addresiya
Kigali
startimes

Perezida Buhari yakiriye wa muti wa Madagascar bivugwa ko uvura Covid-19 ariko ntawizeye

Amakuru   Yanditswe na: Dusingizimana Remy 17 May 2020 Yasuwe: 933


Perezida wa Nigeria Muhammadu Buhari yakiriye kuri wa muti Covid-Organics wo muri Madagascar abategetsi b’iki gihugu bavuga ko uvura coronavirus ariko aracyawushidikanyaho ariyo mpamvu yavuze ko bazabanza kuwusuzuma.

Perezida Buhari yakiriye umuti mucye wo kugerageza, yawuzaniwe na Perezida Umaro Sissoco Embaló wa Guinea Bissau, kimwe mu bihugu byawusabye Madagascar ngo kiwifashishe mu kuvura.

Perezida Buhari ariko avuga ko uyu muti batagiye guhita bawukoresha muri iki gihugu gituwe cyane kurusha ibindi muri Afurika.

Yatangaje ko "azabanza akumva ibivugwa n’abashinzwe igenzura ry’imiti mbere yo kwemera ko hari umuti mushya cyangwa uwa gakondo ukoreshwa" nk’uko umunyamakuru wa BBC muri Nigeria abivuga.

Muri Nigeria, abantu leta ivuga ko abantu 5,450 bamaze kwandura coronavirus muri bo 171 yarabishe naho1,320 barayikize.

Uyu muti, ukorerwa muri Madagascar mu cyatsi kitwa Artemisia kivangwa n’ibindi bimera byaho, umaze gutumizwa n’ibindi bihugu birimo Niger, Tanzania na Liberia.

Ishami ry’umuryango w’abibumbye ryita ku buzima OMS/WHO ntiriremeza ko uyu muti uvura Covid-19.

Gusa OMS ivuga ko iri gukorana na leta ya Madagascar mu gusuzuma neza niba koko uyu muti uvura iki cyorezo.

Perezida Umaro Embaló washyiriye umuti mugenzi we Buhari, yatsinze amatora mu kwa 12 umwaka ushize wa 2019 muri Guinea Bissau, yabanje kwangwa n’abagize inteko ishinga amategeko ariko mu kwezi kwa kabiri uyu mwaka ashyikirizwa ubutegetsi.

Kuwa 08 Gicurasi 2020,Tanzania yakiriye amapaki y’uyu muti ukoze mu byatsi wo muri Madagascar Perezida w’icyo gihugu Andry Rajoelina avuga ko uvura coronavirus.

Uwo muti gakondo - uzwi nka Covid-Organics cyangwa CVO mu mpine - ukozwe mu byatsi birimo n’ibyo mu bwoko bw’inyabarasanya n’ibindi byo muri Madagascar.

Minisiteri y’ububanyi n’amahanga ya Tanzania yatangaje ku rubuga rwa Instagram amafoto y’iryo hererekanya ry’uwo muti.

Ifoto imwe yagaragaje minisitiri wo muri Madagascar ahereza ipaki y’umuti mugenzi we w’ububanyi n’amahanga wa Tanzania, Palamagamba Kabudi, mu gihe indi yabagaragaje bombi bawusomaho.

Ishami ry’umuryango w’abibumbye ryita ku buzima (OMS/WHO) ryamaganye ibivugwa na Madagascar ko uwo muti yakoze ushobora kuvura abarwayi ba Covid-19, indwara y’ubuhumekero iterwa n’ubu bwoko bushya bwa coronavirus.

Ibindi bihugu birimo nka Repubulika ya Demokarasi ya Kongo, Guinea-Bissau, Equatorial Guinea na Liberia nabyo byifuje umuti wa Covid-Organics.

Kuwa 03 Gicurasi 2020,nibwo Perezida John Magufuli wa Tanzania yavuze ko ari guteganya kohereza indege muri Madagascar gufatayo umuti wo mu byatsi Perezida wa Madagascar aherutse kuvuga ko "urinda ukanavura" coronavirus.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Trump yahagaritse imikoranire ya Amerika na OMS ashinja kuba igikoresho...

Perezida Donald Trump wa Leta Zunze Ubumwe z’Amerika yatangaje ko...
30 May 2020 Yasuwe: 602 0

Burundi: Havuzwe impamvu itari Coronavirus yajyanye Denise Nkurunziza muri...

Umwe mu bakora mu biro bya perezida Nkurunziza uyobora u Burundi...
29 May 2020 Yasuwe: 5701 2

Ipusi yavutse ifite amasura 2 yapfuye nyuma y’iminsi 4 irwana intambara...

Biscuits na Gravy, igikundiro cy’ijangwe yavutse ifite amasura abiri,...
29 May 2020 Yasuwe: 2801 0

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 2989 0

US: Umwirabura washinzwe ivi ku ijosi n’umupolisi w’umuzungu bikamuviramo...

Abapolisi bane bo muri leta ya Minnesota muri Amerika birukanywe nyuma...
27 May 2020 Yasuwe: 3268 1

Kenya: Barashaka abantu 400 bo kugeragerezaho urukingo rwa Coronavirus

Abashakashatsi muri Kenya barashaka abantu 400 bafite ubushake bo gufasha...
27 May 2020 Yasuwe: 341 0