skol
fortebet

Kenya: Imibereho mibi yatumye abari barashyizwe mu kato bakekwaho Covid-19 bashaka gusohoka ku ngufu

Yanditswe: Thursday 16, Apr 2020

Sponsored Ad

Abanyakenya babarirwa muri mirongo bari bamaze iminsi barashyizwe mu kigo cyateguriwe abakekwaho ko banduye coronavirus i Nairobi ejo kuwa Gatatu bagerageje gusohoka ku ngufu, bavuga ko babayeho nabi cyane.

Sponsored Ad

Minisitiri w’Ubuzima muri Kenya avuga ko abantu 225 mu gihugu cyose bamaze kwandura iki cyorezo kandi ko abantu bose binjiye mu gihugu imipaka itarafungwa bashyizwe mu kato mu rwego rwo guhagarika ikwirakwira ryayo.

Hagati aho, abenshi muri bo babwiye BBC ko babayeho mu gahinda katagira ingano kubera ingamba leta iherutse gufata yo kongera igihe cyo kuguma muri icyo kigo.
Bashinja leta ko yabashyize muri kasho, aho n’ibibatunga bidakwiriye.

Simon Mugambi usanzwe ari mu kigo kiri ku bitaro by’ishuri rya kaminuza y’ubuganga ya Kenyatta University yabwiye abanyamakuru ati:

"Kuva ubu ntidukeneye gusubira muri icyo kigo. Icya mbere nuko tutagishoboye kwiyishyurira, icya kabiri kubera ko bitumvikana igituma dukomeza kuba muri iki kigo".

"Ikibazo ni’ko bakomeza kudufunga kandi mu ncuro 2 zose ibipimo byerekanye ko nta virusi twanduye. Leta ikomeza kuvuga ko ari twebwe tugomba kwirihira kandi nta bushobozi dusigaranye".

Uvugira abo bantu wamenyekanye kw’izina rya Tanui, yongeyeho ati:

"Twakurikije neza ingamba za leta zo kuguma mu kato mu gihe cy’iminsi 14, uyu munsi tugeze ku munsi wa 23 tuba muri iki kigo.

"Tumaze gupimwa incuro ebyiri bikagaragara ko tutanduye, turifuza kurekurwa tukajya mu miryango yacu. Ntituzi ikintu leta idushakaho n’igituma dutegekwa gukomeza gufungirwa hano".

Minisitiri w’ubuzima, Dr. Evanson Kimuri, arahakana ibiregwa leta ko ibafata nabi muri icyo kigo.

Ati: "Bari kwifata nabi cyane n’imbere y’abakozi.Hari bamwe mu bakozi banjye bambwiye ko bakubiswe.

"Icyo navuga n’uko abakozi bakorera hariya bemeye gutanga ubuzima bwabo, icyo mwakora nk’Abanya Kenya n’uko mwabashyigikira gusa, mukabubaha mu kazi kabo".

Abapolisi bo mu gice gishinzwe kurwanya imyigaragambyo boherejwe kuri icyo kigo nibo bashoboye kwinjiza abo bantu.

Inkuru ya BBC

Leave a Reply

Your email address will not be published. Required fields are marked *

Who are you?

Amategeko n'amabwiriza birkurikizwa