addresiya
Kigali
startimes

Tanzania: Umudepite yasanganwe COVID-19 bagenzi be bakomeza akazi

Amakuru   Yanditswe na: Dusingizimana Remy 21 April 2020 Yasuwe: 1208

Umudepite mu Nteko ishinga amategeko ya Tanzania bamusanzemo Coronavirus bituma benshi barushaho gusaba ko imirimo y’Inteko yo kwiga ingengo y’imari ihagarikwa.



Atavuze izina ry’uwo munyapolitiki, uwungirije umukuru w’Inteko Tulia Ackson yavuze ko uwo mudepite aheruka mu mujyi wa Dar es Salaam, ko ashobora kuba ariho yavanye iyi virus.

Bwana Ackson yaburiye bagenzi be kwirinda kujya muri uyu murwa mukuru w’ubucuruzi ubu ufatwa nk’izingiro rya coronavirus muri Tanzania.

Hagati ya tariki 18 n’ejo tariki 20 z’uku kwezi muri Tanzania habonetse abanduye Covid-19 bashya 84, na batatu bashya yishe, abanduye bose bahise bava ku 170 bagera kuri 254.Abamaze gukira muri 254 ni abantu 11.

Imirimo y’inteko yatangiye mu byumweru bitatu bishize nubwo yitabirwa n’abadepite bacye ugereranyije n’abasanzwe, abandi bagakoresha ’video conference’.

Mu minsi ishize, umukuru w’iyi nteko Job Ndugai yaharaniye ko iterana avuga ko nubwo hari icyorezo, imirimo ya ngombwa cyane mu gihugu igomba gukomeza.

Perezida Magufuli n’ubu ntarashyiraho ibihe bidasanzwe bihagarika ibintu bihuriramo abantu benshi nk’insengero, aho bategera imodoka, utubari, inzu z’imyidagaduro n’ibindi.

Kimwe na Perezida John Magufuli, Bwana Ndugai ntiyemeranya n’ingamba zikomeye zo guhagarika ubuzima busanzwe (lockdown) , zafashwe mu bihugu bitandukanye ku isi na bimwe muri Afurika.

Icyo gihe yagize ati: "Ntabwo twakora gusa ibyakozwe n’ibihugu by’iburayi. Biragoye cyane…twakwica abantu bacu. Hari abatunzwe no guca inshuro, bityo tugomba kureba iwacu uko bimeze tugafata ingamba zidukwiye".

Gusa ubu kubera uko ubwandu buhagaze, bamwe mu banyapolitiki bagenzi be barasaba ko imirimo y’Inteko ihagarara, abayigize bose bagasuzumwa, abanduye bakajya mu kato.

Zitto Kabwe wo mu ishyaka ACT-Wazalendo ritavuga rumwe n’ubutegetsi yanditse ati:

"Abadepite bose bajye mukato, bapimwe n’abo bahuye bashakishwe. Kuva ku ntangiriro twabagiriye inama yo guhagarika imirimo y’inteko. Biteye akaga".

Bamwe mu badepite bo mu mashyaka atavuga rumwe na leta mu minsi ishize basabye ko umujyi wa Dar es Salaam ushyirwa mu bihe byo guhagarika ubuzima busanzwe kuko ariho habonetse abantu benshi banduye.

Imam yafunze umusigiti

Kuwa kane, ni umunsi udasanzwe ku ngengabihe ya kisilamu kuko hazatangira ukwezi gutagatifu kwa Ramadhan.

Muri Tanzania, nubwo insengero z’imisigiti byemerewe gukomeza imirimo yabyo, Imam Said Haroun wo ku musigiti wa Msasani muri Arusha yategetse ko ufungwa.

Said Haroun avuga ko agamije kurengera ubuzima bw’abagana uyu musigiti muri iki gihe coronavirus iri gukwirakwira ndetse yamaze kugera muri Arusha.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Igikomangoma cy’Ububiligi cyanduriye Coronavirus mu birori cyitabiriye mu...

Igikomangoma cyo mu Bubiligi cyanduye coronavirus nyuma yo kwitabira...
31 May 2020 Yasuwe: 659 0

Intare ebyiri zateraniye umugore ushinzwe kurinda icyanya zibamo...

Mu gihugu cya Australia haravugwa inkuru ibabaje y’umurinzi w’icyanya kibamo...
30 May 2020 Yasuwe: 4436 0

Trump yahagaritse imikoranire ya Amerika na OMS ashinja kuba igikoresho...

Perezida Donald Trump wa Leta Zunze Ubumwe z’Amerika yatangaje ko...
30 May 2020 Yasuwe: 667 0

Burundi: Havuzwe impamvu itari Coronavirus yajyanye Denise Nkurunziza muri...

Umwe mu bakora mu biro bya perezida Nkurunziza uyobora u Burundi...
29 May 2020 Yasuwe: 5963 2

Ipusi yavutse ifite amasura 2 yapfuye nyuma y’iminsi 4 irwana intambara...

Biscuits na Gravy, igikundiro cy’ijangwe yavutse ifite amasura abiri,...
29 May 2020 Yasuwe: 2867 0

Umufasha wa Perezida Nkurunziza yafashe indege yerekeza muri Kenya nyuma yo...

Umufasha wa Perezida w’u Burundi, Madamu Denise Nkurunziza wafashe indege...
29 May 2020 Yasuwe: 3050 0