addresiya
Kigali
startimes

Russia: Umuriro wishe abarwayi batanu ba Covid-19 bari mu bitaro

Amakuru   Yanditswe na: Dusingizimana Remy 12 May 2020 Yasuwe: 721

Inkongi y’umuriro mu bitaro biri mu mujyi wa St Petersburg mu Burusiya yishe abarwayi batanu ba coronavirus bari mu cyumba cy’indembe mu bitaro.



Ibinyamakuru mu Burusiya bivuga ko iyi nkongi yatewe na ‘circuit’ y’amashanyarazi mu cyuma gifasha abarwayi guhumeka (ventilator).

Uyu muriro wafashe ibi bitaro mu gitondo babashije kuwuzimya, abantu 150 bavanywe aho bari barwariye nk’uko minisiteri y’ubuzima ibitangaza. Ntabwo haramenyekana neza abakomeretse.

Abarwayi bapfuye bose bari ku byuma bya ‘ventilators’ bibafasha guhumeka.

Interfax news ivuga ko umukozi mu ishami ry’indembe muri ibi bitaro yayibwiye ko izi “ventilators ziri gukora birenze ubushobozi bwazo. Ko iyateye inkongi yari yakoze birengeje ikagira ikibazo”.

Uburusiya bwatangiye koroshya ingamba zikomeye bwari bwarafashe mu kwirinda ikwirakwira ry’iki cyorezo, ubwubatsi, ubuhinzi, inganda n’ubucuruzi bumwe na bumwe byongeye gufungurwa.

Uburusiya ubu ni igihugu cya gatatu ku isi gifite umubare munini w’abanduye Covid-19, ejo kuwa mbere hiyongereyeho abashya 11,659 umubare w’abanduye bose ugera ku 221,344.abamaze gupfa basaga ibihumbi 2000.

Abantu barenga miliyoni 4,256,120 ku isi ni bo bamaze kwemezwa ko banduye coronavirus, nkuko imibare ya Kaminuza ya Johns Hopkins yo muri Amerika ibigaragaza.Abo imaze kwica ku isi bamaze kurenga ibihumbi 287,340.

Abamaze gukira ku isi ni 1,527,620 mu gihe muri Afurika abamaze kwandura ari 67,778.Abamaze gupfa bavuye ni 2,355 . Abamaze gukira ni 23,989.

Amerika iracyari igihugu cya mbere yashegeshe kurusha ibindi byose ku isi, ikaba yihariye abarenga kimwe cya kane cy’abamaze kwemezwa ko bayanduye ku isi na kimwe cya gatatu cy’abo imaze kwica ku isi.

Impuguke ziburira ko umubare nyakuri w’abamaze kwandura coronavirus ushobora kuba ari munini cyane kurushaho kubera ko ibihugu byinshi bigifite ubushobozi buri hasi bwo kuyipima, bigatuma bidatanga imibare yuzuye.

Abo coronavirus yica ku munsi bakomeje kugenda bagabanuka mu bihugu bimwe nka Espagne, ariko hari impungenge ko koroshya ingamba za ’guma mu rugo’ bishobora gutuma habaho "kongera kwiyongera" k’ubwandu".

Ikindi cyiyongera kuri ibyo, leta ziri kwitegura ibihe bikomeye by’ihungabana ry’ubukungu mu gihe iki cyorezo kiri gushegesha amasoko yo ku isi ndetse n’uburyo bwo gucuruzanya hagati y’ibihugu.

Umutegetsi mukuru wo muri leta y’Ubushinwa yabwiye ibitangazamakuru byaho ko iki cyorezo ari "ikizamini gikomeye" cyashyize ku karubanda intege nke z’iki gihugu mu rwego rwo guhangana n’ibiza.

Uku kwemera ibitagenda - kudakunze kubaho ku bategetsi b’Ubushinwa - k’umukuru w’akanama k’ubuzima mu Bushinwa, Li Bin, kuje gukurikira ukuntu Ubushinwa bukomeje kunengwa bikomeye mu mahanga bijyanye n’uko bwitwaye iki cyorezo kikihagaragara.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Hashyizwe ahagaragara impamvu nyamukuru yateye urupfu rwa wa mwirabura...

Nyuma y’imyigaragambyo n’uburakari bukabije byatewe n’urupfu rwa George Floyd,...
4 June 2020 Yasuwe: 15585 4

Abamaze guhitanwa na Coronavirus mu Bwongereza bamaze kurenga...

Igihugu cy’u Bwongereza, kimwe mu bihugu byibasiwe cyane n’icyorezo cya...
4 June 2020 Yasuwe: 199 0

Umurundikazi wari uhagarariye OMS muri Guinée équatoriale yirukanwe...

Leta ya Guinée équatoriale yategetse uhagarariye ishami ry’umuryango...
3 June 2020 Yasuwe: 2945 0

Musenyeri yanenze bikomeye Perezida Trump wasuzuguye Kiliziya...

Musenyeri mukuru wa Kiliziya Gatolika i Washington yanenze bikomeye...
3 June 2020 Yasuwe: 1382 0

Sudani y’Epfo: Minisitiri ushinzwe iby’umuryango wa Afurika y’Iburasirazuba...

Abategetsi muri iki gihugu bavuga ko Minisitiri John Luk Jok yapfuye mu...
2 June 2020 Yasuwe: 2774 0

Tanzania yatangaje ko isigaranye abarwayi 4 gusa ba Coronavirus

Minisitiri w’ubuzima wa Tanzania yatangaje ko umubare w’abarwayi ba Covid-19...
2 June 2020 Yasuwe: 1584 0