Kigali

#Covid-19:Umuyobozi mukuru w’Ubudage Angela Merkel ari mu kato nyuma yo gutangaza ingamba nshya Guverinoma yafashe

Amakuru   Yanditswe na: Martin Munezero 23 March 2020 Yasuwe: 1333

Mu gihe Angela Merkel aherutse gutangaza ingamba nshya, zikaze zafashwe na guverinoma y’Ubudage n’uturere mu kurwanya icyorezo cya coronavirus, iki gihugu nacyo cyamenye ko umuyobozi mukuru ubu ari mu kato.



Ubudage ni kimwe mu bihugu by’Uburayi byibasiwe cyane n’icyorezo cya coronavirus, gifite abantu 24,806 n’impfu 92, nk’uko ikigo cya Robert Koch gishinzwe gukurikirana indwara z’ibyorezo kibitangaza.

Nyuma y’ikiganiro n’abanyamakuru cyatanzwe na Chancellor Angela Merkel cyo gutangaza ko bibujijwe guteranya abantu barenga babiri mu mwanya rusange, umuvugizi we, Steffen Seibert yavuze ko uyu muyobozi mukuru w’Ubudage yashyizwe mu kato nyuma y’uko amenye ko umuganga uheruka kumuha urukingo rw’umusonga yanduye icyorezo cya Coronavirus.

Ubwo Merkel yatangaga amabwiriza yo gukumira Coronavirus, yavuze ko Abadage batemerewe guhagarara mu matsinda y’abantu barenze babiri; aya mabwiriza akaba agomba kumara ibyumweru bibiri. Abadage kandi basabwe gusiga intera hagati yabo ya metero n’igice hagati y’umuntu n’undi. Merkel abisobanura yagize ati:



” Ndabashimira. Ndabizi ko bisobanuye ukwitanga, binyuze ku muntu ku giti cye ndetse no mu buryo bw’ubukungu.”

Chancellor Angela Merkel yakomeje agira ati:“Nakozwe ku mutima cyane kuba mwubaha cyane amategeko yo kwirinda mu bufatanye ndetse n’abasaza cyangwa abandi bantu bagaragaye ko bashobora kwandura. Ibi bidufasha kurokora ubuzima. “
Yategetse kandi ko za resitora zajya zitanga take away (gutanga ibyo kurya abakiliya nakabijyana) gusa, mu gihe inzu zikorerwamo masaje, n’izo bashushanyirizamo tatuwaje zategetswe kuba zifunze imiryango burundu.

Ku wa Gatanu w’iki cyumweru gishize ni bwo Angela Merkel yari yahawe ruriya rukingo nk’uko Steffen Seibert yabisobanuye mu itangazo yasohoye, yongeraho ko agiye kujya akorera mu rugo iwe mu gihe hagitegerejwe ko asuzumwa ngo harebwe ko yanduye kiriya cyorezo.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kenya: Umubare w’abarwaye Covid 19 wiyongereye cyane bituma irusha u Rwanda...

Minisitiri w’Ubuzima muri Kenya,Mutahi Kagwe,yatangaje ko habonetse abantu...
1 April 2020 Yasuwe: 2395 0

Uburusiya bwatangiye gufasha USA imerewe nabi na Coronavirus

Perezida Vladmir Putin w’uburusiya yakoze igikorwa cy’ubumuntu yoherereza...
1 April 2020 Yasuwe: 2328 0

UNICEF yemeje ko DR Congo ihanganye n’indwara eshanu icyarimwe

Ishami ry’umuryango w’abibumbye ryita ku bana (UNICEF) rivuga ko urwego...
1 April 2020 Yasuwe: 1975 0

Diouf wabaye Perezida wa Marseille yahitanwe na Coronavirus

Umunya Senegal Pape Diouf wayoboye Olympique de Marseille hagati ya 2005...
1 April 2020 Yasuwe: 1151 0

Abarwaye Coronavirus mu Rwanda babaye 75…Habonetse 5 kuri uyu wa...

Minisiteri y’Ubuzima yamaze gutangaza ko kuri uyu wa Kabiri tariki ya 31...
31 March 2020 Yasuwe: 2127 0

Burundi: Habonetse abarwayi babiri ba Coronavirus ku nshuro ya...

Mu gihugu cy’u Burundi,hagaragaye abarwayi ba mbere babiri ba Coronavirus...
31 March 2020 Yasuwe: 4181 0