Kigali

Inzige nyinshi zirunze ku ndege ya Ethiopian Airlines abapilote barahuma bayigusha igitaraganya

Amakuru   Yanditswe na: Dusingizimana Remy 14 January 2020 Yasuwe: 5041

Inzige [locust] nyinshi cyane zateye mu gihugu cya Ethiopia zatumye indege y’ubucuruzi ya Kompanyi Ethiopian Airlines ireka inzira yayo ubwo yari igeze muri Ethiopia igwa igitaraganya ku kibuga itateganyije nk’uko abashinzwe indege babivuga.



Abapilote biteguraga kugusha iyi ndege ya Ethiopian Airlines ku kibuga cy’indege cya Dire Dawa muri Ethiopia ubwo yari ivuye muri Djibouti kuwa kane bahuye n’inzige nyinshi cyane zirunda kuri moteri no ku kizuru cy’indege bituma bananirwa kureba birangira bahisemo guhagarara igitaraganya ku kindi kibuga.

Abapilote bavuze ko bakoze ibishoboka ngo bahanagure ikizuru cy’indege bakoresheje uburyo bwabugenewe birananirana bituma bafata uyu mwanzuro.

Nyuma y’iminota 30 iyi ndege yaguye ku kibuga cy’indege cya Addis Ababa aho itari yateganyije kugwa.

Muri iki gihe aka gace k’uburasirazuba bwa Afurika kugarijwe n’icyorezo cy’inzige kitabayeho kuva mu myaka 25 ishize, zimaze kwangiza ibihingwa byinshi.

Ikivunge cy’izi nzige gishobora kuva kuri kilometero kare imwe kugera ku magana.Kilometero kare imwe y’inzige ishobora kubamo izisaga miliyoni 40 nk’uko bivugwa na FAO.

Ikinyamakuru Aeronews Global cyerekanye ifoto y’ikizuru cy’iriya ndege cyapfiriyeho inzige nyinshi.


Inzige nyinshi zikomeje kwangiza imyaka myinshi mu bihugu birimo Ethiopia

Inkuru ya BBC

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Amerika igiye gufatira ibyemezo abagore batwite bajyaga kuhabyarira...

Abagore batwite bo hirya no hino ku isi bakundaga kwerekeza mu gihugu cya...
23 January 2020 Yasuwe: 2511 0

Inzige nyinshi zirunze ku ndege ya Ethiopian Airlines abapilote barahuma...

Inzige [locust] nyinshi cyane zateye mu gihugu cya Ethiopia zatumye indege...
14 January 2020 Yasuwe: 5041 0

Papa Benedict XVI yanenze mugenzi we Papa Francis wamusimbuye kubera...

Papa Benedict XVI wacyuye igihe yatangaje ko adashyigikiye ibyo koroshya...
13 January 2020 Yasuwe: 2854 1

Abanya Nigeria bibasiye Perezida wabo Buhari wamereye umukobwa we gukoresha...

Benshi mu baturage bo muri Nigeria banenze perezida wabo Muhammadu Buhari...
13 January 2020 Yasuwe: 3735 0

Iran yashyize yemera ko yarashe itabishaka indege ya Ukraine yaguyemo...

Igisirikare cya Irani cyemeje ko cyarashe "kitabishaka" ya ndege ya Ukraine...
11 January 2020 Yasuwe: 2480 0

Iran yavuze ko itarashe indege itwara abagenzi ya Ukraine

Abayobozi bo mu burengerazuba bw’isi baravuga ko hari ibimenyetso bigaragaza...
10 January 2020 Yasuwe: 1436 0