skol
fortebet

Ibigo byose byavurirwagamo abarwayi ba Coronavirus muri Tanzania bigiye gufungwa

Yanditswe: Tuesday 07, Jul 2020

featured-image

Sponsored Ad

skol

Tanzania igiye gufunga ibigo by’akato bivurirwamo abarwayi ba coronavirus kuko abategetsi bavuga ko umubare wabo ukomeje kugabanuka mu gihugu.

Sponsored Ad

Ku wa gatanu, Minisitiri w’ubuzima Ummy Mwalimu yavuze ko ubu mu gihugu hari ibigo 11 gusa bigikora, mu bigo 85 byose hamwe byari byashyiriweho gushyira mu kato abarwayi ba Covid-19.

Minisitiri Mwalimu yagize ati: “Turashima Imana ko coronavirus iri kugana ku musozo muri Tanzania”.

Yongeyeho ko abantu badakwiye kwirara kuko bishoboka ko habaho ubwandu bwa kabiri mu gihugu.

Madamu Mwalimu yavuze ko abaturage ubu bashobora gukomeza kugana ibyo bigo kwivuza indwara zisanzwe kuko bitazongera gukoreshwa nk’iby’akato ku barwayi ba Covid-19.

Kuri ubu ikigero cy’ubwandu, umubare w’abarwayi n’impfu zitewe na coronavirus byose ntibizwi uko bihagaze muri Tanzania kuko leta idatangaza iyo mibare mu buryo buhoraho.

Imibare iheruka gutangazwa na leta ni iyo mu kwezi gushize kwa gatandatu.

Icyo gihe Minisitiri w’intebe Kassim Majaliwa yabwiye inteko ishingamategeko ko mu gihugu hari abantu 66 gusa barwaye coronavirus.

Muri iki gihe, amashuri yose, za kaminuza n’inzego zimwe nk’urwego rwo gutwara abagenzi mu ndege ndetse n’urw’ubukerarugendo, byongeye gufungurwa.

Imikino nayo yarasubukuwe, hafatwa ingamba nko guhana intera, hanashyirwaho uburyo bwo gukaraba intoki mu kwirinda ikwirakwira ry’ubwandu bwa coronavirus.

Uko Tanzania yitwaye mu guhangana n’iki cyorezo cya coronavirus ntibivugwaho rumwe.

Aho gushyiraho ingamba zikaze za “guma mu rugo” (lockdown) – zifashishijwe na benshi mu baturanyi b’iki gihugu – leta ya Tanzania yahisemo gushyira imbere gusigasira ubukungu hafatwa ingamba zirimo kudohora.

Ariko, abanenga leta ya Tanzania bavuga ko izo ngamba zirimo koroshya mu buryo bukabije urebye ubukana bw’iki cyorezo, bakanashinja leta gukorera mu bwiru (mu ibanga).

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa