skol
Kigali
startimes

Kenya:Coronavirus yageze mu biro bya Perezida Kenyatta

Amakuru   Yanditswe na: Dusingizimana Remy 15 June 2020 Yasuwe: 1945

Ibiro bikaba n’urugo rw’umukuru w’igihugu muri Kenya (state house) byatangaje ko abakozi bane(4) baho babasanzemo coronavirus.


Itangazo ryasohowe n’umuvugizi wa ‘state house’ ya Kenya,Kanze Dena , rivuga ko abakozi bayo bose ndetse na Perezida n’abo mu muryango we bapimwa Covid-19 mu buryo buhoraho.

Bivuga ko mu bipimo byafashwe kuwa kane w’icyumweru gishize basanze abakozi bane bafite iki cyorezo gusa Perezida Kenyatta n’umuryango we ngo bameze neza.

Kanze Dena yavuze ko aba bantu 4 babonetse nyuma yo gupima muri rusange abantu bakora muri Perezidansi ya Kenya kuwa 11 Kamena 2020.

Perezida Uhuru Kenyatta n’abagize umuryango we barapimwe basanga nta n’umwe urwaye Coronavirus.

Aba bajyanywe kuvurirwa mu bitaro bya Kenyatta University Teaching, Referral and Research Hospital biri ahitwa i Kiambu ndetse n’imiryango yabo n’abandi bantu bahuye nabo barashakishwa nk’uko iri tangazo ribivuga.

Ibiro n’urugo by’umukuru w’igihugu muri Kenya byasabye abanya Kenya gukomeza kwirinda Coronavirus bubahiriza amabwiriza yo kwirinda Covid-19.

Mu minsi ishize,Perezida Kenyatta yavuze ko yifuzaga gufungura ibikorwa by’ubukungu ariko ngo abahanga bamubwiye ko ubuzima bwa benshi buzahazaharira.

Ati "Nifuzaga gufungura inzego z’ubukungu ariko abahanga mu buzima bambwira ko hari byinshi bikwiriye gutunganywa mbere yo gukuraho amabwiriza."

Perezida Kenyatta yabwiwe ko nahagaritse Guma mu rugo abantu barenga miliyoni bazandura Covid-19 hanyuma abarenga ibihumbi 70 ikabahitana muri uyu mwaka gusa.

Muri Kenya , munsi kuwa mbere minisiteri y’ubuzima yatangaje abantu 133 bashya banduye coronavirus, ivuga ko mu gihugu hose hamaze gufatwa ibipimo 118,701 abayanduye bose ni 3,727 abo imaze kwica ni 104.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inkangu yarengeye ikigo cya gisirikare muri Vietnam benshi bahasiga...

Muri Vietnam harimo gushakishwa abasirikare 11 bari mu bari mu kigo cyabo...
19 October 2020 Yasuwe: 1366 0

Melania Trump yavuze ko umuhungu wabo Barron yari afite Coronavirus

Barron, umuhungu w’imyaka 14 wa Perezida Donald Trump w’Amerika, yanduye...
15 October 2020 Yasuwe: 1178 0

Umupfumu yafashe ku ngufu umwana w’imyaka 14 yari agiye kuvura akubitwa...

Umupfumu witwa P Shivaprasad wari umaze amezi 3 afata ku ngufu umwana...
14 October 2020 Yasuwe: 3974 0

Thailand: Gari ya Moshi yagwiriye bisi yari iparitse abantu 20 bahita...

Gari ya moshi yo mu gihugu cya Thailand yakoze impanuka igwira Bisi...
11 October 2020 Yasuwe: 1451 0

Burundi: Ikamyo yari yuzuyemo abantu bari bavuye mu bukwe yaguye mu mugezi...

Abantu 13 n’umwana mutoya baraye bahitanywe n’impanuka y’imodoka ku kiraro cya...
11 October 2020 Yasuwe: 9246 1

Indege 2 zagonganiye mu kirere abantu 05 bahita bahasiga ubuzima

Indege ebyiri ntoya zagonganiye mu kirere mu burengerazuba bw’Ubufaransa,...
11 October 2020 Yasuwe: 4036 0