Kigali

Coronavirus yishe 242 mu ntara ya Hubei kuri uyu wa Gatatu

Amakuru   Yanditswe na: Dusingizimana Remy 13 February 2020 Yasuwe: 1331

Abantu 242 ni bo bishwe na virus nshya ya coronavirus mu ntara ya Hubei mu Bushinwa ku munsi w’ejo ku wa gatatu - uwo ukaba ari wo munsi wa mbere yishemo abantu benshi kuva yatera.



Hanabayeho kandi kwiyongera cyane k’umubare w’abayandura, abantu 14,840 bakaba ari bo bamenyekanye ko bayanduye ku munsi w’ejo.

Intara ya Hubei yatangiye gukoresha uburyo bwaguye kurushaho bwo gupima abantu - bukaba ari bwo bucyeshwa gutahura besnhi muri abo bashya bayanduye.

Mbere y’uko kwiyongera kw’imibare y’impfu n’abayandura bashya, umubare w’abayisanganwa aho i Hubei ari naho iyo virusi yagaragaye bwa mbere - wari uri kugenda uhama hamwe.



Ariko izo mpfu no kuyandura bishya muri iyo ntara byatumye umubare w’abo imaze kwica mu Bushinwa barenga 1,350 - naho hafi abagera ku 60,000 bakaba bamaze kuyandura mu gihugu.

Hagati aho, Jiang Chaoliang, umunyamabanga w’ishyaka rya gikomunisiti riri ku butegetsi mu Bushinwa wo mu ntara ya Hubei, yasimbujwe Ying Yong urihagarariye i Shanghai, nkuko bivugwa n’igitangazamakuru cya leta.

Ni yo mpinduka ikomeye ya mbere mu bakuriye iryo shyaka i Hubei kuva iyi virusi yagaragara mu Bushinwa.



Mu ntangiriro y’iki cyumweru, hari bamwe mu bategetsi bo mu rwego rw’ubuzima na bo "bakuwe" ku kazi kabo.

Uburyo bushya bwo gupima buteye bute?

Iyo ntara ya Hubei - ibarirwamo abarenga 80% by’abamaze kuyandura bose mu Bushinwa - ubu iri no gushyira -abo "ibizamini byo kwa muganga bigaragaza ko bayanduye" - ku rutonde rw’abanduye.

Ibi bivuze nk’abagaragaza ibimenyetso, n’abacishijwe mu cyuma bakagaragaza nk’igihaha cyanduye, aho gushingira gusa ku buryo busanzwe bwo gupima ’nucleic acid’.

Mu bantu 242 bashya bamaze kwicwa na coronavirus i Wuhan, 135 ni abatahuwe hifashishishijwe ubwo buryo bushya bwo kuyipima.

Ibyo bivuze ko, na mbere y’ubwo buryo bushya, umubare w’abapfuye i Hubei ejo ku wa gatatu wari abantu 107 - umubare munini wa mbere mushya muri iyo ntara.

Mu bantu 14,840 bashya basanganywe coronavirus muri iyo ntara ku munsi w’ejo, 13,332 batahuwe hifashishijwe ubwo buryo bushya bwo kuyipima.

Muri rusange, ubu iyo ntara irabarirwamo abantu 48,206 bayanduye bose hamwe.

OMS ibivugaho iki?

Ishami ry’umuryango w’abibumbye ryita ku buzima (OMS/WHO) rivuga ko "hakiri kare cyane" byo guteganya igihe iki cyorezo cyazarangirira.

Tedros Ghebreyesus, umukuru wa OMS, yavuze ko "iyi ndwara iracyashobora kwerekeza aho ari ho hose".

Ku wa kabiri, Zhong Nanshan, impuguke mu kurwanya indwara wo mu Bushinwa, yavuze ko iyi virusi yitezwe kugera ku kigero cyo hejuru cyane mu Bushinwa muri uku kwezi mbere yuko itangira kugabanuka.

Naho Soumya Swaminathan, ukuriye iby’ubuhanga bwa siyansi muri OMS, we yabwiye abanyamakuru ko hari inkingo enye zishoboka ziri guterwa inkunga ziri ku rwego rw’intangiriro.

Madamu Swaminathan yagize ati: "Ndatekereza ko tuzabona urukingo. Bizafata igihe. Urukingo ntirushobora gukorwa mu munsi umwe".

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Abayanduye Coronavirus ubu barenze miliyoni ku isi yose

Abantu banduye coronavirus ku isi ubu bamaze kurenga miliyoni imwe nk’uko...
3 April 2020 Yasuwe: 210 0

Burundi: Habonetse umuntu wa 3 urwaye Coronavirus

Minisitiri w’ubuzima mu Burundi yatangaje ko uyu munsi babonye umuntu...
2 April 2020 Yasuwe: 1674 0

Kayumba Nyamwasa uyobora RNC aravugwaho kwandura Coronavirus

Ku mbuga nkoranyambaga zitandukanye hiriwe itangazo rivuga ko umuyobozi...
2 April 2020 Yasuwe: 7811 0

Kenya ikomeje kwibasirwa cyane na Coronavirus aho imaze kugira abarwayi...

Igihugu cya Kenya gikomeje kwibasirwa cyane na Coronavirus kuko uyu munsi...
2 April 2020 Yasuwe: 1336 0

Abanyamerika bapfuye bishwe na Coronavirus bageze ku 5.000 nyuma y’abapfuye...

Leta Zunze Ubumwe z’Amerika hamaze gupfa abantu 5.110 muri 215, 300 banduye...
2 April 2020 Yasuwe: 2429 0

Covid-19:Umukecuru w’imyaka 90 yerekanye ubwitange butagereranywa mbere yo...

Suzanne Hoylaerts yapfuye nyuma yiminsi ibiri yinjiye mu kigo nderabuzima...
2 April 2020 Yasuwe: 5990 0