Kigali

Iran: Minisitiri wungirije w’ubuzima n’umudepite babasanzemo Coronavirus

Amakuru   Yanditswe na: Dusingizimana Remy 26 February 2020 Yasuwe: 1134

Minisitiri wungirije w’ubuzima wa Iran ndetse n’umudepite bombi basanzwemo ubu bwoko bushya bwa coronavirus, mu gihe iki gihugu imaze kwicamo abantu 15 gikomeje kugorwa no kuyihagarika.



Iki gihugu ni kimwe mu hantu hatatu hugarijwe cyane na coronavirus hanze y’Ubushinwa, ibintu biri gutera impungenge ko iyi virusi ishobora kuba iri guhinduka icyorezo.

Uwo Minisitiri wungirije w’ubuzima, Iraj Harirchi, ku wa mbere yahakanye ko hari ibikorwa byo guhishira amakuru ajyanye na coronavirus mu gihugu.

Yagaragaye nk’utameze neza ku mubiri ubwo yaganiraga n’abanyamakuru, akorora ndetse agaragara abira icyuya.



Iran imaze gutangaza abantu 95 banduye coronavirus, ariko umubare w’ukuri w’abamaze kuyandura byibazwa ko ushobora kuba ari munini kurushaho.

Umukuru w’ishami ry’umuryango w’abibumbye ryita ku buzima (OMS/WHO) yavuze ko uko kwiyongera kw’ako kanya kw’abanduye coronavirus hanze y’Ubushinwa "guteye impungenge zikomeye".

Ejo ku wa kabiri, Mike Pompeo, umunyamabanga wa leta y’Amerika, yavuze ko Amerika itewe impungenge nuko Iran ishobora kuba yarahishiriye "amakuru y’ingenzi" ajyanye na coronavirus ndetse ashishikariza ibihugu byose "kuvugisha ukuri kuri coronavirus".



Abantu benshi kurushaho bamaze kwicwa na coronavirus muri Iran kurusha ahandi hantu aho ari ho hose hanze y’Ubushinwa. Ibi bihugu byombi bifitanye umubano ukomeye ushingiye ku bucuruzi.

Ibindi bihugu ubu biri kuvugwaho cyane kubera coronavirus ni Koreya y’Epfo n’Ubutaliyani, aho umubare w’abayanduye wiyongereye cyane mu minsi micye ishize.

Ku isi abantu barenga 80,000 bamaze kwandura indwara yo mu myanya y’ubuhumekero izwi nka Covid-19 iterwa n’ubu bwoko bushya bwa coronavirus kuva yakwaduka mu mwaka ushize.

Abantu bagera hafi ku 2,700 imaze kubahitana,benshi muri bo bakaba ari abo mu Bushinwa.

Ariko uko ibintu bimeze ubu muri Iran byateje impungenge zikomeye zuko coronavirus ishobora kuba igiye kwibasira akarere k’uburasirazuba bwo hagati.

Muri icyo gihugu hari ahantu hafatwa nk’ahatagatifu hahurira abantu babarirwa muri za miliyoni buri mwaka kandi hakaba ari mu karere aho ibihugu byinshi bifite inzego z’ubuzima zifite intege nke.

Mu hantu hugarijwe cyane muri iki gihe ho hanze y’Ubushinwa, Iran ni yo ihangayicyishije cyane kuko nta shusho yuzuye y’ukuri y’uko ibintu bimeze muri icyo gihugu ihari, nkuko bivugwa na Dr Nathalie MacDermott, impuguke mu ndwara zandura wo kuri Kaminuza ya King’s College London mu Bwongereza.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Abantu 919 mu Butaliyani bapfuye bishwe na Coronavirus mu masaha 24...

Kuri uyu wa Gatanu taliki ya 27 Werurwe 2020, Minisiteri y’Ubuzima mu...
28 March 2020 Yasuwe: 2643 0

Burundi: Ibitaro bya KIRA byatangaje ko bimaze ibyumweru 3 byakira abarwayi...

Mu gihe Uburundi bwemeza ko nta murwayi n’umwe wa Covid-19 bafite,ibitaro...
27 March 2020 Yasuwe: 4451 0

Minisitiri w’Intebe w’Ubwongereza Boris Johnson yanduye Coronavirus

Ibiro bya minisitiri w’intebe w’Ubwongereza byatangaje ko Boris Johnson...
27 March 2020 Yasuwe: 1461 0

Uganda yabonye abandi bantu bane bashya banduye Covid-19 ku butaka...

Perezida Yoweri Museveni wa Uganda yatangaje ko habonetse abandi bantu bane...
27 March 2020 Yasuwe: 1499 0

Coronavirus perezida Trump yitaga virusi y’abashinwa yigaruriye igihugu cye...

Leta zunze ubumwe za Amerika ubu nicyo gihugu gifite umubare munini...
27 March 2020 Yasuwe: 2525 0

Kenya: Umuntu wa mbere yahitanywe n’icyorezo cya COVID 19

Kuri uyu wa Kane Tariki ya 26 Werurwe 2020,Leta ya Kenya yatangaje ko...
26 March 2020 Yasuwe: 1836 0