startimes
Kigali
startimes

Leta y’Ubufaransa yemeye kongerera abaganga umushahara kubera uko bitwaye mu bihe bya Coronavirus

Amakuru   Yanditswe na: Dusingizimana Remy 14 July 2020 Yasuwe: 573

Leta y’Ubufaransa yemeye gutanga miliyari 8 z’ama-euro yo kongerera imishahara abaganga, ibashimira ku ruhare bagira mu kurwanya icyorezo cya coronavirus.


Sponsored Ad


Ayo masezerano akubiyemo iyo nyongera ku mushahara yashyizweho umukono ejo ku wa mbere hagati ya leta n’amashyirahamwe y’abakozi.

Hari hashize ibyumweru birindwi harabuze ubwumvikane mu biganiro byahuzaga impande zombi.

Muri iki gihe cy’icyorezo cya Covid-19, abaganga bagiye bahabwa icyubahiro bafatwa nk’intwari, hakunze kugaragara ibyapa mu ruhame byo kubashimira.

Ariko bashakaga ikirenze ku bashimira mu magambo gusa, bakaba bari bamaze igihe mu myigaragambyo basaba kongererwa imishahara ndetse ko n’ibitaro byarushaho guterwa inkunga.

Bamwe mu bigaragambya baciwe amande kubera kurenga mu mategeko yo guhana intera hagati y’umuntu n’undi, mu kwirinda ubwandu bwa coronavirus.

Ubufaransa ni kimwe mu bihugu byashegeshwe bikomeye na coronavirus ku mugabane w’Uburayi.

Kuva iki cyorezo cyatangira, mu Bufaransa hamaze kwandura abarenga 200,000, muri bo abarenga 30,000 imaze kubica nkuko imibare ya Kaminuza ya Johns Hopkins ibigaragaza.

Ayo masezerano ateye ate?

Ubu leta yagiranye amasezerano n’abaganga azatuma muri rusange umushahara wa buri muganga wiyongeraho ama-euro 183 (arenga 183,000 mu mafaranga y’u Rwanda) ku kwezi.

Ayo masezerano yashyizweho umukono na menshi mu mashyirahamwe ahagarariye abaganga.

Minisitiri w’intebe Jean Castex yavuze ko ayo masezerano "yanditse amateka mu rwego rwacu rw’ubuvuzi".

Mu muhango wo kuyashyiraho umukono, yagize ati:

"Iri ni ishimwe rya mbere muri yose ku bamaze igihe mu b’imbere mu rugamba rwo kurwanya iki cyorezo".

"Ni n’uburyo bwo kuvamo umwenda kuko buri wese - wenda nanjye ndimo - abifitemo uruhare".

Leta y’Ubufaransa yari imaze igihe mu biganiro n’amashyirahamwe y’abaganga baganira ku kubongerera umushahara.

Nyinshi muri iyo nyongera ku mushahara ireba imishahara y’abaforomo, abakora mu bikorwa byo kwita ku barwayi n’abandi bakozi bo kwa muganga batavura.

Amwe kuri iyo nyongera ku mushahara - arenga gato miliyoni 450 z’ama-euro - yagenewe gusa abaganga bakora mu bitaro bya leta.

Uko kongera umushahara w’abaganga kwabaye ejo, mbere y’uyu munsi wa tariki ya 14 y’ukwa karindwi w’ikiruhuko wibukwaho impinduramatwara mu Bufaransa.

Uyu munsi harashimwa uruhare rw’abaganga mu kurwanya icyorezo cya coronavirus.

Hateganyijwe no kuba ibindi birori biciriritse - bitandukanye n’uko ubundi byajyaga bigenda - kuri uyu munsi, kubera ko hagikurikizwa ingamba zo kwirinda Covid-19.

Mu murwa mukuru Paris, mu gace kitwa Place de la Concorde, hateganyijwe akarasisi. Abaganga n’abandi bakora kwa muganga bose hamwe barenga 1,400 baritabira kureba ako karasisi nk’abashyitsi b’imena.

BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Indege ya kompanyi Air India yakoze impanuka bamwe mu bari bayirimo...

Indege itwara abagenzi ya Kompanyi Air India yari irimo abantu 191 yakoreye...
7 August 2020 Yasuwe: 1454 0

Michelle Obama avuga ko afite ’agahinda gakabije k’icyiciro cyo hasi’ yatewe...

Umugore wa Barack Obama wahoze ari perezida wa Amerika, Michelle Obama,...
6 August 2020 Yasuwe: 1331 0

Perezida Magufuli yakiriye ikigori cyokeje yahawe n’umuturage ubwo yari mu...

Nyuma yo guhabwa inkoko n’umuturage akayakira,Perezida Magufuli yahawe...
5 August 2020 Yasuwe: 3763 0

Libani: Hamenyekanye icyateye guturika kwahitanye abarenga 100

Igihugu cya Libani kiri mu cyunamo nyuma y’aho abantu bakabakaba 100 bamaze...
5 August 2020 Yasuwe: 5138 0

Libani: Abantu barenga 30 bapfiriye mu guturika gukomeye kwabereye mu mujyi...

Minisitiri w’Ubuzima wa Libani Hamad Hassan aratangaza ko abantu barenga 30...
4 August 2020 Yasuwe: 1669 0

Barack Obama yatutswe cyane n’umuvandimwe we wamushinje “kwiyemera”

Uwahoze ari perezida wa Amerika,Barack Obama yiswe “umwiyemezi” kabuhariwe...
3 August 2020 Yasuwe: 4483 0