Yasuwe: 1418 0

Abashakashatsi b’abahanga mu by’ubuvuzi bagaragaje ubwoko bw’urumogi bushobora...

Abashakashatsi b’abahanga mu by’ubuvuzi bavuga ko bateye intambwe nini mu...
23 May 2020 Yasuwe: 1534 0

Pakistan: Indege itwara abagenzi yakoze impanuka ihitana abantu barenga 30...

Indege ya gisivile yo muri Pakistan (Pakistan PK8303 Plane) yari itwaye...
22 May 2020 Yasuwe: 1164 0

Bizimana Augustin wari mu bateguye Jenoside yakorewe Abatutsi yapfiriye...

Umushinjacyaha Mukuru w’Urwego rwasigariye Urukiko Mpuzamahanga Mpanabyaha,...
22 May 2020 Yasuwe: 3369 0