skol
fortebet

Coronavirus perezida Trump yitaga virusi y’abashinwa yigaruriye igihugu cye bikabije

Yanditswe: Friday 27, Mar 2020

Sponsored Ad

Leta zunze ubumwe za Amerika ubu nicyo gihugu gifite umubare munini w’abanduye Covid-19 ku isi, virusi Perezida Donald Trump yitaga iy’Abashinwa ubu yiganje cyane mu gihugu ayoboye ndetse yahamagaye Perezida w’Ubushinwa ngo baganire.

Sponsored Ad

Abanduye muri Amerika bamaze kwiyongera cyane mu gihe gito gishize, ubu bararenga 85,500 mu gihe mu Bushinwa habarwa 81,782 naho mu Butaliyani 80,589 nk’uko bivugwa na Johns Hopkins University.Abarenga 1000 bamaze gupfa muri iki gihugu bahitanwe na COVID-19.

Abajijwe kugira icyo avuga kuri ibi, PerezidaTrump yatangaje ko bari kumenya abanduye bashya kubera ubushozi bwo gupima iyi ndwara bwiyongereye.

Visi Perezida Mike Pence yavuze ko ubu muri leta 50 zose babasha gupima iyi ndwara ndetse mu gihugu hose hamaze gupimwa abantu barenga 552,000.

Nubwo imibare y’abanduye muri Amerika iri kuzamuka, perezidaTrump akomeje kuvuga ko Abanyamerika batagomba guhagarika akazi kuko ariko igihugu cyubakiyeho.

Yagize ati: "Abantu baranyumva nabi iyo mvuze ngo basubire mu kazi - nibagasubireho ariko birinda bishoboka, bakaraba intoki birinda kuramukanya bahana intoki n’ibindi byose twavuze".

"Icyubahiro ku Bashinwa"

PerezidaTrump yatangaje kandi ko yagiranye ikiganiro kuri telephone na mugenzi we Xi Jinping w’Ubushinwa kuri iki cyorezo.

Iyi virus yahereye mu Bushinwa mu mpera z’umwaka ushize - Bwana Trump kenshi yayise "virus y’Abashinwa".

Kuri Twitter yanditse ati: "Ubushinwa bwayiciyemo cyane ndetse bufite uburyo bwumva cyane iyi virusi. Ubu turi gufatanya bya hafi. Icyubahiro kuri bo".

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa