Kigali

Perezida Tshisekedi yahishuye icyihishe inyuma y’urupfu rw’uwari ukuriye ubutasi bw’igisirikare cya RDC

Amakuru   Yanditswe na: Dusingizimana Remy 9 March 2020 Yasuwe: 4142

Perezida Félix Tshisekedi wa Repubulika ya Demokarasi ya Kongo yavuze ko iperereza ku rupfu rw’uwari ukuriye ubutasi bwa gisirikare muri icyo gihugu ryasanze yarapfuye yimanitse mu kagozi.



Iryo perereza ariko ntirivuga niba Jenerali Delphin Kahimbi yariyahuye ubwe.

Ku itariki ya 28 y’ukwezi gushize kwa kabiri, Jenerali Kahimbi yasanzwe yapfuye ari mu nzu iwe ku murwa mukuru Kinshasa.

Umugore we Brenda Kahimbi yavuze ko yishwe n’indwara y’umutima.



Urupfu rwa Jenerali Kahimbi rwabaye habura umunsi ngo yitabe inama nkuru ya gisirikare muri Kongo ngo yisobanure ku birego byuko yarimo acura umugambi wo guhungabanya umutekano w’igihugu.

Hari n’amakuru amwe avuga ko yari yarahagaritswe ku mirimo ye.

Jenerali Kahimbi yari asanzwe yarafatiwe ibihano n’umuryango w’ubumwe bw’Uburayi ku birego byo guhonyora uburenganzira bwa muntu.



Ibyo birego ni ibyo mu gihe yayoboraga ibikorwa bya gisirikare byo kurwanya inyeshyamba mu burasirazuba bw’igihugu mu myaka ya 2000 ndetse no mu gihe yari amaze ayobora ubutasi bwa gisirikare.

Ni iki nyirizina iryo perereza ryagezeho?

Mu nama y’abaminisitiri iba buri cyumweru yabaye ku wa gatanu, Perezida Tshisekedi yavuze ko ubutumwa bwo kubungabunga amahoro muri Congo, MONUSCO, bwari bwamusabye gukora iperereza ryigenga ku rupfu rwa Jenerali Kahimbi, nkuko bitangazwa n’ibiro ntaramakuru Reuters.

Yabwiye abaminisitiri ko ibimenyetso bihari kugeza ubu bigaragaza ko urupfu rwe rwatewe no kwimanika mu kagozi.

Jenerali Kahimbi yari yashyizwe kuri uwo mwanya w’umukuru w’ubutasi bwa gisirikare n’uwahoze ari Perezida Joseph Kabila.

Perezida Tshisekedi wamusimbuye ku mwanya wa perezida yari amaze igihe yotswa igitutu na Leta Zunze Ubumwe z’Amerika ngo akurikirane Jenerali Kahimbi ku birego byo guhonyora uburenganzirwa bwa muntu.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kenya: Umubare w’abarwaye Covid 19 wiyongereye cyane bituma irusha u Rwanda...

Minisitiri w’Ubuzima muri Kenya,Mutahi Kagwe,yatangaje ko habonetse abantu...
1 April 2020 Yasuwe: 1988 0

Uburusiya bwatangiye gufasha USA imerewe nabi na Coronavirus

Perezida Vladmir Putin w’uburusiya yakoze igikorwa cy’ubumuntu yoherereza...
1 April 2020 Yasuwe: 1956 0

UNICEF yemeje ko DR Congo ihanganye n’indwara eshanu icyarimwe

Ishami ry’umuryango w’abibumbye ryita ku bana (UNICEF) rivuga ko urwego...
1 April 2020 Yasuwe: 1881 0

Diouf wabaye Perezida wa Marseille yahitanwe na Coronavirus

Umunya Senegal Pape Diouf wayoboye Olympique de Marseille hagati ya 2005...
1 April 2020 Yasuwe: 1117 0

Abarwaye Coronavirus mu Rwanda babaye 75…Habonetse 5 kuri uyu wa...

Minisiteri y’Ubuzima yamaze gutangaza ko kuri uyu wa Kabiri tariki ya 31...
31 March 2020 Yasuwe: 2117 0

Burundi: Habonetse abarwayi babiri ba Coronavirus ku nshuro ya...

Mu gihugu cy’u Burundi,hagaragaye abarwayi ba mbere babiri ba Coronavirus...
31 March 2020 Yasuwe: 4158 0