skol
Kigali
startimes

Tanzania: Abana 10 bapfiriye mu muriro wafashe inzu bararaGAmo ku ishuri ribanza

Amakuru   Yanditswe na: Dusingizimana Remy 14 September 2020 Yasuwe: 3220

Abana 10 bapfiriye mu muriro watwitse inzu bararamo mu gicuku cy’uyu munsi kuwa mbere mu majyaruguru ashyira uburengarazuba bwa Tanzania nk’uko abategetsi babivuga.


Uyu muriro wafashe iyo nzu y’ishuri ribanza ryitwa Byamungu English Medium riri mu karere ka Kyerwa, mu ntara ya Kagera ahagana saa kumi n’igice z’igitondo.

Iyi nzu bararamo yari irimo abana b’abahungu bafite imyaka hagati y’itandatu n’icumi.

Icumi muri bo byemejwe ko bahiye bagapfa, naho barindwi bagakashya bikabije bagatabarwa bagihumeka.

Impamvu yateye iyi nkongi ntiramenyekana, polisi ivuga ko yatangije iperereza.

Rashid Mwaimu ukuriye polisi mu karere ka Kyerwa yabwiye BBC ko imibiri y’aba bana yahiye ku buryo kugira ngo babamenye hazifashishwa ibipimo bya DNA.

Inkongi z’imiriro mu mashuri zikunze kuba muri ako gace aho abategetsi basabwa gukaza ingamba zo kwirinda.

Mu kwezi kwa karindwi uyu mwaka, abanyeshuri batatu bishwe n’umuriro wafashe inzu bararamo ku ishuri ryisumbuye rya kisilamu riri i Dar es Salaam.

Mu mwaka ushize,taliki ya 10 Kanama 2019 nabwo muri Tanzania abantu barenga 70 bahitanywe n’ikamyo itwara lisansi yakoze impanuka yarangiza igafatwa n’inkongi igaturikira ahitwa Msamvu mu ntara ya Morogoro muri Tanzania.

Iyi kamyo yari itwaye ibikomoka kuri petrol yafashwe n’inkongi y’umuriro iraturika,abantu barenga 70 bahasiga ubuzima,abagera kuri 70 barakomereka bikabije.

Benshi mu bapfiriye muri iyi mpanuka bari biiganjemo abamotari bibaga lisansi yamenekaga nyuma y’aho iyi kamyo yari imaze kugwa, ndetse n’abacuruzi b’ibyokurya bacururizaga muri uyu muhanda Dar-Morogoro wari wuzuyemo abagenzi.

Icyo gihe,Umuyobozi wa polisi mu gace ka Morogoro witwa komando Wilbroad Mutafungwa yemeje ko abahise batanywe n’iyi kamyo yahiye bari 60.Iyi kamyo yahiriye kuri metero 200 uvuye muri gare ya Msamvu.

Uwabonye iyi mpanuka iba yavuze ko iyi kamyo yakoze impanuka iragwa abantu benshi bayuzuraho bari kurwanira kuvoma lisansi [Essence] mu gihe abandi barimo bacuruza ibyokurya ku bwinshi.

Umwe mu bantu warimo arwanira iki gitoro,yacanye umuriro ashaka kunywa itabi birangira atwitse abantu benshi bari aho.

Morogoro ni intara iri mu nzira y’amakamyo atwara ibikomoka kuri peteroli hagati mu gihugu no mu bihugu bihana imbibi na Tanzania harimo Malawi, Zambia n’Uburundi.

source: BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

EU irashaka gukaza ibyo kohereza inkingo za Covid-19 mu mahanga kubera...

Umuryango w’ubumwe bw’Uburayi (EU) waburiye ko uzakomeza amategeko yo...
26 January 2021 Yasuwe: 3616 0

Broni yahuye n’uruva gusenya nyuma yo kuva ku rubyiniriro agasambanywa...

Umukobwa wakoraga akazi ko kwicuruza, Ama Broni wari ufite abana 2, yahuye...
22 January 2021 Yasuwe: 6795 0

Perezida wa Seychelles yabimburiye abandi afata urukingo rwa Covid-19...

Ibirwa bya Seychelles byatangiye ibikorwa byo gukingira abaturage babyo...
11 January 2021 Yasuwe: 3419 1

Ubuhindi: Inkongi y’umuriro yadutse mu bitaro yica abana 10 bari bamaze...

Impinja 10 zari zimaze kuvuka zahitanwe n’umuriro wadutse mu bitaro byo mu...
9 January 2021 Yasuwe: 3450 0

Umukobwa wabonye urupfu rwa nyina bari barwariye mu bitaro bimwe Covid-19...

Umugore warebye nyina ari gupfa iruhande rwe aho nawe yari arwariye mu...
6 January 2021 Yasuwe: 7182 0

Seychelles yatangaje umuntu wa mbere wahitanwe na Covid-19

Igihugu cya Seychelles cyatangaje ko umuntu wa mbere yahitanywe n’icyorezo...
5 January 2021 Yasuwe: 3157 0